CRI ຮ່ວມກັບສະມາຄົມນັກປະພັນລາວແນະນຳປື້ມ 2 ພາສາ “ລາວ-ຈີນ”

0
146

ໃນວັນທີ 7 ພະຈິກ 2019 ທີ່ຫໍສະໝຸດແຫ່ງຊາດ ນະຄອນຫຼວງວຽງຈັນ, ວິທະຍຸສາ ກົນແຫ່ງປະເທດຈີນ CRI ປະຈໍາລາວຮ່ວມກັບສະມາຄົມນັກປະພັນລາວໄດ້ຈັດງານແນະນໍາປຶ້ມໃໝ່ພາຍໃຕ້ຫົວຂໍ້ “ເປີດປະຕູ່ສູ່ປະເທດຈີນ” ຢ່າງເປັນທາງການ.

ສຳລັບງານຄັ້ງນີ້ແມ່ນໄດ້ນໍາສະເໜີປຶ້ມໃໝ່ຈຳນວນ 4 ເຫຼັ້ມຄື:  ຮູ້ຮອບຈີນ, ສັງຮວມຄໍາສັບສຳນວນໂຕງໂຕຍ-ສຸພາສິດ ຈີນ-ລາວ ລາວ-ຈີນ, 36 ກົນລະຍຸດ ແລະ ກະວີເພື່ອເຈົ້າບົດກະວີຈີນສະໄໝປັດຈຸບັນຮ້ອຍບົດ ໂດຍທັງໝົດເປັນຜົນງານຮ່ວມມືລະ ຫວ່າງວິທະຍຸສາ ກົນແຫ່ງປະເທດຈີນ ແລະ ສະມາຄົມນັກປະພັນລາວ, ຊຶ່ງໄດ້ຈັດພິມເປັນ 2 ພາສາລາວ-ຈີນ. ໂດຍຈຸດປະສົງກໍເພື່ອເປັນການແລກປ່ຽນວັດທະນະທໍາກໍຄືປະກອບສ່ວນປຶ້ມເຂົ້າໃນຫ້ອງສະໝຸດ, ພາຍໃນງານຍັງໄດ້ມີການມອບ-ຮັບປຶ້ມໃຫ້ແກ່ຫໍສະໝຸດແຫ່ງຊາດ ແລະ ພາກສ່ວນຕ່າງໆ  ນອກນັ້ນ, ຍັງໄດ້ຈັດການສົນທະນາ ແລະ ກິດຈະກໍາແລກປ່ຽນວັດທະນະທໍາ “ລາວ-ຈີນ” ແລະ ອື່ນໆ.

ໂອກາດດັ່ງກ່າວ, ທ່ານ ນາງ ສຸດທິດາ ຫົວໜ້າວິທະຍຸສາກົນແຫ່ງປະເທດຈີນ CRI ປະຈໍາລາວໄດ້ກ່າວວ່າ: ຂ້າພະ​ເຈົ້າຈະ​ຂໍ​ແນະນໍາຄວາ​ມ​ເປັນ​ມາ​ຂອງ​ໂຄງການ​ນີ້​ໂດຍ​ຫຍໍ້​ ໂດຍຕັ້ງ​ແຕ່ຊຸມ​ປີ 1960 ​ເປັນຕົ້ນມາ, ​​ວິທະຍຸສາກົນແຫ່ງປະເທດຈີນ CRI ​​ໄດ້ອອກ​ອາ ກາດ​ຢູ່​ລາວໂດຍ​ຜ່ານ​ລະບົບ AM, ມາ​ຮອດປີ 2006 ​ແມ່ນ​ເລີ່ມອອກອາ ກາດ​​ໂດຍ​ຜ່ານ​ລະບົບ FM ກໍ​ຄື CRI FM93​. ​ຊຶ່ງໃນຫຼາຍ​ສິບປີ​ທີ່​ຜ່ານ​ມານີ້ CRI ໄດ້​ພະຍາຍາມ​ແປ​ສາລະ​ໜ້າ​ຮູ້​ຕ່າງໆ​ລວມທັງວັດທະນະທໍາ, ວັນນະຄະດີ, ປະ​ເພນີ​ຂອງ​ຈີນມາເປັນ​ພາ ສາ​ລາວ, ​ເພື່ອນໍາ​ເອົາລາຍການທີ່ຫຼາກຫຼາຍ​ຮູບ​ແບບ​ມານຳສະເໜີໃຫ້ແກ່​ຜູ້​ຟັງຊາວ​ລາວ ແລະ ສິ່ງ​ທີ່​ພາກພູມ​ໃຈ ແລະ ​ຮູ້ສຶກ​ເປັນກຽດ​ຍິ່ງ​ກວ່າ​ນັ້ນກໍ​ຄື: CRI ​ໄດ້​ມີ​ໂອກາດ​ຮ່ວມ​ມື​ກັບສະມາຄົມນັກປະພັນ​ລາວນໍາ​ເອົາ​ຂໍ້ມູນດັ່ງກ່າວ​ມາ​ຮຽບຮຽງ​ເປັນປຶ້ມພາຍ​ໃຕ້​ຫົວ ຂໍ້​ “ເປີດ​ປະຕູ​ສູ່​ປະ​ເທດ​ຈີນ” ຈໍານວນ 4 ​ເຫຼັ້ມດັ່ງທີ່ໄດ້ສະເໜີຂ້າງເທິງ,  ໂດຍປື້ມແຕ່ລະເຫຼັ້ມຈະ​ຖືກນຳອອກສູ່ສາຍຕາ​ຂອງ​ຜູ້ອ່ານຢ່າງ​ເປັນ​ທາງ​ການ​ໃນ​ມື້.

 

ພາບ ແລະ ຂ່າວໂດຍ: ວິທະຍຸສາກົນແຫ່ງປະເທດຈີນ CRI

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.