ໜ້າທຳອິດ Tags ກັນຊາ

ໂຄດ​ຄໍາ​ສັ່ງ: ກັນຊາ

ອັງກິດອະນຸມັດຢາຈາກກັນຊາ 2 ຊະນິດ

ບໍລິການສຸຂະພາບແຫ່ງຊາດ ຫຼື National Health Service/NHS ໃນອັງກິດໄດ້ອະນຸຍາດໃຫ້ນຳໃຊ້ຢາຈາກກັນຊາ 2 ຊະນິດໃນການປິ່ນປົວພະຍາດລົມຊັກ ແລະ ພະຍາດປອກປະສາດເສື່ອມ, ການອະນຸມັດຄັ້ງນີ້ມີຂຶ້ນຫຼັງຈາກມີການອອກແນວປະຕິບັດໃໝ່ໂດຍ NICE ຄະນະກຳມະການທີ່ປຶກສາດ້ານຢາ, ຊຶ່ງໄດ້ພິຈາລະນາຜະລິດຕະພັນຕ່າງໆໃຫ້ເຂົ້າກັບເງື່ອນໄຂຫຼາຍປະການ. ໂດຍອົງກອນການກຸສົນຍິນດີຕໍ່ການປ່ຽນແປງຄັ້ງນີ້, ເຖິງແມ່ນວ່ານັກປຸກລະດົມບາງສ່ວນຊຶ່ງໄດ້ຕໍ່ສູ້ໃນເລື່ອງການເຂົ້າເຖິງຢາຈາກກັນຊາຍັງບໍ່ເຫັນພ້ອມ. ຢ່າງໃດກໍຕາມ ຢາທັງ 2 ຊະນິດຖືກພັດທະນາຂຶ້ນໃນອັງກິດຈາກກັນຊາທີ່ປູກເພື່ອໃຊ້ໃນການຜະລິດຢາປິ່ນປົວພະຍາດເທົ່ານັ້ນ. ທັງນີ້, ແພດສາມາດສັ່ງຈ່າຍຢາເອພິດິໂອເລັກ (Epidyolex) ໃຫ້ເດັກທີ່ມີອາການລົມຊັກຮຸນແຮງ 2 ຊະນິດຄື:...

ເນເທີແລນກຽມທົດລອງສົ່ງກັນຊາຖືກກົດໝາຍຂາຍໃນຄາເຟ້

ປະເທດເນເທີແລນກຽມທົດລອງຈັດຫາກັນຊາຈາກຜູ້ຜະລິດທີ່ໄດ້ຮັບການຂຶ້ນທະບຽນທີ່ຖືກຕ້ອງຕາມກົດໝາຍໃຫ້ຄາເຟ້ກັນຊາຕາມເມືອງຕ່າງໆເພື່ອຈຳໜ່າຍໃຫ້ແກ່ລູກຄ້າ ທັງນີ້ ກໍເພື່ອແກ້ໄຂບັນຫາການລັກລອບຊື້-ຂາຍກັນຊາຈາກຕະຫຼາດມືດ ລວມທັງສ້າງຄວາມໂປ່ງໃສໃຫ້ທຸລະກິດກັນຊາອີກດ້ວຍ. ປັດຈຸບັນນີ້ກົດໝາຍຂອງເນເທີແລນອະນຸຍາດໃຫ້ຄາເຟ້ກັນຊາທີ່ໄດ້ຮັບໃບອະນຸຍາດຂາຍກັນຊາໃຫ້ລູກຄ້າເທົ່ານັ້ນ ແຕ່ການຜະລິດ ແລະ ການຈັດຫາກັນຊາຍັງເປັນເລື່ອງທີ່ຜິດກົດໝາຍ ບັນດາຄາເຟ້ຕ່າງໆຈຶ່ງຕ້ອງເພິ່ງພາກັນຊາຈາກຕະຫຼາດມືດຈຶ່ງຖືເປັນຊ່ອງຫວ່າງຂອງກົດໝາຍດ້ານນີ້ ທັງເຮັດໃຫ້ທຸລະກິດກັນຍາໃນຕະຫຼາດມືດຂະຫຍາຍຕົວຢ່າງໄວວາ. ແຕ່ນັບຈາກປີ 2021 ຫຼື ປະມານ 2 ປີຂ້າງໜ້າ ຄາເຟ້ກັນຊາທີ່ຕັ້ງຢູ່ໃນ 10 ເມືອງບໍ່ວ່າຈະເປັນ ອາຣເນັມ ອັລເມຍ ເບລດາ ໂຄຣ ນິງເງີ ເຮຣເລິນ ມາສຕຣິກ...

ລັກຊຳເບີກກຽມເປີດເສລີກັນຊາເປັນປະເທດທຳອິດໃນອີຢູ

ລັກຊຳເບີກກຽມປົດລ໊ອກກົດໝາຍກັນຍາ ຊຶ່ງສາມາດຊື້-ຂາຍຢ່າງເສລີເປັນຊາດທຳອິດໃນອີຢູ (EU) ພ້ອມຮຽກຮ້ອງປະເທດເພື່ອນບ້ານຫຼຸດຄວາມເຂັ້ມງວດດ້ານກົດໝາຍກ່ຽວກັບເລື່ອງກັນຊາ. ສຳນັກຂ່າວຕ່າງປະເທດລາຍງານເມື່ອວັນທີ 8 ສິງຫາຜ່ານມາວ່າ ລັກຊຳເບີກໄດ້ກຽມພິຈາລະນາຮ່າງກົດໝາຍກ່ຽວກັບກັນຊາ ຊຶ່ງຈະສົ່ງຜົນໃຫ້ລັກຊຳເບີກກາຍເປັນປະເທດທຳອິດໃນສະຫະພາບເອີຣົບທີ່ເປີດເສລີເລື່ອງກັນຊາໃຫ້ສາມາດຜະລິດ ຈຳໜ່າຍ ແລະ ບໍລິ ໂພກໄດ້ຢ່າງຖືກກົດໝາຍ ຂະນະທີ່ຮອງນາຍົກລັດຖະມົນຕີ ແລະ ລັດຖະມົນຕີກະຊວງສາທາລະ ນະສຸກຂອງລັກຊຳເບີກເປີດເຜີຍວ່າ ລັດຖະບານກຽມຫຼຸດຜ່ອນກົດໝາຍຢາເສບຕິດທີ່ບັງຄັບໃຊ້ມາຕະຫຼອດ 50 ປີ ຊຶ່ງພົບແລ້ວວ່າສ່ວນໃຫຍ່ແມ່ນ “ໃຊ້ບໍ່ໄດ້ຜົນ”. ທັງນີ້ ການຫ້າມໃນທຸກໆເລື່ອງ ຍິ່ງເຮັດໃຫ້ຄົນໜຸ່ມສາວສົນໃຈຫຼາຍຂຶ້ນ ຊຶ່ງລັດຖະບານກໍຫວັງວ່າທຸກຄົນຈະມີທັດສະນະຄະດີກ່ຽວ...

ອຸຣຸໄກວ ເປັນປະເທດທຳອິດຂອງໂລກທີ່ອະນຸຍາດໃຫ້ຂາຍກັນຊາຢ່າງຖືກກົດໝາຍ

ສຳນັກຂ່າວຕ່າງປະເທດລາຍງານຈາກນະຄອນຫຼວງ ມອນເຕວິເດໂອ ປະເທດ ອຸຣຸໄກວ ວ່າ ຮ້ານຂາຍຢາ 16 ແຫ່ງທຳອິດທີ່ໄດ້ຮັບໃບອະນຸຍາດຈຳໜ່າຍກັນຊາຈາກລັດຖະບານ ເລີ່ມການຈຳໜ່າຍກັນຊາໃຫ້ແກ່ຜູ່ບໍລິໂພກໂດຍກົງ ເມື່ອວັນພຸດທີ່ຜ່ານມາ ຫຼັງກົດໝາຍໄດ້ຮັບການລົງມະຕິຕົກລົງຂອງລັດຖະບານເມື່ອປີ 2013 ເຊິ່ງມີຜົນບັງຄັບໃຊ້ຢ່າງເປັນທາງການເມື່ອວັນທີ 19 ກໍລະກົດ 2017 ທີ່ຜ່ານມາ ຖືເປັນປະເທດທຳອິດຂອງໂລກທີ່ອະນຸຍາດໃຫ້ມີການຊື້ຂາຍກັນຊາ ພາຍໃຕ້ການຄຸ້ມຄອງຂອງລັດ ທັງນີ້ພົນລະເມືອງຂອງ ອຸຣຸໄກວທີ່ສາມາດຊື້ກັນຊາໄດ້ຕ້ອງມີອາຍຸບໍ່ຕ່ຳກວ່າ 18 ປີ ແລະ ຕ້ອງລົງທະບຽນເພື່ອຢືນ...

ອຸຣຸໄກວ ເປີດໄຟຂຽວ ໃຫ້ຮ້ານຂາຍຢາຂາຍກັນຊາໄດ້

ອຸຣຸໄກວ ກາຍເປັນປະເທດທຳອິດຂອງໂລກ ທີ່ອະນຸຍາດໃຫ້ຮ້ານຂາຍຢາສາມາດຈຳໜ່າຍກັນຊາຢ່າງຖືກກົດໝາຍ ພາຍຫຼັງທີ່ລັດຖະບານອຸຣຸໄກວອະນຸຍາດໃຫ້ຮ້ານຂາຍຢາໃນປະເທດ ເລິ່ມຂາຍກັນຊາໄດ້ຕັ້ງແຕ່ວັນທີ 19 ກໍລະກົດ 2017 ແຕ່ທຸກຂັ້ນຕອນຕັ້ງແຕ່ການປູກຈົນເຖິງຕອນຂາຍ ແມ່ນມີກົດລະບຽບຄວບຄຸມຢ່າງຮັດກຸມ. ສຳນັກຂ່າວເອເອຟພີລາຍງານຈາກນະຄອນຫຼວງມອນເຕວິເດໂອ ປະເທດອຸຣຸໄກວເມື່ອວັນທີ 15 ກໍລະກົດ ທີ່ຜ່ານມາວ່າ ພາຍໃຕ້ກົດໝາຍທີ່ອະນຸມັດເມື່ອປີ 2013 ຊາວອຸຣຸໄກວສາມາດປູກກັນຊາໄດ້ແລະສູບຢູ່ສະໂມສອນ ສ່ວນການອະນຸຍາດໃຫ້ຮ້ານຂາຍຢາຂາຍກັນຊາໄດ້ ເປັນຂັ້ນຕອນທີ 3 ແລະຂັ້ນຕອນສຸດທ້າຍ ທັງນີ້ ປະຊຊົນຕ້ອງລົງທະບຽນເພື່ອຊື້ກັນຊາຈາກຮ້ານຂາຍຢາ ແລະຈົນເຖິງເວລານີ້ມີຜູ້ລົງທະບຽນແລ້ວຫຼາຍກວ່າ...

ອັງກິດຕະລຶງ! ພົບໄຮ່ກັນຊາຂະໜາດໃຫຍ່

ເມື່ອວັນທີ 24 ກຸມພາ 2017 ທີ່ຜ່ານມາ ເວັບໄຊ ເມໂທຣລາຍງານວ່າ ຕຳຫຼວດອັງກິດກວດພົບໄຮ່ກັນຊາທີ່ມີມູນຄ່າມະຫາສານໃນອຸໂມງລະເບີດນິວເຄຣຍ ແລະ ຈັບກຸມຜູ້ຕ້ອງສົງໃສແລ້ວ 6 ຄົນ ຕຳຫຼວດຄາດວ່າກັນຊາໃນອຸໂມງຫຼົບໄພແຫ່ງນີ້ຈະມີມູນຄ່າສູງເຖິງ 1 ລ້ານປອນ ເຊິ່ງເປັນໄຮ່ກັນຊາທີ່ໃຫຍ່ທີ່ສຸດທີ່ເຄີຍພົບໃນເມືອງ ວິລເຊຍ ຕຳຫຼວດ ເມືອງ ວິລເຊຍ ໃນປະເທດອັງກິດນຳກຳລັງບຸກຍຶດໄຮ່ກັນຊາຂະໜາດໃຫຍ່ໃນອຸໂມງຫຼົບໄພໃຕ້ດິນ ເຊິ່ງອຸໂມງແຫ່ງນີ້ລັດຖະບານອັງກິດໄດ້ສ້າງຂຶ້ນໃນ ຄ.ສ 80 ເພື່ອປ້ອງກັນການນຳຂັ້ນສູງ ແລະ...

ປກສ ເມືອງວຽງທອງ ໄລ່ສະກັດວີໂກ 2 ຄັນ ພົບກັນຊາເກືອບ 900 ກິໂລ ຄົນຮ້າຍຫລົບໜີ ຕຳຫລວດເລັ່ງນຳຈັບກຸມ

ເຈົ້າໜ້າທີ່ ປກສ ເມືອງວຽງທອງ ແຂວງບໍລິຄໍາໄຊ ພວມຈັດກໍາລັງລົງຕິດຕາມ ຂະບວນການຄ້າຢາເສບຕິດລາຍໃຫຍ່ ມາດໍາເນີນຄະດີໃຫ້ໄດ້ໂດຍໄວ, ຫລັງຈາກໃນເວລາປະມານ 11:30 ໂມງ ຂອງວັນທີ 11 ທັນວານີ້, ເຈົ້າໜ້າທີ່ເມືອງດັ່ງກ່າວ ໄດ້ຕັ້ງດ່ານກວດກາຕາມເສັ້ນທາງເຂົ້າ-ອອກເມືອງ ແລະ ມີລົດກະບະວີໂກ້ສອງຄັນ ໝາຍເລກທະບຽນ ກພ 7754 ກໍາແພງນະຄອນ ແລະ ອີກຄັນແມ່ນບໍ່ມີປ້າຍທະບຽນ ແລ່ນອອກຈາກຕົວເມືອງວຽງທອງ...

ລັດຖະບານດານມາກ ຈະເປີດທົດລອງໃຊ້ກັນຊາ ເພື່ອປິ່ນປົວທາງການແພດ ເລີ່ມຕົ້ນປີໜ້ານີ້!

ສຳນັກຂ່າວຕ່າງປະເທດ ລາຍງານໃນວັນທີ 9 ພະຈິກນີ້ວ່າ ລັດຖະບານດານມາກ ໄດ້ປະກາດໃນວັນອັງຄາານທີ 8 ພະຈິກຜ່ານມານີ້ ຈະເລີ່ມໂຄງການທົດລອງ ນຳໃຊ້ກັນຍາດ້ານການແພດ ເປັນໄລຍະເວລາ 4 ປີ ໂດຍມີກຳນົດເລີ່ມຕົ້ນຢ່າງເປັນທາງການ ໃນວັນທີ 1 ມັງກອນ 2018 ທີ່ຈະມາເຖິງນີ້ ເພື່ອຊ່່ວຍແກ້ບັນຫາໃຫ້ແກ່ຄົນເຈັບຈຳນວນໜຶ່ງ ທີ່ເລືອກການປິ່ນປົວອາການເຈັບໄຂ້ຂອງຕົນ ດ້ວຍກັນຊາທີ່ຜິດກົດໝາຍ ໃນໄລຍະຫລາຍປີທີ່ຜ່ານມາ. ຄຳຖະແຫລງຂອງກະຊວງສາທາລະນະສຸກດານມາກ ໄດ້ລະບຸວ່າ...

ຄັກແທ້! ລັດຖະບານໄທບອກ ກັນຊາເປັນຢາປົວມະເຮັງ ປະຊາຊົນສາມາດປູກໄດ້ຄຣັບ!

ເມື່ອວັນທີ 2 ກັນຍາ 2016 ລາຍງານຂ່າວຈາກປະເທດໄທ ບອກວ່າ ໄດ້ຄົ້ນພົບແນວທາງໃໝ່ ໂດຍຫຼ້າສຸດຄະນະລັດຖະມົນຕີ ເຫັນດີທີ່ຈະຖອດກັນຊາອອກຈາກບັນຊີຢາເສບຕິດປະເພດທີ 5 ແລະໃຫ້ປະຊາຊົນສາມາດປູກກັນຊາໄດ້ ແຕ່ຫ້າມປູກຫຼາຍກວ່າ 6 ຕົ້ນ ແລະໃຫ້ປູກສະເພາະຕົ້ນເພດແມ່ ເຊິ່ງບໍ່ສາມາດຂະຫຍາຍພັນໄດ້ ຊ້ຳຍັງຈັດໃຫ້ກັນຊາເປັນພືດສະໝຸນໄພອີກດ້ວຍ. ທ່ານໝໍ ສົມຍົດ ກິດຕິໝັ້ນຄົງ ຜູ້ຂຽນໜັງສື "ກັນຊາເປັນຢາປົວມະເຮັງ" ໄດ້ກ່າວວ່າ ຂະນະນີ້ມີງານວິໄຈຫຼາຍກວ່າ 100...

ປກສ ເມືອງຄໍາເກີດ ຈັບເຄືອຂ່າຍຄ້າກັນຊາລາຍໃຫຍ່

ເມື່ອບໍ່ດົນມານີ້, ເຈົ້າໜ້າທີ່ ປກສ ເມືອງຄໍາເກີດ ແຂວງບໍລິຄໍາໄຊ, ໄດ້ຈັບຕົວເຄືອຄ່າຍ ຄ້າຂາຍຢາເສບຕິດລາຍໃຫຍ່ ພ້ອມຂອງກາງກັນຊາ ນໍ້າໜັກຫລາຍກິໂລ. ເຈົ້າໜ້າທີ່ໃຫ້ຮູ້ວ່າ: ພາຍຫລັງໄດ້ຮັບແຈ້ງ ຈາກພົນລະເມືອງດີ ວ່າຈະມີການລັກລອບຂົນສົ່ງຢາເສບຕິດ ເປັນຈໍານວນຫລາຍ ຜ່ານເຂດເມືອງຂອງຕົນ, ຈຶ່ງໄດ້ຈັດກໍາລັງລົງຕັ້ງດ່ານກວດກາ ຕາມເສັ້ນທາງຈຸດຕ່າງໆ ແລະ ໃນຂະນະນັ້ນ ໄດ້ເຫັນລົດເປົ້າໝາຍກະບະແດຮັນ ໝາຍເລກທະບຽນ 5071 ກໍາແພງນະຄອນ, ຂັບມາດ້ວຍຄວາມໄວ ຕາມເສັ້ນທາງເຂດບ້ານໂພນຕານ,...

ປກສ ເມືອງຄໍາເກີດ ຈັບເຄືອຂ່າຍຄ້າກັນຊາລາຍໃຫຍ່

ເຈົ້າໜ້າທີ່ໃຫ້ຮູ້ວ່າ: ພາຍຫລັງໄດ້ຮັບແຈ້ງຈາກພົນລະເມືອງດີວ່າຈະມີການລັກລອບຂົນສົ່ງຢາເສບຕິດເປັນຈໍານວນຫລາຍຜ່ານເຂດເມືອງຂອງຕົນ,ຈຶ່ງໄດ້ຈັດກໍາລັງລົງຕັ້ງດ່ານກວດກາຕາມເສັ້ນທາງຈຸດຕ່າງໆ ແລະ ໃນຂະນະນັ້ນໄດ້ເຫັນລົດເປົ້າໝາຍກະບະແດຫັນໝາຍເລກທະບຽນ 5071 ກໍາແພງນະຄອນ, ຂັບມາດ້ວຍຄວາມໄວຕາມເສັ້ນທາງເຂດບ້ານໂພນຕານ, ເຈົ້າໜ້າທີ່ຈຶ່ງທໍາການຢຸດລົດ, ແຕ່ລົດຄັນດັ່ງກ່າວໄດ້ຂັບຝ່າດ່ານກວດຂອງເຈົ້າໜ້າທີ່ຈຶ່ງໄດ້ໄລ່ຕິດຕາມຈົນເຮັດໃຫ້ລົດຄັນດັ່ງ ກ່າວເສຍຫລັກເຈີດລົງຂ້າງ, ເຈົ້າໜ້າທີ່ຈຶ່ງໄດ້ເຂົ້າໄປກວດຄົ້ນລົດພົບເຫັນມີໜຶ່ງຄົນຍັງຢູ່ໃນລົດຊື່ທ້າວ ຫວາຢ່າງຊົງ ອາຍຸ50 ປີຢູ່ບ້ານຜາເມືອງ, ເມືອງຄໍາເກີດ, ແຂວງບໍລິຄໍາໄຊ, ສ່ວນຄົນຂັບລົດຄົນດັ່ງກ່າວແມ່ນໄດ້ເອົາຕົວລົບໜີເຂົ້າໄປໃນປ່າແຄມທາງ ແລະ ພົບເຫັນກັນຊາເປັນຈໍານວນຫລາຍກິໂລຊຸກເຊື່ອງໄວ້ໃນເປົາປຸຍຫລາຍໜ່ວຍຢູ່ທ້າຍລົດຄັນນັ້ນ, ຈຶ່ງໄດ້ຈັບຕົວຜູ້ທີ່ນັ່ງມານໍາລົດໄປສືບສວນ ແລະ ໄດ້ຍຶດກັນຊາທັງໝົດພ້ອມລົດໄວ້ເປັນຫລັກຖານ ເພື່ອດໍາເນີນຄະດີຕາມລະບຽບກົດໝາຍ. ຜ່ານການສືບສວນ-ສອບສວນ ຂອງເຈົ້າໜ້າທີ່ທ້າວ ຫວາຢ່າງຊົງ...

ປກສ ບໍ​ລິ​ຄຳ​ໄຊກັກ 2 ຜູ້​ຖືກ​ຫາມີ​ກັນ­ຊາ 209 ກິ​ໂລກ​ຣາມ

ເຈົ້າ​ໜ້າ­ທີ່​ພະ​ແນກ​ສະ­ກັດ​ກັ້ນ ແລະ​ ຕ້ານ​ຢາ​ເສບ​ຕິດ ປກສ ແຂວງ​ຄຳ​ໄຊ ໄດ້​ໃຫ້​ຮູ້​ວ່າ:  ໃນ​ວັນ​ທີ 25 ເມ­ສາ 2016 ນີ້​ໄດ້ຮັບ​ແຈ້ງ​ຈາກ​ພົນ­ລະ­ເມືອງ​ດີ​ວ່າ: ມີ​ກຸ່ມ​ຄົນ​ບໍ່​ດີ​ເຄື່ອນ​ໄຫວ​ຄ້າຂາຍ​ຢາ​ເສບ​ຕິດ​ຢູ່​ເຂດ​ບ້ານ​ທົ່ງ​ນາ​ມີ ເມືອງ​ປາກ​ກະ­ດິງ ແຂວງ ບໍ​ລິ​ຄຳ​ໄຊ, ພວມ​ມຸ່ງ​ໜ້າ​ເຂົ້າ​ມາ​ເມືອງ​ປາກ​ຊັ້ນຈາກ​ນັ້ນ​ເຈົ້າ​ໜ້າ­ທີ່​ພະ​ແນກ​ສະ­ກັດ​ກັ້ນ ແລະ​ຕ້ານ​ຢາ​ເສບ​ຕິດກໍ​ໄດ້​ວາງ​ກຳ­ລັງ​ຕິດຕາມ​ເປົ້າ​ໝາຍ. ຈົນ​ຮອດ​ເວ­ລາ​ປະ­ມານ 20:00 ໂມງ​ຂອງ​ວັນ​ດຽວ​ກັນ​ຈິ່ງເຫັນ​ເປົ້າ​ໝາຍ​ພວມຂົນ­ສົ່ງ​ຢາ​ເສບ​ຕິດ​ມາ​ຮອດ​ເຂດ​ບ້ານ ຫ້ວຍ​ສຽດ ເມືອງ​ປາກ​ຊັນ, ແຂວງ​ບໍ​ລິ​ຄຳໄຊ ເຈົ້າ​ໜ້າ­ທີ່​ຈິ່ງ​ໄດ້​ສະ­ແດງ​ຕົວ​ເຂົ້າ​ສະ­ກັດ​ກັ້ນ ແລະ​ເຂົ້າ​ຈັບ​ຕົວ​ຜູ້​ຖືກ​ຫາ​ໄດ້...