spot_img
Homeຂ່າວຕ່າງປະເທດ2 ຜູ້ຕ້ອງຫາຊາວມຽນມ້າ ພິກປີ້ນຄຳຮັບສາລະພາບ ຄະດີເກາະເຕົ່າປະເທດໄທ!

2 ຜູ້ຕ້ອງຫາຊາວມຽນມ້າ ພິກປີ້ນຄຳຮັບສາລະພາບ ຄະດີເກາະເຕົ່າປະເທດໄທ!

Published on

news05-1

 

ຜູ້ຕ້ອງຫາຊາວມຽນມ້າ ພິກປີ້ນຄຳໃຫ້ການຄະດີສັງຫານໂຫດ 2 ນັກທ່ອງທ່ຽວບ່າວສາວຊາວອັງກິດ ຢູ່ເກາະເຕົ່າ ປະເທດ

ໄທ ພ້ອມຮ້ອງໄອຍະການແຂວງ 3 ຂໍ້ ອ້າງຖືກຈັບຮັບບາບ.

 

ສຳນັກຂ່າວຕ່າງປະເທດລາຍງານວ່າ ເມື່ອວັນທີ 21 ຕຸລາຜ່ານມານີ້ ທ່ານ ລັດສະດາ ມະນູລັດສະດາ ທະນາຍຄວາມອາວຸໂສ

ແລະ ທີມທະນາຍຄວາມ ຈາກສຳນັກງານສິດທິມະນຸດ ສະພາທະນາຍຄວາມຂອງໄທ ໄດ້ເດີນທາງມາຍື່ນໜັງສືຕໍ່ຜູ້ບັນຊາ

ການຄ້າຍຄຸມຂັງເກາະສະໝຸຍ ແຂວງສຸຣາດທານີ ເພື່ອຂໍອະນຸຍາດເຂົ້າສອບປາກຄຳ ແລະ ບັນທຶກການໃຫ້ປາກຄຳຂອງ

ທ້າວ ເພວິນ ແລະ ທ້າວ ຊໍເຣນ ເຊິ່ງເປັນ 2 ຜູ້ຕ້ອງຫາຊາວມຽນມ້າ ໃນຄະດີຄາດຕະກຳ 2 ນັກທ່ອງທ່ຽວຊາວອັງກິດຢູ່ເກາະ

ເຕົ່າ ເຊິ່ງເປັນຂ່າວທີ່ທົ່ວໂລກ ໂດຍສະເພາະແມ່ນຊາວໄທ ແລະ ຊາວອັງກິດ ໃຫ້ຄວາມສົນໃຈເປັນພິເສດຢູ່ໃນຂະນະນີ້.

 

ໂດຍຜ່ານການສອບປາກຄຳເປັນເວລາ 5 ຊົ່ວໂມງ ທ່ານ ລັດສະດາ ໄດ້ອອກມາເປີດເຜີຍວ່າ ຜູ້ຕ້ອງຫາທັງສອງຄົນ ໄດ້ຮ້ອງ

ຂໍຄວາມເປັນທຳ ຜ່ານທະນາຍຄວາມຂອງສະພາທະນາຍຄວາມໄທ ເພື່ອໃຫ້ນຳໄປຍື່ນຕໍ່ໄອຍະການແຂວງເກາະສະໝຸຍ ຈຳ

ນວນ 3 ຂໍ້ດ້ວຍກັນຄື:

 

1. ຜູ້ຖືກຫາທັງສອງຄົນ ປະຕິເສດຂໍ້ກ່າວຫາ ວ່າເປັນຜູ້ຂ້ານັກທ່ອງທ່ຽວຊາວອັງກິດ

2. ຜູ້ຖືກຫາໄດ້ຖືກລ່າມແປພາສາຖີບເຂົ້າໜ້າເອິກ ແລະ ຕຳຫລວດໄທໄດ້ທຳຮ້າຍຮ່າງກາຍ ເພື່ອບີບໃຫ້ຮັບສາລະພາບ

3. ຂໍຄວາມເປັນທຳຕໍ່ໄອຍະການແຂວງ ເພື່ອພິຈາລະນາສືບສວນ ກ່ອນຈະຍື່ນຟ້ອງຕໍ່ສານ.

 

ທັງນີ້ ທ້າວ ເພວິນ ແລະ ທ້າວ ຊໍເຣນ ໄດ້ຖືກກ່າວຫາວ່າ ເປັນຜູ້ລົງມືສັງຫານໂຫດ ທ້າວ ເດວິດ ວິນລຽມ ມິນເລີ ແລະ ນາງ

ຮານນາ ວິກຕໍເຣຍ ເຊິ່ງເປັນນັກທ່ອງທ່ຽວຊາວອັງກິດ ເສຍຊີວິດຢູ່ບໍລິເວນຊາຍຫາດເທິງເກາະເຕົ່າ ເມືອງເກາະພະງັນ

ແຂວງສຸຣາດທານີ ໃນວັນທີ 15 ກັນຍາ 2014 ທີ່ຜ່ານມາ ໂດຍກ່ອນໜ້ານີ້ ເຈົ້າໜ້າທີ່ຕຳຫລວດໄທ ໄດ້ຖະແຫລງວ່າພວກ

ກ່ຽວທັງສອງໄດ້ຮັບສາລະພາບວ່າ ເປັນຜູ້ສັງຫານ 2 ນັກທ່ອງທ່ຽວຊາວອັງກິດແທ້ຈິງ ແລະ ກຽມປິດຄະດີເພື່ອສະຫລຸບ

ສຳນວນຍື່ນຟ້ອງຕໍ່ສານ ກ່ອນທີ່ສະພາທະນາຍຄວາມຂອງໄທ ຈະຍື່ນມືເຂົ້າມາຊ່ວຍ ແລະ ຜູ້ຕ້ອງຫາທັງສອງຄົນໄດ້ພິກ

ປີ້ນຄຳສາລະພາບຄືນ ອັນເປັນຂ່າວທີ່ສ້າງພາບພົດທາງລົບໃຫ້ແກ່ວົງການຕຳຫລວດໄທ ເຊິ່ງກຳລັງໂດ່ງດັງໄປໃນທົ່ວໂລກ.

 

kohtao

 

ບົດຄວາມຫຼ້າສຸດ

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...