spot_img
Homeຂ່າວຕ່າງປະເທດລັດຖະບານແຟັງລັງ ມີແຜນຈ່າຍເງິນເບ້ຍລ້ຽງລາຍເດືອນ 800 ເອີໂຣ ໃຫ້ພົນລະເມືອງທຸກຄົນ!

ລັດຖະບານແຟັງລັງ ມີແຜນຈ່າຍເງິນເບ້ຍລ້ຽງລາຍເດືອນ 800 ເອີໂຣ ໃຫ້ພົນລະເມືອງທຸກຄົນ!

Published on

Finland Prime Minister Stubb listens during the Europe's Twin Challenges: Growth and Stability event in the Swiss mountain resort of Davos
ທ່ານ ອະເລັກຊານເດີ້ ສະຕຸບ ລັດຖະມົນຕີວ່າການ ກະຊວງການເງິນແຟັງລັງ

ສຳນັກຂ່າວຕ່າງປະເທດ ລາຍງານໃນວັນທີ 7 ທັນວານີ້ວ່າ ທາງການແຟັງລັງ (ຟິນແລນ) ກຳລັງພິຈາລະນາແຜນການ ຈ່າຍເງິນເບ້ຍລ້ຽງລາຍເດືອນ ແບບບໍ່ຫັກອາກອນ ໃຫ້ແກ່ພົນລະເມືອງຊາວແຟັງລັງທຸກຄົນ ໃນທົ່ວປະເທດ ເດືອນລະ 800 ເອີໂຣ ຫລື ປະມານ 7 ລ້ານກີບຕໍ່ຄົນ ຊຶ່ງແຜນການດັ່ງກ່າວ ຖືກນຳສະເໜີໂດຍ ສະຖາບັນປະກັນສັງຄົມແຫ່ງຊາດແຟັງລັງ ແລະ ທ່ານ ອະເລັກຊານເດີ້ ສະຕຸບ ລັດຖະມົນຕີວ່າການ ກະຊວງການເງິນແຟັງລັງ ໂດຍເງິນເບ້ຍລ້ຽງດັ່ງກ່າວນີ້ ຈະຖືກນຳມາຈ່າຍ ແທນລະບົບຜົນປະໂຫຍດ ດ້ານສະຫວັດດີການສັງຄົມຮູບແບບອື່ນໆ ເພື່ອກະຕຸ້ນເຮັດໃຫ້ ປະຊາຊົນຊາວແຟັງລັງ ທີ່ກຳລັງວ່າງງານ ແລະ ຮັບການອຸດໜູນວ່າງງານ ກັບຄືນເຂົ້າມາເຮັດວຽກ ໃນລະບົບເສດຖະກິດຄືນ.

ທັງນີ້ ອັດຕາການວ່າງງານ ຂອງປະເທດແຟັງລັງ ໄດ້ຂຶ້ນສູງເປັນປະຫວັດການເຖິງ 10% ແລະ ຜູ້ວ່າງງານສ່ວນໃຫຍ່ ມັກຈະເລືອກລໍຖ້າເງິນຊ່ວຍເຫລືອ ຫລາກຫລາຍຮູບແບບ ຈາກລັດຖະບານ ແທນການກັບໄປເຮັດວຽກ ອອກແຮງງານກັບພາກສ່ວນເສດຖະກິດຕ່າງໆ.

ຈາກຜົນຂອງການສຳຫລວດຄວາມເຫັນ ຂອງປະຊາຊົນຊາວແຟັງລັງ ເຫັນວ່າເກືອບ 69% ເຫັນດີກັບແຜນການດັ່ງກ່າວນີ້ ຊຶ່ງຄາດວ່າຈະເລີ່ມຈັດຕັ້ງປະຕິບັດ ພາຍໃນເດືອນພະຈິກ 2016 ເປັນຕົ້ນໄປ ເຖິງແມ່ນວ່າ ວິທີການດັ່ງກ່າວນີ້ ຈະສົ່ງຜົນເຮັດໃຫ້ ລັດຖະບານແຟັງລັງ ຕ້ອງແບກຮັບພາລະດ້ານງົບປະມານ ສູງເຖິງ 46.7 ຕື້ເອີໂຣຕໍ່ປີກໍຕາມ.

 

 

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...