spot_img
Homeຂ່າວຕ່າງປະເທດອາເມຣິກາ ປະກາດຟື້ນຟູຄວາມສຳພັນກັບ ກູບາ ທີ່ຢຸດສະງັກມາດົນ ກ່ວາເຄິ່ງສະຕະວັດ!

ອາເມຣິກາ ປະກາດຟື້ນຟູຄວາມສຳພັນກັບ ກູບາ ທີ່ຢຸດສະງັກມາດົນ ກ່ວາເຄິ່ງສະຕະວັດ!

Published on

35166904_h33834331

 

ສະຫະລັດອາເມຣິກາ ປະກາດຟື້ນຟູຄວາມສຳພັນທາງການທູດ ແລະ ກຽມຫລຸດຜ່ອນມາດຕະການຂວ້ຳບາດທາງການ

ຄ້າທີ່ອາເມຣິກາບັງຄັບໃຊ້ມາດົນກ່ວາ 5 ທົດສະວັດ.

 

ປະທານາທິບໍດີ ບາຣັກ ໂອບາມາ ຖະແຫລງໃນວັນພຸດທີ 17 ທັນວາຜ່ານມານີ້ວ່າ ພ້ອມທີ່ຈະທົບທວນຄວາມສຳພັນທາງ

ຄ້າ ແລະ ຈະກັບໄປເປີດສະຖານທູດສະຫະລັດ ຢູ່ປະເທດກູບາອີກເທື່ອໃໝ່ ພາຍຫລັງປິດທຳການມາໄດ້ 53 ປີ ຕັ້ງແຕ່ປີ

1961 ເປັນຕົ້ນມາ, ພ້ອມກັນນັ້ນ ທ່ານ ຣາອູນ ກາສໂຕຼ ຜູ້ນຳຂອງກູບາ ກໍໄດ້ຖະແຫລງໃນເວລາຕໍ່ມາທີ່ນະຄອນຫຼວງຮາ

ວານາ ຢືນຢັນອີກເທື່ອໜຶ່ງວ່າ ທັງສອງປະເທດໄດ້ບັນລຸຂໍ້ຕົກລົງ ທີ່ຈະຮື້ຟື້ນຄວາມສຳພັນທີ່ບາດໝາງກັນມາດົນນານ

ກ່ວາເຄິ່ງສະຕະວັດ.

 

ທ່ານ ບາຣັກ ໂອບາມາ ໄດ້ຖະແຫລງຍອມຮັບວ່າ ມາດຕະການຂວ້ຳບາດທາງການຄ້າຂອງສະຫະລັດຕໍ່ກັບກູບາ ເປັນສິ່ງ

ທີ່ລົ້ມເຫລວ ແລະ ຍັງກ່າວອີກວ່າ ຈະທາບທາມລັດຖະສະພາ ເພື່ອໃຫ້ການພິຈາລະນາຍົກເລີກ ພ້ອມໆກັບເລັ່ງເດີນໜ້າ

ສານສຳພັນທາງການທູດ ແລະ ເຊື່ອມໂຍງທາງດ້ານການທ່ອງທ່ຽວກັບກູບາ.  ທ່ານ ໂອບາມາ ໄດ້ກ່າວວ່າ ” ເຮົາຈະຢຸດຕິ

ແນວທາງທີ່ລ່າສະໄໝ ເຊິ່ງຫລາຍທົດສະວັດມານັ້ນໄດ້ລົ້ມເຫລວ ເພື່ອເພີ່ມພູນປະໂຫຍດຂອງເຮົາ ແລະ ເຮົາຈະເລີ່ມຕົ້ນ

ຄວາມສຳພັນອັນເປັນປົກກະຕິລະຫວ່າງສອງປະເທດແທນ ”

 

ທັງນີ້ ສະຫະລັດອາເມຣິກາ ໄດ້ດຳເນີນມາດຕະການຂວ້ຳບາດທາງການຄ້າຕໍ່ກູບາ ມາຕັ້ງແຕ່ປີ 1960 ແລະ ສອງປະເທດ

ບໍ່ມີຄວາມສຳພັນທາງການທູດໃດໆ ມາຕັ້ງແຕ່ປີ 1961.

 

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...