ໜ້າທຳອິດ Tags ຂ່າວນ້ຳຖ້ວມ

ໂຄດ​ຄໍາ​ສັ່ງ: ຂ່າວນ້ຳຖ້ວມ

ປະຊາຊົນຫວຽດນາມ ຮ່ວມບໍລິຈາກເງິນຊ່ວຍເຫຼືອຜູ້ປະສົບໄພນ້ຳຖ້ວມຢູ່ລາວ

ເພື່ອ​ເປັນ​ການ​ຊ່ວຍເຫຼືອ​ໃຫ້ກັບ​ຜູ້​ທີ່​ຖືກ​ເຄາະ​ຮ້າຍ​ຈາກ​ໄພ​ພິບັດ​ທາງ​ທຳ​ມະ​ຊາດ (ນ້ຳ​ຖ້ວມ) ໃຫ້​ບັນດາ​ແຂວງ​ພາກ​ກາງ ພາກເໜືອ ແລະ ພາກ​ໃຕ້ ທີ່​ໄດ້​ຮັບ​ຜົນກະທົບ​ຈາກ​ພະຍຸ​ສົງກາ ສະຖານທູດ ​ສສ ຫວຽດນາມ ປະຈຳ ​ສປປ ລາວ ຕາງໜ້າ​ໃຫ້​ບັນດາ​ຜູ້ຕາງໜ້າ​ຫວຽດນາມ ປະຈຳ​ລາວ ແລະ ປະຊາຊົນ​ຫວຽດນາມ​ອາໄສ​ຢູ່​ລາວ ໄດ້​ຮ່ວມ​ກັນ​ບໍລິຈາກເງິນ​ຊ່ວຍເຫຼືອ​ປະຊາຊົນ​ລາວ ຜູ້ຖືກ​ເຄາະ​ຮ້າຍ​ຈາກ​ພະຍຸ​ດັ່ງກ່າວ ຈຳນວນ 9.546 ໂດ​ລາ​ສະຫະລັດ ຫຼື ປະມານ...

ພະຍຸຊົງກາ ສົ່ງຜົນກະທົບແກ່ 181 ບ້ານໃນແຂວງສະຫວັນນະເຂດ

ເນື່ອງຈາກ​ຜົນ​ກະທົບ​ ຈາກພາຍຸຊົງ​ກາ ​ເຮັດ​ໃຫ້ເກີດມີສະພາບຝົນຕົກ ຕິດຕໍ່ກັນຫລາຍວັນ ນັບແຕ່ວັນທີ 24-28/7/2017 ​ເຊິ່ງ​ໄດ້​ເຮັດ​ໃຫ້ນ້ຳ​ຖ້ວມຂັງ ເປັນບໍລິເວນກວ້າງ ​ເຮັດ​ໃຫ້ບ້ານ​ເຮືອນ​​ ແລະ ເນື້ອ​ທີ່​ການ​ຜະລິດ ຂອງປະຊາຊົນ ເສຍຫາຍ​ຫລາຍພໍສົມຄວນ ຢູ່ 7 ເມືອງ ຂອງແຂວງສະຫວັນ​ນະ​ເຂດ, ລວມມີ 181 ບ້ານ, ມີ 9.304 ຄອບຄົວ, ປະຊາກອນ...

ລັດເລັ່ງຊ່ວຍເຫລືອຜູ້ປະສົບໄພນ້ຳຖ້ວມ ພາກກາງ -ພາກໃຕ້

ໃນ​ລະຫວ່າງວັນ​ທີ 9-12 ສິງຫາ ນີ້, ທ່ານ ຄຳ​ແພງ ​ໄຊ​ສົມ​ແພງ ລັດຖະມົນຕີກະຊວງ​ແຮງ​ງານ ​ແລະ ສະຫວັດດີ​ການ​ສັງຄົມ ​ໄດ້​ລົງ​ເຄື່ອນ​ໄຫວມອບ​ເງິນ​ຊ່ວຍ​ເຫລືອ​ເບື້ອງ​ຕົ້ນ ​ໃຫ້​ແກ່​ຜູ້​ປະສົບ​ໄພນ້ຳ​ຖ້ວມ ຢູ່ບັນດາ​ແຂວງພາກ​ກາງ ​ແລະ ພາກ​ໃຕ້ ຄື: ​​ແຂວງບໍລິ​ຄຳ​ໄຊ, ຈຳປາ​ສັກ, ສາລະ​ວັນ, ​ເຊ​ກອງ ​ແລະ ​ແຂວງ​ອັດ​ຕະປື, ມູນ​ຄ່າ 430 ລ້ານ​ກີບ. ​ໃນ​ຂະນະ​ທີ່ ທ່ານ ນາງ ​ໃບ​ຄຳ ຂັດ​ທິຍະ ຮອງລັດຖະ ມົນຕີກະຊວງ​ແຮງ​ງານ ​ແລະ ສະຫວັດດີ​ການ​ສັງຄົມ ກໍ​ໄດ້​ໄປ​ມອບ​ເງິນ​ຊ່ວຍ​ເຫລືອ ​ໃຫ້​ແກ່ແຂວງວຽງຈັນ ຈຳນວນ 120 ລ້ານ​ກີບ, ລວມມູນ​ຄ່າ​ທັງໝົດ 550 ລ້ານ​ກີບ. ແຂວງ​ວຽງຈັນ ມີປະຊາຊົນ​ໄດ້​ຮັບ​ຜົນ​ກະທົບ​ຈາກ​ໄພນ້ຳ​ຖ້ວມ​ຢູ່ 3 ​ເມືອງ ຄື: ​ເມືອງ​ຫີນ​ເຫີບ, ໂພນ​ໂຮງ ​ແລະ ​ເມືອງ​ຊະນະ​ຄາມ, ມີ 266 ຄອບຄົວ, 1.320 ຄົນ, ເຂົ້າ​ນາ ​ແລະ ພືດ​ຜັກ​ເສຍ​ຫາຍ​ກວ່າ 100 ​ເຮັກຕາ, ມູນ​ຄ່າ​ຄວາມ​ເສຍ​ຫາຍທັງໝົດ 1 ຕື້​ກວ່າ​ກີບ. ​ກ່ອນໜ້ານີ້ ​ແຂວງ​ວຽງຈັນ ຍັງ​ໄດ້ປະສົບ​​ໄພພິບັດ​ທຳ​ມະ​ຊາດ ພາຍຸ​ລະດູ​ຮ້ອນທັງໝົດ 7 ​ເມືອງ​, 22 ບ້ານ, 478 ຄອບຄົວ, ​​ໂຮງຮຽນ​ເປ່​ເພ 9 ຫລັງ ​ເຊິ່ງ​ໄດ້​ຮັບ​ການ​ຊ່ວຍ​ເຫລືອ​ຈາກ​ພາກ​ລັດມາ​ແລ້ວ 2.780 ລ້ານ​ກີບ. ແຂວງ ​ບໍລິ​ຄຳ​ໄຊ ​ໄດ້​ຮັບ​ເງິນ​ຊ່ວຍ​ເຫລືອ ຈຳນວນ 120 ລ້ານ​ກີບ ​​​ເຊິ່ງໄພພິບັດ​ດັ່ງກ່າວ, ໄດ້​ເກີດ​ຂຶ້ນເຖິງ 2 ຄັ້ງ ຢູ່​ເມືອງ​ຄຳ​ເກີດ ຄັ້ງ​ທີໜຶ່ງ ໃນ​ລະຫວ່າງ 16-18 ກໍລະກົດ 2017, ປະຊາຊົນ​ໄດ້​ຮັບ​ຜົນກະທົບ  45 ບ້ານ, ​ເນື້ອ​ທີ່​ເຂົ້ານາ​ປີ​ເສຍ​ຫາຍ 175 ​ເຮັກຕາ, ສວນ​ມັນ​ຕົ້ນ 230 ​ເຮັກຕາ, ສາລີ100 ກວ່າ​ເຮັກຕາ, ສວນ​ຖົ່ວດິນ 900 ກວ່າ​ເຮັກຕາ, ສວນໝາກນັດ, ງົວ-​ຄວາຍ ​ແລະ ປາ​ລ້ຽງ​ເສຍ​ຫລາຍ​ສົມຄວນ. ສ່ວນ​ຄັ້ງ​ທີ​ສອງ​ ໄດ້​ເກີດ​ຂຶ້ນ​ລະຫວ່າງ 3-6 ສິງຫາ, ຢູ່ 4 ບ້ານ ​ບ້ານ​ໂພນ​ຕານ ​ແລະ ບ້ານ​ບຸ່ງ​ປ່າ​ຕາວ, ບ້ານ​ນາ​ປ່າ​ຫວ້ານ ​ແລະ ປ່າ​ຄາ ຈຳນວນ 70 ຄອບຄົວ, ປະຊາຊົນ​ແຕ່​ລະ​ບ້ານ​ໄດ້​ຮັບ​ຄວາມເສຍ​ຫາຍ​ 70% ຂຶ້ນ​ໄປ. ພ້ອມ​ນັ້ນ ເສັ້ນທາງ​ເລກ 8A ກໍ​ໄດ້​ຮັບ​ຄວາມ​ເສຍຫາຍ​ດິນ​ເຈື່ອນ​ຖົມ​ທາງ ​ເປ່​ເພ 12 ຈຸດ, ​ເສົາ​ໄຟຟ້າ​ຫັກ 5 ຕົ້ນ. ສະ​ເພາະ​ແຂວງຈຳປາ​ສັກ ​ໄດ້​ຮັບ​ການ​ຊ່ວຍ​ເຫລືອ​ເງິນສົດ 120 ລ້ານ​ກີບ ​ເຊິ່ງມີ​ປະຊາຊົນ​ຫລາຍ​ບ້ານ ​ໄດ້​ຮັບ​ຜົນກະທົບຈາກໄພນ້ຳຖ້ວມ ​ເປັນ​ຕົ້ນ​ແມ່ນ ​ເຂດບ້ານບຸ່ງຄ້າ, ບ້ານຄີລີ ແລະ ບ້ານດອນແຊ ເມືອງຊະນະສົມບູນ, ລວມທັງ​ເທດສະບານ​ແຂວງ, ເສັ້ນທາງ 18...

ໄຟຟ້າອຸດົມໄຊ ເລັ່ງຕິດຕັ້ງ ແລະ ສ້ອມແປງຢ່າງຮີບດ່ວນ ຫຼັງກະທົບໜັກຈາກນ້ຳຖ້ວມ

ໃນລະຫວ່າງວັນທີ 6-9 ສິງຫາ 2017 ນີ້ ເຈົ້າທີ່ໄຟຟ້າສາຂາແຂວງອຸດົມໄຊ ຮີບຮ້ອນສ້ອມແປງ ແລະ ປົວແປງເສົາໄຟຟ້າລົ້ມຈໍານວນຫລາຍ ພາຍຫລັງນໍ້າຖ້ວມແຮງຈາກອິດທິພົນຝົນຕົກ ຫນັກໃນວັນທີ 5 ສິງຫາ 2017 ຢູ່ແຂວງອຸດົມໄຊເຮັດໃຫ້ເສົາໄຟຟ້າລົ້ມ ແລະ ​ປະ​ຊາ​ຊົນ​ບໍ່ມີ​ໄຟ​ຟ້າ​ໃຊ້. ປັດຈຸບັນ ພະ​ນັກ​ງານໄດ້​ສຸມ​ທຸກ​ກຳ​ລັງ​ແກ້​ໄຂ​ຢ່າງ​ເລັ່ງ​ດ່ວນ​ ເພື່ອ​ໃຫ້​ສາ​ມາດ​ກູ້​ລະ​ບົບ​ໄຟ​ຟ້າ​ກັບ​ຄືນ​ພ້ອມ​ທັງ​ຮັບ​ປະ​ກັນ​ຄວາມ​ປອດ​ໄພ ​ແລະ​ ຮັບ​ໃຊ້​ປະ​ຊາ​ຊົນ​ຢ່າງ​ເອົາ​ຈິງ​ເອົາ​ຈັງ.   ແຫລ່ງຂ່າວ: ສຳນັກຂ່າວສານປະເທດລາວ

ນ້ຳຖ້ວມອຸດົມໄຊເຮັດໃຫ້ມີຜູ່ເສຍຊີວິດ 1 ຄົນ ແລະ ເສັ້ນທາງເປັນອຳມະພາດກວ່າ 20 ຈຸດ

ເມື່ອວັນທີ 6 ສິງຫາ 2017 ທ່ານ ເພັດສາຄອນ ຫຼວງອາໄພ ເຈົ້າແຂວງອດົມໄຊພ້ອມດ້ວຍຄະນະໄດ້ລົງເຄື່ອນໄຫວຕິດຕາມກວດກາ ແລະ ຢ້ຽມຢາມເບີ່ງຄວາມສຸກທຸກຂອງປະຊາຊົນທີ່ໄດ້ຮັບຜົນກະທົບ ເພື່ອປະເມີນຕິດຕາມຜົນເສຍຫາຍ ແລະ ໃຫ້ກຳລັງໄຈແກ່ປະຊາຊົນທີ່ໄດ້ຮັບເຄາະຮ້າຍ ພາຍຫລັງເກີດເຫດນໍ້າຖ້ວມກະທັນຫັນໃນວັນທີ 5/8/2017 ນີ້ ຂະນະທີ່ ຈາກການລາຍງານຂໍ້ມູນເບື້ອງຕົ້ນມີຜູ້ເສຍຊີວິດ 1 ຄົນ ແລະ ມີເຮືອນຂອງປະຊາຊົນຖືກພັດໄຫຼຫຼາຍຫຼັງ ເສົາໄຟ້າຫັກລົ້ມຈຳນວນຫຼາຍຕົ້ນ ສ່ວນເສັ້ນທາງເລກ...

ເມືອງໂພນທອງ ແຂວງຫລວງພະບາງ ນໍ້າກໍຖ້ວມຫລາຍຈຸດ

ວັນທີ 4 ສິງຫາ 2017 ຜ່ານມານີ້ ໄດ້ເກີດນໍ້າຖ້ວມເສັ້ນທາງແລະ ເຮືອນຂອງປະຊາຊົນຈໍານວນໜຶ່ງຢູ່ເມືອງໂພນທອງ ແຂວງ ຫລວງພະບາງ. ເຫດການນໍ້າຖ້ວມ ແມ່ນໄດ້ເກີດຂຶ້ນໃນເວລາປະມານ 7:30 ໂມງ ຂອງວັນທີ 4 ສິງຫາ 2017 ເນື່ອງຈາກມີຝົນຕົກແຮງຫຼາຍຊົ່ວໂມງ ເຮັດໃຫ້ສາຍນໍ້າອືມ, ສາຍນໍ້າມັດ ແລະ ສາຍນໍ້າແມນ ເກີດມີສະພາບນໍ້າລົ້ນ ແລະ ໄຫຼລົ້ນຝັ່ງຢ່າງຮ້າຍແຮງຢູ່ຈຸດຂົວຈົມ...

ເຈົ້າແຂວງອັດຕະປືລົງພື້ນທີ່ຂີ່ລົດຕ໋ອກໆລຸຍນໍ້າໄປຊ່ວຍປະຊາຊົນຖືກນໍ້າຖ້ວມ

ວັນທີ 28/7/2017 ທ່ານ ນາມ ວິຍະເກດ ເຈົ້າແຂວງອັດຕະປື ພ້ອມດ້ວຍ ທ່ານຮອງເຈົ້າແຂວງ ແລະ ຄະນະຕ້ານໄພພິບັດຂັ້ນແຂວງ ໄດ້ຕັດສິນໃຈນັ່ງລົດຕ໋ອກໆລົງເຄື່ອນໄຫວຢ້ຽມຢາມ ແລະ ກວດກາສະພາບຜົນເສຍຫາຍຈາກໄພນຳ້ຖ້ວມ ເຂດເມືອງສະໜາມໄຊ ໂດຍມີທ່ານ ຮອງເຈົ້າເມືອງເປັນຜູ້ພາທາງ. ການລົງເຄື່ອນໄຫວຄັ້ງນີ້ ແມ່ນນຳໃຊ້ເຮືອເປັນພາຫະນະ ໂດຍເລີ່ມຈາກທ່າເຮືອແພເທສະບານແຂວງ ລ່ອງຕາມລຳນນ້ຳເຊກອງ ລົງຫາປາກເຊປຽນ ຊາຍແດນລາວ-ກຳປູເຈຍ ແລະ ເລາະຂື້ນຕາມລຳນຳ້ເຊປຽນ-ເຊຄຳພໍ ໂດຍໄດ້ໄປຢ້ຽມຢາມພໍ່ແມ່ປະຊາຊົນບ້ານໝອງແຂ້ ແລະພົບປະໂອ້ລົມກັບອົງການຈັດຕັ້ງຂອງບ້ານ...

ໄຊຍະບູລີຮັບຜົນກະທົບໜັກຈາກພາຍຸ “ດີເຟຣດຊັນໂຊນກາ”

ປັດຈຸບັນນີ້ ມີຜູ້ເສຍຊີວິດແລ້ວ 2 ຄົນຈາກເຫດນໍ້າໄຫລຊຸແຮງໃນເມືອງແກ່ນທ້າວ ແຂວງ ໄຊຍະບູລີ ພາຍຫລັງພາຍຸດີເຟຣດຊັນໂຊນກາພັດຜ່ານນັບແຕ່ວັນທີ 25-27 ກໍລະກົດ 2017 ນີ້ ເຊິ່ງກໍ່ໃຫ້ເກີດຝົນຕົກແຮງ ແລະ ປະລິມານນໍ້າຈາກສາຂາແມ່ນໍ້ານ້ອຍ-ໃຫຍ່ລົ້ນຝັ່ງເຂົ້າຖ້ວມບ້ານ, ເຮືອນ ແລະ ພື້ນທີ່ການຜະລິດຂອງປະຊາຊົນ. ແຫລ່ງຂ່າວຈາກອໍານາດການປົກຄອງທ້ອງຖິ່ນພາຍໃນແຂວງໄຊຍະບູລີໄດ້ເປີດເຜີຍວ່າ: ເນື່ອງຈາກເກີດມີຝົນຕົກໜັກ ໃນກາງຄືນຂອງວັນທີ 27-28 ກໍລະກົດ 2017 ເຮັດໃຫ້ນ້ຳຫລາຍສາຍເພີ່ມສູງຂຶ້ນ ແລະ...

ເມືອງ ໄຊພູທອງ ນໍ້າຖ້ວມໜັກເນື້ອທີ່ເສຍຫາຍ 451 ເຮັກຕາ

 ຈາກເຫດການ ພາຍຸຊົງກາ ພັດຜ່ານເຂົ້າມາໃນ ວັນທີ 23-27 ກໍລະກົດ 2017 ນີ້, ຝົນຕົກໜັກຖ້ວມກະທັນຫັນ ​ໃນ​ເນື້ອ​ທີ່ 451 ເຮັກຕາ, ມີ 254 ຄອບຄົວທີ່ໄດ້ຮັບ ຜົນກະທົບນໍ້າຖ້ວມ ໃນ 3 ກຸ່ມບ້ານຂອງເມືອງ ໄຊພູທອງ ແຂວງ ສະຫວັນນະເຂດ ຄື: ບ້ານພູມມະເຈດີ...

ປະຊາຊົນທີ່ຢູ່ຕາມລ້ອງນ້ຳເຊບັ້ງໄຟ ຈົ່ງມີສະຕິ ກຽມພ້ອມຮັບມືກັບໄພນ້ຳຖ້ວມ

ຕາມການແຈ້ງເຕືອນ ຂອງກົມອຸຕຸນິຍົມ ແລະ ອຸທົກກະສາດກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ຮ່ອງຝົນໄດ້ພາດຜ່ານເຂດພາກເໜືອ ຫາພາກກາງຂອງ ສປປ ລາວ ສົມທົບທົບກັບລົມມໍລະສຸມຕາເວັນຕົກສ່ຽງໃຕ້ ທີ່ມີກຳລັງແຮງປານກາງພັດປົກຄຸມເປັນສ່ວນໃຫຍ່ ເຊິ່ງໄດ້ເຮັດໃຫ້ມີຝົນຕົກຕິດຕໍ່ກັນຫລາຍວັນ ໃນລະດັບຄ່ອຍຫາປານກາງ ເປັນບໍລິເວນກວ້າງ ແລະ ຕົກໜັກຢູ່ບາງທ້ອງຖິ່ນ ເຮັດໃຫ້ລະດັບນ້ຳເຊບັ້ງໄຟສູງຂຶ້ນໄວສົມຄວນ ແລະ ອາດຈະສືບຕໍ່ສູງຂຶ້ນເຖິງເຂດລະວັງໄພ ແລະ ເຂດອັນຕະລາຍໄດ້ໃນໄລຍະ 2 ຫາ 3...

ນ້ຳຖ້ວມຂັງຕາມເສັ້ນທາງເລກ 7 ສາຍທາງເມືອງຄຳ-ໂພນສະຫວັນ

ເມື່ອວັນທີ 19 ກໍລະກົດ 2017 (ມື້ນີ້) ເຟສບຸກເພສ "ວິທະຍຸ-ໂທລະພາບ ເມືອງແປກ ແຂວງຊຽງຂວາງ" ໄດ້ເຜີຍແຜ່ພາບປັດຈຸບັນເກີດມີນ້ຳຖ້ວມຂັງຕາມເສັ້ນທາງເລກ 7 ສາຍທາງເມືອງຄຳ-ໂພນສະຫວັນ ບໍລິເວນເຂດ ບ້ານ ຍວນທອງ, ເມືອງ ແປກ ແຂວງຊຽງຂວາງ ດັ່ງນັ້ນ ຈິ່ງແຈ້ງມາໃຫ້ທຸກຄົນໄດ້ຊາບ ສຳລັບຜູ້ທີ່ຈະເດີນທາງໄປໃນເສັ້ນທາງດັ່ງກ່າວແມ່ນໃຫ້ເພີ່ມຄວາມລະວັງໃນການເດີນທາງ ຖ້າບໍ່ມີວຽກຈຳເປັນແທ້ໆແມ່ນຂໍໃຫ້ຫຼີກລ່ຽງການເດີນທາງໄປຕາມເສັ້ນທາງດັ່ງກ່າວໃນຊ່ວງເວລານີ້.

ເຈົ້າເມືອງບໍລິຄັນ ຊີ້ນໍາປະຊາຊົນຢູ່ພື້ນທີ່ຕໍ່າໃຫ້ລະວັງໄພນໍ້າຖ້ວມ

​ເມື່ອ​ມໍ່​ມາ​ນີ້, ທ່ານ ເລື່ອນວິໄລ ຈັນທະລາພັນ ເຈົ້າເມືອງບໍລິຄັນ ​ແຂວງ​ບໍລິ​ຄຳ​ໄຊ​ ​ໄດ້ລົງຊີ້ນໍາອໍານາດການປົກຄອງບ້ານ ແລະ ພໍ່ແມ່ປະຊາຊົນຜູ້ທີ່ອາ​ໄສ ຢູ່ພື້ນທີ່ຕໍ່າຈົ່ງມີຄວາມ ລະມັດລະວັງອຸທົກ ກະໄພນໍ້າຖ້ວມ ຫລັງຈາກມີຝົນຕົກຕິດຕໍ່ກັນຫລາຍວັນ ເຮັດໃຫ້ມີນໍ້າປ່າໄຫລນອງ ຖ້ວມບ່ອນ ທໍາການຜະລິດ ແລະ ບ້ານເຮືອນຂອງພໍ່ແມ່ປະຊາຊົນບາງຈຸດ ເປັນ​ຕົ້ນ ບ້ານປາກເຫືອງ, ບ້ານໂພນມຸງຄຸນ, ບ້ານຫາດດອນຄູນ, ບ້ານວັດທາດ ແລະ...
error: Content is protected !!