spot_img
Homeປະຊາສຳພັນຈະສະຫຼອງວັນປະດິດສະຖານ ອະນຸສອນ ເຈົ້າອະນຸວົງ ຄົບຮອບ 5 ປີ

ຈະສະຫຼອງວັນປະດິດສະຖານ ອະນຸສອນ ເຈົ້າອະນຸວົງ ຄົບຮອບ 5 ປີ

Published on

Estatua-Parque-Chao-Anouvong-Vientiane

ເມືອງ​ຈັນທະ​ບູ​ລີ ນະຄອນຫຼວງ​ວຽງ​ຈັນ ຈະ​ໄດ້​ຈັດ​ງານ​ສະເຫຼີມ​ສະຫຼອງ​ວັນ​ປະດິດສະຖານ ອະນຸສອນ ເຈົ້າ​ອະນຸວົງ ຄົບຮອບ 5 ປີ (2/11/2010-2/11/2015) ແລະ ຕັ້ງ​ກອງ​ບຸນ​ເພື່ອ​ອຸທິດ​ໃຫ້​ແກ່​ດວງ​ວິນ​ຍານ​ຂອງ​ເຈົ້າອະນຸວົງ ບັນດາ​ທ່ານ​ບັນ​ພະ​ບູ​ລຸດ ແລະ ຜູ້ນຳ​ພັກ-ລັດ​ຂອງ​ລາວ​ທີ່ໄດ້​ລ່ວງ​ລັບ​ໄປ​ແລ້ວ​ນັ້ນ ເຊິ່ງ​ຈະໄດ້​ຈັດ​ຂຶ້ນ​ລະຫວ່າງ​ວັນ​ທີ 5-9 ພະຈິກ 2015 ຢູ່​ທີ່​ສວນ​ເຈົ້າ​ອະນຸວົງ (ແຄມ​ຂອງ) ບ້ານ​ຊຽງ​ຍືນ ເມືອງ​ຈັນທະ​ບູ​ລີ.

ສຳລັບ​ງານ​ສະເຫຼີມສະຫຼອງວັນ​ປະດິດສະຖານ ​ອະນຸສອນ ເຈົ້າອະນຸວົງ ຄົບຮອບ 5 ປີ ຄັ້ງ​ນີ້ ​ທາງເຈົ້າພາບ​ແມ່ນ​ໄດ້​ຈັດ​ໃຫ້​ມີ​ຫຼາຍກິດຈະກຳ​ດັ່ງນີ້: ວັນ​ທີ 5-9 ພະຈິກ ຈັດ​ໃຫ້​ມີ​ຕະຫຼາດນັດ​ວາງສະແດງ​ສິນຄ້າ​ ຜະລິດ​ຕະ​ພັນ​ຫັດຖະ​ກຳ​ຂອງ​ຊາວບ້ານ​ຢູ່​ສວນ​ເຈົ້າອະນຸວົງ ວັນ​ທີ 7 ພະຈິກ ເປັນ​ມື້ຫ້າງ​ຫາ​ກະກຽມ​ສະຖານທີ່ ແລະ ເຄື່ອງ​ສັງຄະ​ທານ ວັນ​ທີ 8 ພະຈິກ ເປັນ​ມື້​ຕັ້ງ​ກອງ​ບຸນ 9 ກອງ ແລະ ເຄື່ອງ​ສັງຄະ​ທານ​ຕ່າງໆ ເວລາ 9:00 ໂມງ​ເຊົ້າ ມີ​ພິທີ​ແຫ່ອຸປະ​ຄຸດ (ຄອບ​ໄຄວ່) ຕາມ​ປະ​ເພນີ ຫຼັງ​ຈາກ​ນັ້ນ ເວລາ 16:00 ໂມງ​ແລງ ມີ​ການ​ສູດ​ປະລິ​ຕະ​ມຸງຄຸນ ຕອນ​ຄ່ຳ​ມີ​ການ​ຄົບງັນ​ຕາມປະເພນີ (ຟັງ​ໝໍ​ລຳ​ຄູ່-ລຳ​ກອນ) ແລະ ຮັບ​ຟັງ​ການ​ໂມທະນາ​ທານ ແລະ ວັນ​ທີ 9 ພະຈິກ ເວລາ 7:00-11:30 ໂມງ​ເຊົ້າ ມີ​ພິທີ​ໃສ່ບາດ​ພະ 121 ອົງ ຖວາຍ​ເຄື່ອງ​ສັງຄະ​ທານ​ແດ່​ພະສົງ​ສາມະເນນ ແລະ ຖວາຍ​ກອງ​ອັດຖະ​ສັງຄະທານ ເປັນ​ອັນວ່າ​ຈົບ​ພິທີ.

ດັ່ງນັ້ນ ຈຶ່ງ​ແຈ້ງ​ຂ່າວ​ບຸນ​ມາຍັງ​ບັນດາ​ທ່ານ​ຜູ້ນຳ​ພັກ-ລັດ ອົງການຈັດຕັ້ງ​ທຸກ​ພາກສ່ວນ ຫົວໜ່ວຍ​ທຸລະ​ກິດ ບໍລິສັດ​ ຫ້າງ​ຮ້ານ ຕະຫຼອດ​ຮອດ​ປະຊາຊົນ​ບັນດາເຜົ່າ ​ທີ່​ມີ​ຈິດໃຈ​ໃສ​ສັດທາ ​ໄປ​ຮ່ວມໂມທະນາ​ທານ​ນຳ​ດ້ວຍ​ເທີ້ນ.

 

ແຫລ່ງຂ່າວ:

ວຈໝ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...