spot_img
Homeຂ່າວທ້ອງຖິ່ນເນື້ອທີ່ນາຂອງປະຊາຊົນ 2 ເມືອງຂອງແຂວງຄຳມ່ວນ ຖືກນ້ຳຖ້ວມ!

ເນື້ອທີ່ນາຂອງປະຊາຊົນ 2 ເມືອງຂອງແຂວງຄຳມ່ວນ ຖືກນ້ຳຖ້ວມ!

Published on

07

ຂປລ. ທ່ານ ພູທອນ ໄຊຍະວົງ ຫົວໜ້າຫ້ອງການ ກະສິກຳ ແລະ ປ່າໄມ້ ເມືອງເຊບັ້ງໄຟ ​ເປີດ​ເຜີຍ​ໃນວັນທີ4 ກັນຍານີ້ວ່າ: ເມືອງຂອງ​ຕົນ ແມ່ນເມືອງໜຶ່ງ ທີ່ໄດ້ຮັບ ຜົນກະທົບ ຈາກໄພນ້ຳຖ້ວມ ໂດຍສະເພາະ ເນື້ອທີ່ນາ ຂອງປະຊາຊົນ ເຊິ່ງ​ເມື່ອ ເດືອນ ກໍລະກົດ ຜ່ານມາ ​ເນື້ອ​ທີ່​ນາກ​ວ່າ 1 ພັນ​ເຮັກຕາ​ ຂອງຊາວນາ​ ກວ່າ 900 ຄອບຄົວ ຖືກ​ນ້ຳຖ້ວມ ​ແລະ ເສຍຫາຍ ​ໂຕ​ຈິງກວ່າ 300 ເຮັກຕາ ແລະ ​ເມື່ອທ້າຍເດືອນ ສິງຫາ ຮອດຕົ້ນເດືອນ ກັນຍານີ້ ຝົນ​ໄດ້ຕົກ ຕິດຕໍ່ກັນ ຫລາຍມື້ ເຮັດໃຫ້ ລະດັບ ນ້ຳເຊບັ້ງໄຟ ເພີ່ມຂຶ້ນ ແລະ ໄຫລເຂົ້າຖ້ວມ ເນື້ອທີ່ນາ ຂອງປະຊາຊົນ 27 ບ້ານ​ກວ່າ 900 ເຮັກຕາ.

ສ່ວນທ່ານ ຄຳມອນ ພົມພິທັກ ຫົວໜ້າ ຫ້ອງການ ກະສິກຳ-ປ່າໄມ້ ເມືອງໜອງບົກ ກ່າວ ວ່າ: ເນືື້ອທີ່ນາປີ​ ເມືອງ​ຕົນ ກໍຖືກ ນໍ້າຖ້ວມກວ່າ 1.800 ເຮັກຕາ ສົ່ງ​ຜົນ​ໃຫ້ ​ປະຊາຊົນ ​ກວ່າ 1.860 ຄອບຄົວ​ຢູ່ 34 ບ້ານ ປະສົບ​ບັນຫາຫລັງເນືື້ອທີ່ ເສຍຫາຍ ກວ່າ 1.390 ເຮັກຕາ ​ໂດຍ​ກວມ​ເອົາ 31 ບ້ານ, ສ່ວນພືດ ຂອງ​ປະຊາຊົນ 4 ບ້ານ ​ຄືບ້ານດອນຂຽວ, ບຶງສານທ່າ, ບຶງສານເທິງ ແລະ ບ້ານດອນປາແດກ ຖືກຖ້ວມ ເສຍຫາຍ 100 ເຮັກຕາ, ຄາດ​ຄະ​ເນ ​ຜົນ​ເສຍ​ຫາຍ​ ເບື້ອງ​ຕົ້ນ ກວ່າ 17 ຕື້ກີບ. ສຳລັບ​ການ​ປັກ​ດຳ​ເຂົ້ານາປີ ​ແມ່ນ​ສຳ​ເລັດ​ ໃນ​ເນື້ອ​ທີ່ ກວ່າ 14 ພັນ​ເຮັກຕາ ​ຈາກ​ການ​ຕັ້ງ​ເປົ້້າ ຜະລິດ ​ໃຫ້​ໄດ້ ​ໃນເນື້ອທີ່ 15.670 ເຮັກຕາ, ຂະນະ​ທີ່ ​ການປູກພືດ​ ໃນລະດູຝົນ ບັນລຸ 500 ເຮັກຕາ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...