spot_img
Homeຂ່າວພາຍ​ໃນສຈ.ດຣ ບຸນຕຽມ ໄດ້ຮັບ ວຸດທິຖານະປັນຍາຊົນໂລກ

ສຈ.ດຣ ບຸນຕຽມ ໄດ້ຮັບ ວຸດທິຖານະປັນຍາຊົນໂລກ

Published on

DR
ສາ​ສະ​ດາ​ຈານ ດັອກເຕີ ບຸນ​ຕຽມ ພິດສະ​ໄໝ ​ໄດ້​ຮັບ​ວຸດ​ທິຖານະ​ເປັນ​ປັນຍາ​ຊົນ​ໂລກ ​ແຫ່ງ​ສັດ​ຕະວັດ​ທີ 21

ວັນ​ທີ 11 ພະ​ຈິກ​ນີ້, ທີ່ສະມາຄົມນັກຂ່າວແຫ່ງ ສປປ ລາວ ນະ ຄອນຫລວງວຽງຈັນ ໄດ້ມີພິທີຖະແຫລງຂ່າວກ່ຽວກັບທ່ານສາສະ ດາຈານ ດຣ ບຸນຕຽມ ພິດສະໄໝ ທີ່ເປັນໜຶ່ງໃນຈໍານວນ 2 ພັນຄົນທົ່ວໂລກໄດ້ຮັບ​​ວຸດ​ທິຖານະ ​ເປັນ​ປັນຍາ​ຊົນ​ໂລກ​ແຫ່ງ​ສັດ​ຕະວັດ​ທີ 21 ພາຍໃຕ້ຄະຕິທໍາ “ສັກ​ສີ​ຂອງ​ຄົນ​ຢູ່​ທີ່​ຄວາມ​ຄິດ” ຈາກ​ສູນ​ຊີວະ​ປະ​ຫວັດ​ສາກົນ, ​ເມືອງ​ແຄມ​ບຣິຊ, ປະ​ເທດ​ອັງກິດ.

ທ່ານສາສະດາຈານ ດຣ ບຸນຕຽມ ພິດສະໄໝ ຮຽນ​ຈົບ​ປະລິນຍາ​ເອກດ້ານ​ຄະນິດສາດ – ຟີ​ຊິກ​ສາດທີ່​ປະ​ເທດ​ຝຣັ່ງ ແລະ ​ເປັນ​ນັກວິ​ໄຈ​ປະຈຳ​ຫ້ອງ​ທົດ​ລອງ​ດ້ານ​ຟີ​ຊິກ ​ອາ​ວະ​ກາດ​ຢູ່​ສູນ​ຄົ້ນ​ຄວ້າວິທະຍາສາດ ​ແຫ່ງ​ຊາດ​ຝຣັ່ງ, ເຄີຍເປັນຜູ້ຮັບຜິດຊອບ ​ໂຄງການ​ວິ​ໄຈ​ດາວ​ທຽມ OSO 5  ​ແລະ ໄດ້​ເຂົ້າ​ຮ່ວມ​ໂຄງການ​ດາວ​ທຽມ OSO 6 ລະຫວ່າງ​ຝຣັ່ງ ​​ແລະສະຫະລັດອາ​ເມຣິກາ, ເຄີຍ​ເປັນ​ຮອງ​ຄະນະ​ກຳມະການ​ ຮັບຮອງ​ຜົນ​ຂອງ​ສະພາ​​ແຫ່ງ​ສີ​ລະ​ປະກຳ ​ວິທະຍາສາດ ​​ແລະ ການ​ສື່ສານ, ​ເປັນ​ຮອງ​ຜູ້ອຳນວຍການ​ໃຫຍ່​ແຫ່ງ ​ສູນ​ຊີ​ວິ​ປະຫວັດ​ສາກົນ​ສຳລັບ​ທະວີບອາຊີ, ນອກຈາກນີ້ຍັງເປັນໜຶ່ງ​ໃນ​ບັນດາ​ ຜູ້​ສ້າງ​ຕັ້ງ​ອົງການສໍາພັນນັກ​ສຶກສາລາ​ວ​ ທີ່​ປະ​ເທດ​ຝຣັ່ງ, ຊຶ່ງ​ເປັນອົງການ​ນັກ​ສຶກສາຮັກຊາດ​ ກ້າວໜ້າ​ ແລະ​ ສະ​ໜັບສະ​ໜູນ​ ການ​ປະຕິ​ວັດ​ລາວ​ຢູ່​ປະ​ເທດ​ຝຣັ່ງ, ​ໄດ້​ຮັບຕໍາ​ແໜ່​ງ​ເປັນ​ລັດຖະມົນຕີ​ ຢູ່​ຫຼາຍ​ຂະ​ແໜງ​ການ ​​ແລະ ຫຼາຍສະ​ໄໝ,​ ທັງເປັນ​ສະມາຊິກສະພາ​ແຫ່ງ​ຊາດ ​​ເຂດເລືອກຕັ້ງທີ 1 ​ນະຄອນຫຼວງ​ວຽງ​ຈັນ 3 ສະ​ໄໝ ​ແລະ ດ້ານ​ວິທະຍາສາດ​ຫຼາຍ​ຕຳ​ແໜ່​ງ ແລະ ​ໃນ​​ເວລາ​ທີ່​ທ່ານ​ດຳລົງ​ຕຳ​ແໜ່​ງ​ເປັນ ​ສະພາ​ວິທະຍາສາດ​ແຫ່ງ​ຊາດ​ນັ້ນ​ ທ່ານ​ໄດ້​ອະນຸມັດ​ການ​ສ້າງ​ຕັ້ງ​ສະມາຄົມ​ ຊີວະ​ນານາພັນ​ລາວ​ຢ່າງ​ເປັນ​ທາງ​ການ ​ໃນ​ປີ 2003 ແລະ  ການຈັດຖະແຫລງຂ່າວເທື່ອນີ້ກໍເພື່ອ ໃຫ້ສັງຄົມ​ໄດ້​ຮັບ​ຮູ້​ວ່າ:​ ຄົນ​ລາວເຮົາກໍ​ມີ ຄວາມສາມາດໄດ້​ຮັບ​ກຽດ​ອັນ​ສູງ​ສົງຈາກ ອົງການສາກົນກໍຄືໄດ້ກາຍເປັນ ນັກວິທະຍາສາດຄົນໜຶ່ງທີ່ໂລກຮັບຮູ້ ແລະໃຫ້ນັກຮຽນ-ນັກສຶກສາ, ປັນຍາຊົນໄດ້ເອົາເປັນແບບຢ່າງ ໃນການຕັ້ງໜ້າສຶກສາຮໍ່າຮຽນ ເພື່ອໃຫ້ໄດ້ກາຍເປັນນັກວິທະຍາສາດທີ່ເກັງ ເພື່ອພັດທະນາປະເທດຊາດໃຫ້ມີ ຄວາມຈະເລີນຂຶ້ນໄປເລື້ອຍໆ.

ເຂົ້າຮ່ວມພິທີຖະແຫລງຂ່າວດັ່ງກ່າວ ມີທ່ານສາສະດາຈານ ດຣ ບຸນຕຽມ ພິດສະໄໝ, ທ່ານຫຸມພັນ ຣັດຕະນະ​ວົງ ປະທານ​ສະມາຄົມ​ຊີວະ​ນານາພັນ​ລາວ, ທ່ານ ສົມສະໜຸກ ມີໄຊ ຮອງປະທານສະມາຄົມນັກຂ່າວແຫ່ງ ສປປ ລາວ,ພ້ອມດ້ວຍ​ສື່​ມວນຊົນ​​ເຂົ້າ​ຮ່ວມ​ເປັນ​ຈຳນວນ​ຫຼາຍ.

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...