ໜ້າທຳອິດ Tags ຣີສອດ

ໂຄດ​ຄໍາ​ສັ່ງ: ຣີສອດ

ພັກກາຍພັກໃຈທີ່ຣີເວີຣີສອດ ເມືອງຈໍາປາສັກ

ສະຖານທີ່ພັກຜ່ອນອີກແຫ່ງໜຶ່ງທີ່ເຊື່ອງຊ້ອນໃນປ່າໄມ້ຂຽວຊຸ່ມດັ່ງມໍລະດົກອັນລໍ້າຄ່າເຊັ່ນ ຣີເວີຣີສອດທີ່ຕັ້ງຢູ່ເມືອງຈໍາປາສັກ. ຣີສອດດັ່ງກ່າວໃນເມື່ອກ່ອນເປັນສວນດອກກ້ວຍໄມ້ ມີເນື້ອທີ່ດິນຂຽວອຸ່ມທຸ່ມທັງໝົດ 30,000 ຕາຕະລາງແມັດ, ຣີສອດນີ້ເປັນອີກໜຶ່ງສະຖານທີ່ທີ່ເໝາະສົມແກ່ນັກທ່ອງທ່ຽວທີ່ກໍາລັງຊອກຫາສະຖານທີ່ພັກຜ່ອນທີ່ມີກິ່ນອາຍຂອງຄວາມເປັນທໍາມະຊາດພັກຜ່ອນໄດ້ຢ່າງຫຼູຫຼາ ແລະ ຈັດຢູ່ໃນລະດັບລາຄາທີ່ໃຜໆກໍ່ຈັບຕ້ອງໄດ້. ສ່ວນຕົວຂ້າພະເຈົ້າເອງໄດ້ຍິນຊື່ສຽງຂອງຣີເວີ້ຣີສອດມາໄລຍະໜຶ່ງແລ້ວວ່າຣີສອດດັ່ງກ່າວບໍ່ພຽງແຕ່ງາມຕະການຕາແຕ່ຍັງເປັນຣີສອດທີ່ໃຫ້ຄວາມສຳຄັນກັບທຸກໆລາຍລະອຽດ.ເຫັນຫຼາຍໆຄົນກ່າວວ່າສະຖານທີ່ນີ້ຖືເປັນຈຸດເດັ່ນຂອງພາກໃຕ້, ຂ້າພະເຈົ້າຈິ່ງຕ້ອງມາສໍາພັດດ້ວຍຕົວເອງ. ຕົ້ນ ຜູ້ຈັດການທົ່ວໄປຂອງຣີສອດຊາວໄທ ໄດ້ທັກທາຍຂ້າພະເຈົ້າດ້ວຍຮອຍຍິ້ມແຈ່ມໃສ ແລະ ໄດ້ພາຂ້າພະເຈົ້າເລາະຊົມສະຖານທີ່ຈົນຮອດຫ້ອງພັກຂອງຂ້າພະເຈົ້າ. ຣີສອດມີເຮືອນພັກທັງໝົດ 28 ຫ້ອງ, ເຊິ່ງສາມາດເບິ່ງເຫັນທິວທັດແມ່ນໍ້າຂອງ ຫຼື ທິວທັດສວນຈາກຫ້ອງພັກແຕ່ລະຫ້ອງໄດ້. ຣີສອດດັ່ງກ່າວມີສະລອຍນໍ້າແບບອິນຟີນິຕີ້ ສອງສະ ເຊິ່ງທ່ານສາມາດເພີດເພີນໄປກັບວິວແມ່ນໍ້າເວລາໄດ້ໃນຂະນະທີ່ລອຍລ່ອງຕາມແຄມສະ. ຫ້ອງອາຫານຂອງຣີສອດຕັ້ງຢູ່ແຄມນໍ້າຂອງ ເຊິ່ງໃຫ້ບໍລິການອາຫານຫຼາກຫຼາຍສັນຊາດ...

ໄປທ່ຽວສວນອາຫານກີລາຣີສອດຫ້ວຍຂຸມຄຳ ບ່ອນດຽວມີຄົບເກືອບທຸກຢ່າງ

ຖື​ວ່າ​ເປັນ​ສະ­ຖານ­ທີ່​ນັດ​ໝາຍ​ກັນລະ­ຫວ່າງ​ໝູ່​ເພື່ອນ​ທີ່​ໜ້າ​ສົນ­ໃຈ​ຫຼາຍ​ອີກສະ­ຖານ­ທີ່​ໜຶ່ງ ເນື່ອງ​ຈາ​ກວ່າ​ສະ­ຖານ­ທີ່ ແຫ່ງ​ນີ້ ຖືກ​ຕົບ­ແຕ່ງ​ເຂົ້າ​ກັບ​ທຳ​ມະ​ຊາດຢ່າງ​ກົມ​ກືນ​ເຕັມ​ໄປ​ດ້ວຍ​ທິວ​ທັດ​ທຳ​ມະຊາດ​ສວຍ​ງາມ, ບັນ­ຍາ­ກາດ​ເຢັນ​ສະບາຍ, ມີ​ຄວາມ​ງຽບ​ສະ­ຫງົບ​ສະ­ຫວາດສະ­ເຫວີຍ​ດີ​ທີ່​ພິ­ເສດ​ກວ່າ​ນີ້​ຄື​ທາງ​ສວນ ຈະ​ມີ​ຄວາມ​ຫຼາກ​ຫຼາຍ​ໃນ​ເລື່ອງ​ຂອງການ​ບໍ­ລິ­ການ​ບໍ່​ວ່າ​ຈະ​ເປັນ​ບໍ­ລິ­ການ​ດ້ານກີ­ລາ​ເຊັ່ນ: ກິ­ລາ​ເປ​ຕັງ, ສະ­ໜຸກ​ເກີ, ຕີ­ໄກ່, ລອຍ­ນ້ຳ, ບານ­ເຕະ, ຕຶກ­ເບັດ, ນອກ​ນີ້​ຍັງມີ​ບໍ­ລິ­ການ​ອາ­ຫານ​ເຄື່ອງ​ດື່ມ, ຕູບ​ນັ່ງ​ຫຼິ້ນແຄມ​ໜອງ​ນ້ຳ​ໃຫຍ່, ຫ້ອງ​ຄາ​ລະ​ໂອ​ເກະ ທີ່​ອອກ​ແບບ​ສວຍ​ງາມ​ເຂົ້າ​ກັບ​ທຳ​ມະຊາດ, ຫ້ອງ​ພັກ​ແບບ​ຣີ​ສອດ​ສາ­ມາດ​ຄ້າງຄືນ​ໄດ້ ທີ່​ສຳ­ຄັນ​ລາ­ຄາ​ເປັນ​ກັນ​ເອງ. ທ່ານ ແສງ​ແກ້ວ ປ່ອນ​ສະ­ຫວັນ ເຈົ້າຂອງ​ສວນ​ອາ­ຫານ​ກິ­ລາ​ຣີ​ສອດ​ຫ້ວຍ​ຂຸມຄຳ​ເປີດ­ເຜີຍ​ຕໍ່​ທີມ​ຂ່າວ​ພວກ​ເຮົາ​ຫວ່າງບໍ່​ດົນ​ມາ​ນີ້​ວ່າ: ສວນ​ອາ­ຫານ​ກິ­ລາ​ຣີ​ສອດຫ້ວຍ​ຂຸມ​ຄຳ​ເລີ່ມ​ສ້າງ​ມາ​ໄດ້​ປະ­ມານ 4-5...

ໂຮງ­ແຮມ​ຫຼວງ​ພະ​ບາງ 3 ແຫ່ງ​ໄດ້​ຮັບ​ນາມ­ມະ­ຍົດ ​ເປັນ​ໂຮງ­ແຮມ​ຂຽວ​ອາ​ຊຽນ

ນັບ​ວ່າ​ເປັນ​ໂສມ​ໜ້າ​ອັນ​ໃໝ່​ຂອງ​ເມືອງ​ມໍ­ລະ­ດົກ​ໂລກ​ຫຼວງ​ພະ​ບາງເພາະ​ບັນ­ດາ​ໂຮງ­ແຮມ​ເຮືອນ​ພັກ​ທີ່​ໃຫ້​ບໍ­ລິ­ການແກ່​ນັກ​ທ່ອງ​ທ່ຽວ​ໄດ້​ຄ່ອຍ​ຫັນ​ເຂົ້າ​ສູ່​ຂອດ​ບໍ­ລິ­ການ​ທີ່​ໄດ້​ມາດ­ຕະ­ຖານ​ໄປ​ຄຽງ​ຄູ່​ກັນ​ກັບ​ການ​ປົກ​ປັກ​ຮັກ­ສາ​ສິ່ງ­ແວ­ດລ້ອມ​ອ້ອມ​ຂ້າງ​ໃຫ້​ມີ​ຄວາມ​ສວຍ​ງາມເຮັດ​ໃຫ້​ປີ​ນີ້​ໄດ້​ຮັບ​ນາມ­ມະ­ຍົດ​ເປັນໂຮງ­ແຮມ​ຂຽວ​ອາ​ຊຽນ​ເຖິງ 3 ແຫ່ງ ແລະ​ເຮືອນ​ພັກ​ມາດ­ຕະ­ຖານ​ດາວŒດອກ ຈຳ­ປາ​ອີກ 2 ແຫ່ງ. ພິ­ທີ​ມອບ​ລາ­ງວັນ​ດັ່ງ­ກ່າວ​ຈັດ​ຂຶ້ນເມື່ອ​ທ້າຍ​ອາ­ທິດ​ທີ່​ຜ່ານ​ມາ​ຢູ່​ຫ້ອງ​ປະ­ຊຸມໂຮງ­ແຮມ​ຈິດ​ຈະ­ເລີນ​ເມືອງ​ຫຼວງ​ໂດຍ ໃຫ້​ກຽດ​ມອບ​ຂອງ ທ່ານ ອຸ່ນ​ທວງ ຂາວ​ພັນ ຫົວ­ໜ້າ​ກົມ​ຄຸ້ມ​ຄອງ​ການ­ທ່ອງ­ທ່ຽວ, ມີ​ຜູ້​ຕາງ​ໜ້​ຈາກ​ໂຮງ­ແຮມ​ຂຶ້ນ​ຮັບ​ຄື: ຈາກ​ໂຮງ­ແຮມ​ຫຼວງ​ພະ​ບາງ​ວິວ, ໂຮງ­ແຮມ​ຄີ­ລີ​ດາ​ຣາ ແລະ​ໂຮງ­ແຮມ​ຈິດ​ຈະເລີນ​ເມືອງ​ຫຼວງ, ພ້ອມ​ນີ້ ​ກໍ​ມີ​ຕາງ­ໜ້າເຮືອນ​ພັກ​ສາຍ​ຄຳ, ເຮືອນ​ພັກ​ບີ​ແອນ​ບີ ແລະ​ ມີ​ບັນ­ດາ​ຊຽວ​ຊານປະ­ຈຳ​ໂຄງ­ການ RELATED, ມີ​ຮອງ​ພະ​ແນກ ຖວ​ທ...

ໄປນອນເອົາຄວາມຄິດ ຢູ່ຄຸກເກົ່າ

    ຖ້າໃຫ້ຊື້ປີ້ຍົນໄປນອນໂຮງແຮມຫຼູຫລາຄິດວ່າຄົນລາວຫຼາຍຄົນຄືຈະບໍ່ມັກເຮັດແຕ່ຂ້າພະເຈົ້າລອງເຮັດມາແລ້ວ ແລະຮູ້ສຶກວ່າມັນກຸ້ມຄ່າ ເພາະມັນໄດ້ຄວາມຄິດທີ່ລໍ້າເລີດໃຫ້ກັບຕົນເອງ. ຂ້າພະເຈົ້າຊື້ປີ້ຍົນແລ້ວເດີນທາງໄປນອນທີ່ໂຮງແຮມຫຼູຫຼາພຽງຄືນດຽວທີ່ຫຼວງພະບາງ ແລ້ວບິນກັບວຽງຈັນ. ຂ້າພະເຈົ້າ ເລືອກນອນໂຮງແຮມDe La Paixຊຶ່ງເປັນຫນຶ່ງໂຮງແຮມລະດັບຫຼູ ໃນຫຼວງພະບາງ.ທີ່ຕັດສິນໃຈນອນໂຮງແຮມນີ້ກໍ່ເພາະຮູ້ມາວ່າມັນຖືກດັດແປງມາຈາກຄຸກ. ສິ່ງທີ່ຂ້າພະເຈົ້າຢາກບອກວ່າ“ກຸ້ມຄ່າ”ກໍ່ເພາະວ່າຕົນເອງຮູ້ສຶກວ່າໄດ້ຮັບຄວາມຄິດໃຫມ່ຫຼາຍໆຢ່າງຈາກໂຮງແຮມຫຼັງນີ້ໂດຍສະເພາະແມ່ນຄວາມຄິດເຮັດໃຫ້ທຸກຢ່າງຫຼູຫຼາໃນຂະນະທີ່ຍັງຮັກສາຮູບແບບເດີມທຸກຢ່າງຂອງຄຸກໄວ້ໄດ້. ຂ້າພະເຈົ້າບໍ່ຢາກເຊື່ອເລີຍວ່າຄຸກເກົ່າໆຈະມີຄົນນຳມາເຮັດໃຫ້ເປັນໂຮງແຮມຫຼູຫຼາໄດ້ ໂດຍທີ່ບໍ່ມີການມ້າງເພໂຄງສ້າງເດີມຂອງມັນເລີຍ. ອາຄານທຸກຫຼັງຍັງຮັກສາຮູບໂສມເດີມຂອງມັນ, ຫນອງປາທີ່ນັກໂທດເຄີຍໃຊ້ເປັນບ່ອນລ້ຽງປາກໍ່ກາຍເປັນໜອງປາຂອງໂຮງແຮມ, ຊ່ອງລົມທີ່ເປັນຮູນ້ອຍໆຢູ່ຝາຫ້ອງຂັງກໍ່ກາຍເປັນປ່ອງແກ້ວຮັບແສງສະຫວ່າງຈາກພາຍນອກຂອງໂຮງແຮມ, ດ້ານຫຼັງຂອງອາຄານທີ່ເຄີຍເປັນຄອກເປັດຄອກໄກ່ກໍ່ກາຍເປັນສວນຫຍ້າແລະສະນຳ້ຂອງຫ້ອງນອນແຕ່ລະຫ້ອງ. ຫ້ອງອາຫານຖືກປະດັບເອ້ດ້ວຍປຶ້ມຫຼາກຫຼາຍຮູບແບບ ໂດຍທີ່ຝາ 3 ດ້ານຂອງຫ້ອງອາຫານ ແມ່ນອ້ອມຮອບດ້ວຍຕູ້ປຶ້ມ. ຂ້າພະເຈົ້າໃຊ້ເວລາດົນໃນການສັງເກດເບິ່ງລາຍລະອຽດຂອງຫ້ອງນອນ...
Message Us
Loading...
error: Content is protected !!