spot_img
Homeຂ່າວເຫດການຮອງປະທານປະເທດຫວຽດນາມ ສຳເລັດການຢ້ຽມຢາມ ສປປ ລາວ ຢ່າງເປັນທາງການ

ຮອງປະທານປະເທດຫວຽດນາມ ສຳເລັດການຢ້ຽມຢາມ ສປປ ລາວ ຢ່າງເປັນທາງການ

Published on

b308ff6baf1aa8b35a2969b439956a06

ຂປລ. ​ໃນວັນທີ 18 ຕຸລາ 2015 ນີ້, ທ່ານນາງ ຫງວຽນ ທິ ຢວານ ຮອງປະທານປະເທດແຫ່ງ ສສ ຫວຽດນາມ ພ້ອມຄະນະໄດ້ສຳເລັດການຢ້ຽມຢາມ ສປປ ລາວ ຢ່າງເປັນທາງການ ​​ໂດຍຕອບສະໜອງຕາມຄຳເຊີນຂອງ ທ່ານ ບຸນຍັງ ວໍລະຈິດ ຮອງປະທານປະເທດແຫ່ງ ສປປ ລາວ.

ຕະຫລອດໄລຍະການຢ້ຽມຢາມ ສປປ ລາວ ຂອງ  ທ່ານ ນາງ ຫງວຽນ ທິ ຢວານ ພ້ອມຄະນະໃນຄັ້ງນີ້, ນອກ ຈາກມີການພົບປະສອງຝ່າຍກັບ ທ່ານຮອງປະທານປະເທດ ພ້ອມຄະນະແລ້ວ, ຄະນະຜູ້ແທນສສ ຫວຽດນາມ ຍັງໄດ້ເຂົ້າຢ້ຽມຄຳນັບ ທ່ານ ຈູມມາລີໄຊຍະສອນ ປະທານປະເທດ ທີ່ທຳນຽບປະທານປະເທດ, ພົບປະຢ້ຽມຢາມ ທ່ານ ທອງສິງ ທຳມະວົງ ນາຍົກລັດຖະມົນຕີ ທີ່ຫ້ອງວ່າການລັດຖະບານແລະ ທ່ານ ດຣ. ​ໄຊສົມພອນ ພົມວິຫານ ຮອງປະທານສະພາແຫ່ງຊາດ​ລາວ ທີ່​ຫໍ​ສະພາ​ແຫ່ງ​ຊາດ. ​​ໃນການ​ພົບ​ປະ​ຢ້ຽມຢາມກັບ​ບັນດາ​ຜູ້ນຳ ​ລາວ ແຕ່ລະ​ທ່ານ ຕ່າງ​ກໍ​ໄດ້​ຕີ​ລາຄາ​ສູງ ​ຕໍ່​ການ​ມາ​ຢ້ຽມຢາມ​ຢ່າງ​ເປັນ​ທາງ​ການ​ຂອງ​ຄະນະ​ຜູ້​ແທນ ສສ ຫວຽດນາມ ​ແນ​ໃສ່​ຮັດ​ແໜ້​ນ ​ແລະ ​ເພີ່ມ​ທະວີ​ສາຍ​ພົວພັນ​ມິດຕະພາບທີ່​ຍິ່ງ​ໃຫຍ່ ຄວາມ​ສາມັກຄີ​ພິ​ເສດ ​ແລະ ການ​ຮ່ວມ​ມື​ຮອບດ້ານ ລະຫວ່າງ ສອງ​ພັກ, ສອງ​ລັດ ​ແລະ ປະຊາຊົນ​ສອງ​ຊາດ ລາວ-ຫວຽດນາມ ທີ່​ມີ​ມູນ​ເຊື້ອ​ອັນ​ດີງາມ​ມາ​​ເປັນ​ເວລາ​ຍາວ​ນານ​ນັ້ນ ​ໃຫ້​ກ້າວ​ຂຶ້ນ​ສູ່​ລະດັບ​ສູງ​ອັນ​ໃໝ່ ​ເພື່ອ​ຜົນ​ປະ​ໂຫຍ​ດຂອງ​ປະຊາຊົນ​ທັງ​ສອງ​ຊາດ ກໍ​ຄື ​ເພື່ອ​ສັນຕິພາບ, ສະຖຽນ​ລະ​ພາບ, ການ​ຮ່ວມມື ​ແລະ ການ​ພັດທະນາ​ໃນ​ພາກ​ພື້ນ ​ແລະ ​ໃນ​ໂລກ.

​ ໃນ​ໂອກ​າດດຽວ​ກັນ, ທ່ານນາງ ຫງວຽນ ທິ ຢວານ ພ້ອມ​ຄະນະຍັງ​ໄດ້​ໄປ​ວາງ​ພວງ​ມະລາ​ ຢູ່​ທີ່​ອານຸສາ​ວະລີ​ ນັກຮົບ​ນິລະນາມ, ຢ້ຽມຢາມ​ໂຮງຮຽນ​ພອນ​ສະຫວັນ, ສູນ​ຝຶກ​ອົບຮົມ​ແມ່ຍິງ​ພິການ, ຢ້ຽມ​ຊົມ​ພະທາດ​ຫລວງ​ວຽງ​ຈັນ,  ​ ແລະ ຢ້ຽມຊົມພື້ນຖານ​ການ​ຜະລິດ, ວັດທະນະທຳ​ຈຳນວນ​ໜຶ່ງ, ນອກ​ນີ້​ ຄະນະ​ຜູ້​ແທນ​ຍັງ​ໄດ້​ໄປ​ຢ້ຽມ​ຊົມ​ວັດ​ສີ​ເມືອງ ​ແລະ ວັດ​ເຟິດຕິກ ຢູ່​ນະຄອນຫລວງ​ວຽງ​ຈັນ, ພ້ອມ​ນີ້ ກໍ​ໄດ້​ເດີນທາງ​ໄປ​ຢ້ຽມຢາມ​ເຂື່ອນ​ໄຟຟ້າ​ນ້ຳ​ງື່ມ 1 ​ແລະ ​ໂຮງໝໍ​ແຂວງ​ວຽງ​ຈັນ ຕື່ມ​ອີກ.

DSC_896818.10.6

ແຫລ່ງຂ່າວ:

ຂປລ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...