ໜ້າທຳອິດ Tags ການພັດທະນາຊຸມຊົນ

ໂຄດ​ຄໍາ​ສັ່ງ: ການພັດທະນາຊຸມຊົນ

MMG-ອົດສະຕຣາລີ ຮ່ວມສົ່ງເສີມປູກໝາກ ກ້ຽງເປັນສິນຄ້າ ແກ່ຊຸມຊົນ

​ເມື່ອ​ບໍ່ດົນ​ມາ​ນີ້, ບໍລິສັດ ລ້ານຊ້າງມີເນໂຣນສ໌ ລິມິເຕັດ-ບໍ່ຄໍາ-ທອງເຊໂປນ(MMG) ​ແລະ ລັດຖະບານອົດສະຕຣາລີ ​ໄດ້​ຈັດ​ພິທີ​ມອບ-​ຮັບ ​ໂຄງການ​ກໍ່ສ້າງ ​ແລະ ຂະຫຍາຍ​ລະບົບນ້ຳ​ລິນ, ມູນ​ຄ່າ 24 ພັນ​ກວ່າ​ໂດ​ລາ​ສະຫະລັດ ເພື່ອ​ສະໜອງນ້ຳຮັບໃຊ້ເຂົ້າ ໃນໂຄງການປູກໝາກກ້ຽງ ຂອງປະຊາຊົນ ບ້ານນາຫອຍ ເມືອງວິລະບູລີ ແຂວງສະຫວັນນະເຂດ ​​ເຊິ່ງ​ເປັນ​ຊຸມ​ຊົນ​ອ້ອມ​ຂ້າງ​ບໍ່ຄຳ-​ທອງ ​ເຊ​ໂປ​ນ. ການ​ຮ່ວມ​ມື​ດັ່ງ​ກ່າວນີ້ ຈະ​ຊ່ວຍ​ເສີມ​ສ້າງ​ດ້ານ​ການ​ປະ​ຕິ​ບັດ​ໂຄງ​ການ​ ພັດ​ທະ​ນາ​ສັງ​ຄົມ​ຂອງ MMG ​ໃຫ້ສອດ​ຄ່ອງ​ກັບເປົ້າ​ໝາຍ ​ກາ​ນ​ພັດ​ທ​ະ​ນາ​ແບບ​ຍືນ​ຍົງ​ ​ແລະ ​​ສ້າງ​ໂອ​ກາດ​ ໃນ​ການ​ຮັບ​ປະ​ກັນ​ລາຍ​ຮັບ​​ໃຫ້​ສູງ​ຂຶ້ນ​​ແກ່​ຊາວ​ກະ​ສິ​ການ​ທ້ອງ​ຖິ່ນ​. ທ່ານ ຈອນ ວິນລຽມ ເອກອັກຄະລັດຖະທູດອົດສະຕຣາລີ ປະຈໍາ ສປປ ລາວ ກ່າວວ່າ: ປະ​ເທດອົດສະຕຣາລີ ລວມທັງຕົນ​ເອງ ມີຄວາມພາກ​ພູມ​ໃຈ​ເປັນ​ຢ່າງ​ຍິ່ງ...

ເຊັນບົດບັນທຶກລິເລີ່ມໂຄງການພັດທະນາຊຸມຊົນແບບມີສ່ວນຮ່ວມ ແລະ ຍືນຍົງ

ວັນ​ທີ 12 ພະຈິກ​ນີ້, ສູນ​ກາງ​ສະຫະພັນ​ແມ່ຍິງ​ລາວ ​​​ແລະ ອົງການ​ສະຫະ​ປະຊາ​ຊາດ​ເພື່ອ​ການ​ພັດທະນາ​ປະຈຳ​ລາວ​ໄດ້​ຈັດ​ພິທີລົງ​ນາມບົດ​ບັນທຶກ​ລິ​ເລີ່​ມ​ໂຄງການ​ພັດທະນາ​ຊຸມຊົນ​ແບບ​ມີ​ສ່ວນ​ຮ່ວມ ​ແລະ ຍືນ​ຍົງຂຶ້ນ, ຢູ່​ສູນ​ການ​ສະຫະພັນ​ແມ່ຍິງ​ລາວ, ລະຫວ່າງ​ທ່ານ ນາງ ບັນ​ດິດ ປະທຸມ​ວັນ, ຮອງ​ປະທານ​ຄະນະ​ບໍລິຫານ​ງານ​ສູນ​ກາງ​ສະຫະພັນ​ແມ່ຍິງ​ລາວ ​ແລະ ທ່ານ ນາງ ຄາຣິນາອິມ​ໂມ​ເນັນ ຜູ້​ຕາງໜ້າ​ອົງການ​ສະຫະ​ປະຊາ​ຊາດ​ເພື່ອ​ການ​ພັດທະນາ​ປະຈຳ​ລາວ. ທ່ານ ນາງ ບັນດິດ ປະ​ທຸມ​ວັນ​ໃຫ້​ຮູ້ວ່າ: ໂຄງການ​ພັດທະນາ​ຊຸມຊົນ​ແບບ​ມີ​ສ່ວນ​ຮ່ວມ ​ແລະ ຍືນ​ຍົງ,​ເປັນ​ໂຄງການ​ຊ່ວຍ​ເຫຼື​ອລ້າ​ຈາກ​ອົງການ​ສະຫະ​ປະຊາ​ຊາດ​ເພື່ອ​ການ​ພັດທະນາ​ປະຈຳ​ລາວ​ໃນ​ບ້ວງ​ເງິນສະໜັບສະໜູນ​ 1 ລ້ານ​ໂດ​ລາ​ສະ​ຫາ​ລັດ,​ໂດຍ​ຈະ​ຈັດັຕັ້ງ ປະ ຕິບັດ​ຢູ່​ແຂວງ​ສາລະ​ວັນ​ເປັນ​​ເວລາ​ 1 ປີ ​,​ (2015 – 2016), ເພື່ອ​ແນ່ໃສ່ສົ່ງ​ເສີມ​ການ​ປ່ຽນ​ແປງ​ຈິນຕະນາການ​ ແລະ ແນວ​ຄວາມ​ຄິດ​​ເອື່ອຍ​ອີງ​ໃສ່​ການ​ສະໜັບສະໜູນ​ຊ່ວຍ​ເຫຼືອ​ຈາກ​ພາຍ​ນອກ, ຊຸກຍູ້​ຊຸມ​ຊົນ​ໃຫ້​ກຸ້ມ​ຕົນ​ເອງ ​ແລະ ຊ່ວຍ​ເຫຼືອຕົນ​ເອງ, ​​ໂດຍ​ຈະ​ເນັ້ນ​ໃສ່​ການວາງ​ແຜນ ​ແລະການ​ຈັ້ງ​ຕັ້ງ​ປະຕິບັດ​ກິດຈະກຳ​ພັດທະນາ​ທ້ອງ​ຖິ່ນ,ຜ່ານ​ການ​ປຸກ​ຈິດ​ຈຳ​ນຶກ​ໃຫ້​ຊຸມ​ຊົນ, ການ​ມີ​ສ່ວນ​ຮ່ວມ​ຂອງ​ແມ່ຍິງ​ຢ່າງ​ມີ​ປະສິດທິ​ຜົນ ​ແລະ ຄວາມ​ເປັນ​ເຈົ້າ​ການ​ຂອງ​ຊຸມ​ຊົນ,​ ໃນ 10 ຊຸມ​ຊົນ​ເປົ້າ​ໝາຍ​ໃນ​ແຂວງ​ສາລະ​ວັນ. ຮອງ​ປະທານ​ຄະນະ​ບໍລິຫານ​ງານ​ສູນ​ການ​ສະຫະພັນ​ແມ່​ລາວ​ກ່າວ​ວ່າ: ໃນ​ເດືອນ​ກັນຍາ​ຜ່ານ​ມາ​ນີ້,ລັດຖະບານ​ລາວ​ໄດ້​ເຂົ້າ​ຮ່ວ​ໃນ​ການ​ຮັບຮອງ​ເອົາ​ເປົ້າ​ໝາຍ​ສະຫັດ​ສະຫວັດ​ເພື່ອ​ການ​ພັດທະນາ​ແບບ​ຍືນ​ຍົງ (MDGs) ​ເພື່ອ​ເປັນ​ບ່ອນ​ອີງ​ໃນ​ການພັທທະ​ນາ​ປະ​ເທດ​ຊາດ​ໃຫ້​ຫຼຸດ​ພົ້ນ​ອອກ​ຈາກ​ສະຖານະ​ພາບ​ດ້ອຍ​ພັດທະນາ​ໃນ​ປີ 2020, ຊຶ່ງ​ສະຫະພັນ​​ແມ່ຍິງ​ລາວ​ມີ​ບົດບາດ​ໃນ​ການ​ປົກ​ປ້ອງ ​ແລະ ພັນທະນາ​ແມ່ຍິງ​ລາວ ​ແລະ ​ໄດ້​​ມີ​ແຜນ​ພັດທະນາ​ແມ່ຍິງ​ແຕ່ລະ​ໄລຍະ, ​ໃນ​ນັ້ນ​ແມ່ນ​ສຸມ​ໃສ່​ສ້າງ​ຄວາມ​​ເຂັ້ມ​ແຂງ​ໃຫ້​ແມ່ຍິງ ​ແລະ ສະໜັບສະໜູນ​ການຈັດ​ຕັ້ງ​ປະຕິບ​ັດສິດສະ​ເໝີ​ພາບ​ລະຫວ່າງຍິງ-ຊາຍ, ພ້ອມ​ນັ້ນ​ກໍ​ມີ​ແຜນ​ຈະ​ເອົາວຽກ​ງານ​ແມ່​ຍິ່ງ​ເຊືອມ​ຊຶມ​ເຂົ້າ​ໃນ​ທຸກ​ແຜນ​ພັດທະນາ​ໃນ​ຂະ​ແໜງ​ການ​ຕ່າງໆ​ຂອງ​ລັດ​ຖະບານ,​ ເພື່ອ​ໃຫ້​ແມ່ຍິງ​ມີ​ສ່ວນ​ຮ່ວມ​ໃນ​ການ​ສົນທະນາ​ນະ​ໂຍບາຍ, ປຶກສາ​ຫາລື ​ແລະ ມີ​ສ່ວນ​ຮ່ວມ​ໃນ​ການ​ຕັດສິນ​ບັນຫາ,​ ໂອກາດ​ນີ້​ທ່ານ​ຍັງ​ສະ​ແດງ​ຄວາມ​ຂອບ​ໃຈ​ຕໍ່​ອົງການ​ສະຫະ​ປະຊາ​ຊາດ​ ​ເພື່ອ​ການ​ພັດທະນາ ​ແລະ ລັດຖະບານສ ​ເກົາ​ຫຼີ ທີ່​​ເລືອກ​ເອົາ​ປະ​ເທດ​ລາວ​ເປັນ​ບຸລິມະ​ສິດ ​ໃນ​ການ​ທົດ​ລອງ​ຈັດ​ຕັ້ງ​ປະຕິບັດ​ໂຄງການ​ດັ່ງກ່າວ. ຂ່າວຈາກ ໜັງສືພິມລາວພັດທະນາ
error: Content is protected !!