NOAA ເຜີຍ ເດືອນກໍລະກົດເປັນເດືອນທີ່ທົ່ວໂລກຜະເຊີນອາກາດຮ້ອນທີ່ສຸດ

0
33

ອົງການບໍລິຫານສະໝຸດສາດ ແລະ ຊັ້ນບັນຍາກາດແຫ່ງຊາດຂອງອາເມຣິກາ ຫຼື NOAA ໄດ້ເປີດເຜີຍລາຍງານຢ່າງເປັນທາງການເມື່ອວັນທີ 16 ສິງຫາຜ່ານມາໂດຍໄດ້ຢັ້ງຢືນວ່າຄ່າສະເລ່ຍຂອງອຸນຫະພູມພື້ນຜິວໂລກ ແລະ ມະຫາສະໝຸດຕະຫຼອດເລືອດກໍລະກົດ 2019 ຢູ່ທີ່ 0,95 ອົງສາ ເໜືອລະດັບຄ່າສະເລ່ຍໃນທົດສະວັດທີ 20 ເກືອບ 1 ອົງສານັບແຕ່ມີການເກັບກຳສະຖິຕິເມື່ອປີ 1880.

NOAA ລະບຸອີກວ່າ ຫຼາຍພື້ນທີ່ທົ່ວໂລກໄດ້ສ້າງສະຖິຕິຜະເຊີນກັບສະພາບອາກາດຮ້ອນທີ່ສຸດໃນເດືອນກໍລະກົດທີ່ຜ່ານມາ ໂດຍສະເພາະຫຼາຍປະເທດໃນເຂດເອີຣົບແມ່ນຜະເຊີນກັບສະພາບອຸນຫະພູມສູງທີ່ສຸດເປັນປະຫວັດການ ຂະນະທີ່ຫຼາຍພື້ນທີ່ໃນແຖບຂວັ້ນໂລກເໜືອເຊັ່ນ ອາລາສກາກໍຜະເຊີນກັບອຸນຫະພູມສູງທີ່ສຸດນັບແຕ່ເລີ່ມມີການເກັບກຳສະຖິຕິສະພາບອາກາດນັບແຕ່ປີ 2005 ເປັນຕົ້ນມາ.

ທັງນີ້ ອຸນຫະພູມທີ່ສູງຂຶ້ນໃນທົ່ວໂລກສົ່ງຜົນໃຫ້ປະລິມານນ້ຳກ້ອນໃນແຖບຂວັ້ນໂລກເໜືອ ແລະ ຂວັ້ນໂລກໃຕ້ຫຼຸດຕ່ຳລົງເປັນປະ ຫວັດການ ຊຶ່ງຂໍ້ມູນຈາກ National Snow and Ice Data Center ພົບວ່າ ລະດັບນ້ຳກ້ອນຂວັ້ນໂລກເໜືອຫຼຸດຕ່ຳລົງໃນ ເດືອນກໍລະກົດຊຶ່ງຕ່ຳກວ່າຄ່າສະເລ່ຍເຖິງ 19,8% ເຊັ່ນດຽວກັບຂວັ້ນໂລກໃຕ້ທີ່ພົບວ່າມີປະລິມານນ້ຳກ້ອນຫຼຸດລົງ 4,3% ຊຶ່ງຖືວ່າເປັນສະຖານະການທີ່ຮຸນແຮງທີ່ສຸດໃນຮອບ 41 ປີ.

ພ້ອມນີ້ ລາຍງານຂອງ NOAA ກໍໄດ້ລະບຸເຖິງເຫດຜົນທີ່ທົ່ວໂລກຜະເຊີນກັບອຸນຫະພູມສູງເປັນປະຫວັດການໂດຍຫຼັກໆມີ 3 ປະ ການຄື 1. ໃນຊ່ວງເດືອນກໍລະກົດເປັນເດືອນທີ່ທົ່ວໂລກຜະເຊີນອາກາດຮ້ອນທີ່ສຸດໃນຫຼາຍປະເທດ ແຕ່ໄດ້ຮັບປັດໄຈທີ 2 ຄື ພາວະປ່ຽນແປງຂອງສະພາບາກາດທົ່ວໂລກຊຶ່ງເປັນຜົນມາຈາກປາກົດການເອລນິນໂຢບວກກັບປັດໄຈທີ 3 ຄື ພາວະອາຍພິດເຮືອນແກ້ວໃນຊັ້ນບັນຍາກາດທີ່ສູງຂຶ້ນຈາກກິດຈະກຳຕ່າງໆຂອງມະນຸດນັ້ນເອງ.

 

 

 

ຮຽບຮຽງ: ພ.ສະຫວັນ

ຮູບພາບ: posttoday

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.