HIV ຍັງເປັນບັນຫາຮຸນແຮງທາງດ້ານສາທາລະນະສຸກໂລກ!!

0
1248

ທະນາຄານອະສຸຈິແຫ່ງທຳອິດຂອງໂລກທີ່ຮັບສະເພາະຜູ້ບໍລິຈາກທີ່ຕິດເຊື້ອ HIV, ເປີດໃຫ້ບໍລິການຢ່າງເປັນທາງການແລ້ວທີ່ປະເທດນິວຊີແລນ ເພື່ອຕໍ່ສູ້ເພື່ອສິດທິມະນຸດຂອງກຸ່ມຄົນທີ່ຕິດເຊື້ອດັ່ງກ່າວ. ໂດຍມີຊາຍ 3 ຄົນທີ່ຕິດເຊື້ອ HIV ມາລົງທະບຽນເພື່ອບໍລິຈາກອະສຸຈິແລ້ວ.

ອົງກອນການກຸສົນ 3 ແຫ່ງໄດ້ຮ່ວມກັນເປີດທະນາຄານສະເປີມໂພສິທີຟ (Sperm Positive) ກ່ອນທີ່ຈະເຖິງວັນເອດໂລກໃນວັນທີ 1 ທັນວານີ້. ຂະນະທີ່ບໍດີໂພຊິທີຟ(Body Positive) ມູນນິທິເອດຂອງນິວຊີແລນ ແລະ ບໍລິສັດໂພສິທີຟວີເມັນ (Positive Women Inc) ຫວັງວ່າໂຄງການນີ້ຈະໃຫ້ຄວາມຮູ້ແກ່ສາທາລະນະຊົນກ່ຽວກັບການແຜ່ເຊື້ອ HIV ແລະ ຊ່ວຍຫຼຸດການແບ່ງແຍກໃນກຸ່ມຄົນທີ່ຕິດເຊື້ອດັ່ງກ່າວ.

ທະນາຄານອະສຸຈິແຫ່ງນີ້ລະບຸວ່າ: ທະນາຄານຈະລະບຸຢ່າງຊັດເຈນວ່າຜູ້ບໍລິຈາກທຸກຄົນຕ້ອງເປັນຜູ້ທີ່ຕິດເຊື້ອ HIV, ແຕ່ຕ້ອງໄດ້ຮັບການປິ່ນປົວທີ່ປະສົບຄວາມສຳເລັດ ແລະ ບໍ່ ສາມາດແຜ່ເຊື້ອໄວຣັສຕໍ່ໃຫ້ຄົນອື່ນໄດ້. ເຖິງແມ່ນວ່າທະນາຄານແຫ່ງນີ້ຈະບໍ່ໄດ້ດຳ ເນີນການໃນຖານະຄລີນິກຈະເລີນພັນ, ແຕ່ສະເປີມໂພສິທີຟຈະຕິດຕໍ່ກັບຄລີນິກຈະເລີນພັນແຫ່ງອື່ນໃນພື້ນທີ່ ຖ້າມີຄົນທີ່ຕ້ອງ ການຮັບບໍລິຈາກອະສຸຈິຈາກທະນາຄານ.

ໃນໄລຍະບໍ່ເທົ່າໃດປີຜ່ານມາການປິ່ນປົວ HIV ມີຄວາມກ້າວໜ້າໄປໃນຫຼາຍດ້ານ, ລວມເຖິງການປູກຖ່າຍໝາກໄຂ່ຫຼັງຈາກຜູ້ຕິດເຊື້ອໃຫ້ແກ່ຜູ້ປ່ວຍເປັນຄັ້ງທຳອິດຂອງໂລກເມື່ອເດືອນມີນາທີ່ຜ່ານມາ, ຂະນະທີ່ຢາຕ້ານໄວຣັສຊຶ່ງປະກອບດ້ວຍຕົວຢາຫຼາຍຊະນິດລວມກັນທີ່ຜູ້ຕິດເຊື້ອຕ້ອງຮັບປະທານທຸກມື້ຈະຊ່ວຍປ້ອງກັນບໍ່ໃຫ້ເຊື້ອ HIV ແບ່ງຕົວໃນຮ່າງກາຍ, ມັນຈະຊ່ວຍຫຼຸດປະລິມານໄວຣັສໃນເລືອດລົງຈົນເຖິງລະດັບທີ່ບໍ່ສາມາດກວດພົບ, ແຕ່ HIV ກໍຍັງຄົງເປັນໜຶ່ງໃນບັນຫາທາງສາທາລະນະສຸກທີ່ຮຸນແຮງທີ່ສຸດຂອງໂລກ ຊຶ່ງຄາດວ່າຈຳນວນຜູ້ຕິດເຊື້ອດັ່ງກ່າວໃນປີ 2018 ຢູ່ທີ່ 38 ລ້ານຄົນ ແລະ ໂຕເລກໃນປີນີ້ກໍຍັງບໍ່ເປັນທີ່ຊັດເຈນ.

 

ຮຽບຮຽງ: ເພັງສະຫວັນ

ຮູບພາບ: bbc.com/thai

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.