spot_img
Homeຂ່າວຕ່າງປະເທດທ່ານ ອັດຊາດ ຜູ້ນຳຊີຣີ ຢ້ຽມຢາມຣັດເຊຍ ຂະນະທີ່ສະຫະລັດຯ ຕຳນິລັດຖະບານປູຕິນຮຸນແຮງ!

ທ່ານ ອັດຊາດ ຜູ້ນຳຊີຣີ ຢ້ຽມຢາມຣັດເຊຍ ຂະນະທີ່ສະຫະລັດຯ ຕຳນິລັດຖະບານປູຕິນຮຸນແຮງ!

Published on

EyWwB5WU57MYnKOuXoey4DkdUD9uXbqSsdO2PwsNQgODDO6VCafwH5

ສຳນັກຂ່າວຕ່າງປະເທດ ລາຍງານໃນວັນທີ 22 ຕຸລານີ້ວ່າ ທ່ານ ບາຊາ ອັນ-ອັດຊາດ ປະທານາທິບໍດີຊີຣີ ໄດ້ເດີນທາງຢ້ຽມຢາມປະເທດຣັດເຊຍ ໃນວັນພຸດທີ 21 ຕຸລາຜ່ານມາ ໂດຍໄດ້ເຂົ້າພົບປະກັບ ທ່ານ ວະລາດິເມຍ ປູຕິນ ປະທານາທິບໍດີຣັດເຊຍ ທີ່ນະຄອນຫລວງມົດສະກູ ຊຶ່ງຖືເປັນການເດີນທາງຢ້ຽມຢາມຕ່າງປະເທດ ຄັ້ງທຳອິດຂອງຜູ້ນຳຊີຣີ ນັບຕັ້ງແຕ່ເກີດສົງຄາມກາງເມືອງໃນປະເທດຕົນ ຕັ້ງແຕ່ປີ 2011 ເປັນຕົ້ນມາ ໂດຍການຢ້ຽມຢາມດັ່ງກ່າວນີ້ ເກີດຂຶ້ນໃນລະຫວ່າງທີ່ຣັດເຊຍ ດຳເນີນນະໂຍບາຍຊ່ວຍເຫລືອ ແກ່ລັດຖະບານຊີຣີ ເພື່ອປາບປາມກຸ່ມກໍ່ການຮ້າຍລັດອິດສະລາມ ຫລື ໄອເອັສ.

ທ່ານ ອີຣິກ ຊູດ ໂຄສົກທຳນຽບຂາວ ແຫ່ງ ສະຫະລັດອາເມຣິກາ ໄດ້ອອກມາຕຳໜິ ແລະ ວິພາກວິຈານລັດຖະບານຣັດເຊຍຢ່າງຮຸນແຮງ ຕໍ່ກັບການຕ້ອນຮັບຜູ້ນຳຊີຣີໃນຄັ້ງນີ້ ໂດຍລັດຖະບານສະຫະລັດອາເມຣິກາເຫັນວ່າ ທ່ານ ອັດຊາດ ເປັນຜະເດັດການໃຊ້ອຳນາດຂ້າປະຊາຊົນຕົນເອງ, ໃນຂະນະທີ່ ເຈົ້າໜ້າທີ່ກະຊວງການຕ່າງປະເທດຣັດເຊຍ ກໍໄດ້ອອກມາຕອບໂຕ້ວ່າ ບໍ່ແມ່ນເລື່ອງປະຫລາດໃຈອັນໃດ ຕໍ່ການມາຢ້ຽມຢາມຣັດເຊຍຂອງ ທ່ານ ອັດຊາດ ແຕ່ປະເດັນສຳຄັນທີສະຫະລັດເອງມີຄວາມກັງວົນ ແມ່ນການທີ່ຣັດເຊຍ ຈະຍັງຄົງສືບຕໍ່ໃຫ້ການສະໜັບສະໜູນທາງການທະຫານ ໃນປະເທດຊີຣີຕໍ່ໄປ.

 

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...