CRI ປະຈຳລາວ ມອບລາງວັນການແຂ່ງຂັນຮູບເງົາສາລະຄະດີ-ຮູບເງົາສັ້ນ

0
31

ເມື່ອວັນທີ 19 ສິງຫາທີ່ຜ່ານມາທີ່ໂຮງແຮມ ຄຣາວ ພລາຊ່າ ນະຄອນຫຼວງວຽງຈັນ ໂດຍ CRI ປະຈຳລາວໄດ້ພິທີມອບລາງວັນການແຂ່ງຂັນຮູບເງົາສາລະຄະດີ-ຮູບເງົາສັ້ນພາຍໃຕ້ຫົວຂໍ້ “ເລື່ອງເລົ່າເຈົ້າ ແລະ ຂ້ອຍ” ໃຫ້ກຽດເຂົ້າຮ່ວມໂດຍ ທ່ານ ຫົງຈ່ຽງ ຫົວ ໜ້າພະແນກການເມືອງສະຖານທູດ ສປ ຈີນ ປະຈຳ ສປປ ລາວ ທ່ານ ວິທູນ ສູນດາລາ ຫົວໜ້າກົມຮູບເງົາ ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ມີບັນດາຜູ້ເຂົ້າແຂ່ງພ້ອມດ້ວຍພາກສ່ວນກ່ຽວທີ່ຂ້ອງເຂົ້າຮ່ວມ.

ໂດຍ CRI ປະຈຳລາວໄດ້ຮ່ວມກັບກົມຮູບເງົາ ກະຊວງ ຖວທ ສປປ ລາວ ເປັນເຈົ້າພາບ ພາຍໃຕ້ການຊີ້ນຳຂອງສະຖານທູດຈີນປະ ຈຳລາວ ແລະ ກະຊວງ ຖວທ ສປປ ລາວ ໂດຍມີຈຸດປະສົງເພື່ອເພີ່ມທະວີການແລກປ່ຽນທາງດ້ານວັດທະນະທຳກໍຄືການເພີ່ມທະວີຄວາມສາມັກຄີສ້າງໄມຕີຈິດມິດຕະພາບລະຫວ່າງສອງປະເທດລາວ-ຈີນ.

ການແຂ່ງຂັນຄັ້ງນີ້ ແມ່ນໄດ້ຮັບຄວາມສົນໃຈ ແລະ ຄວາມນິຍົມຊົມຊອບຈາກມວນຊົນທົ່ວປະເທດລາວ ໂດຍໄດ້ຮັບຮູບເງົາສາລະ ຄະດີ-ຮູບເງົາສັ້ນເກືອບ 30 ເລື່ອງທີ່ສົ່ງເຂົ້າປະກວດ ລວມທັງຂົງເຂດວັດທະນະທຳ ການທ່ອງທ່ຽວ ການສຶກສາ ກີລາ ແລະ ອື່ນໆ.

ນອກຈາກການແຂ່ງຂັນຮູບເງົາແລ້ວ CRI ປະຈໍາລາວ ແລະ ກົມຮູບເງົາ ກະຊວງ ຖວທ ຍັງຈະໄດ້ຈັດຊຸດເຝິກອົບຮົມໃຫ້ແກ່ບັນດາຜູ້ເຂົ້າແຂ່ງ ຊຶ່ງອົບຮົມໂດຍນັກສ້າງຮູບເງົາ ແລະຜູ້ກຳກັບຮູບເງົາທີ່ມີຊື່ສຽງຂອງລາວ ນອກຈາກນີ້ CRI ປະຈໍາລາວ ແລະ ກົມຮູບ ເງົາຍັງຈະເຊີນຜູ້ຊະນະການແຂ່ງຂັນໃນຄັ້ງນີ້ມາຖ່າຍທຳລາຍການພິເສດເພື່ອເປັນການສົ່ງເສີມບຸກຄະລາກອນທາງດ້ານຮູບເງົາຂອງລາວ.

 

 

ໂດຍ: ພ.ສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.