spot_img
Homeຂ່າວເຫດການກະກຽມຕ້ອນຮັບ ປະທານາທິບໍດີອາເມຣິກາ ຢ້ຽມຢາມລາວ ຄັ້ງປະຫວັດສາດ!

ກະກຽມຕ້ອນຮັບ ປະທານາທິບໍດີອາເມຣິກາ ຢ້ຽມຢາມລາວ ຄັ້ງປະຫວັດສາດ!

Published on

ວັນ​ທີ 12 ສິງຫາ 2016 ທີ່ກະຊວງ​ການ​ຕ່າງປະເທດ ທ່ານ ສະເຫຼີມ​ໄຊ ກົມ​ມະ​ສິດ ລັດ​ຖະມົນຕີ​ກະຊວງ​ການ​ຕ່າງປະເທດ ໄດ້​ຕ້ອນຮັບ​ການ​ເຂົ້າ​ຢ້ຽມ​ຄຳນັບຂອງ​ ທ່ານ ດາ​ນຽນ ຣັດ​ເຊວ (Daniel Russel) ຜູ້​ຊ່ວຍ​ລັດຖະ​ມົນຕີ​ກະຊວງ​ການ​ຕ່າງ​ປະເທດ ສະຫະລັດ​ອາ​ເມ​ຣິ​ກາ ເພື່ອປຶກສາ​ຫາລື​ທາງ​ດ້ານ​ເນື້ອ​ໃນ ເພື່ອ​ເປັນ​ການ​ກະກຽມ​ໃຫ້​ແກ່ການ​ເດີນທາງ​ມາ​ຢ້ຽມຢາມ ​ສປປ ລາວ ຄັ້ງ​ປະຫວັດສາດ ແລະ ເຂົ້າ​ຮ່ວມ​ກອງ​ປະຊຸມ​ສຸດ​ຍອດ​ອາຊີ​ຕາເວັນ​ອອກສຽງ​ໃຕ້ (ອາ​ຊຽນ) ຂອງ​ປະທານາທິບໍດີ​ສະຫະລັດ​ອາເມ​ຣິ​ກາ ໃນ​ຕົ້ນ​ເດືອນ​ກັນຍາ 2016.

ສອງ​ຝ່າຍ​ໄດ້​ມີ​ຄວາມ​ເຫັນເປັນ​ເອກະ​ພາບກັນ​ ວ່າການ​ພົວພັນ​ຮ່ວມ​ມື​ຂອງ​ສອງ​ປະເທດ ​ມີທ່ວງ​ທ່າ​ຂະຫຍາຍຕົວ​ດີ​ຂຶ້ນ ເຊິ່ງສອງ​ຝ່າຍ​ໄດ້​ລົງ​ເລິກ​ປຶກສາ​ຫາລື ແລະ ແລກປ່ຽນ​ຄຳ​ເຫັນ​ນຳ​ກັນຢ່າງ​ກວ້າງຂວາງ ​ກ່ຽວ​ກັບ​ບັນຫາຕ່າງໆ​ທີ່​ນອນ​ຢູ່​ໃນ​ຂອບ​ການຮ່ວມ​ມື ເຊັ່ນ: ວຽກ​ງານ​ການຊອກ​ຄົ້ນ​ຫາ​ສິ່ງ​ເສດ​ເຫຼືອ​ ຂອງທະຫານ​ອາ​ເມ​ຣິ​ກາ ທີ່​ຫາຍ​ສາບສູນ​ໃນ​ປາງ​ສົງຄາມ (MIA) ການ​ເກັບ​ກູ້​ລະເບີດ​ທີ່​ບໍ່​ທັນ​ແຕກ (UXO) ການ​ຮ່ວມ​ມື​ດ້ານ​ສາທາ​ລະນະ​ສຸກ ການ​ສຶກ​ສາ ແລະ ວັດທະນະທຳ ການ​ຊຸກຍູ້​ສົ່ງເສີມການ​ພົວພັນ​ຮ່ວມ​ມື​ດ້ານ​ການ​ຄ້າ ການ​ລົງທຶນ ລະຫວ່າງ​ສອງ​ປະເທດ ນອກ​ນັ້ນ ສອງ​ຝ່າຍ​ຍັງ​ໄດ້ຫາລື​ກ່ຽວ​ກັບ​ ບັນຫາ​ສະພາບການ​ພາກ​ພື້ນ ແລະ ສາກົນ​ທີ່ຕ່າງ​ຝ່າຍ​ມີ​ຄວາມ​ສົນໃຈ ​ເປັນຕົ້ນແມ່ນ ການ​ເປັນ​ປະທານ​ອາ​ຊຽນຂອງ​ລາວ.

 

ແຫລ່ງຂ່າວ:

ວຈໝ

ຕິດຕາມເຮາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...