BBC News ເຜີຍເວັບໄຊໃຕ້ດິນສຳລັບນຳສະເໜີຂ່າວທີ່ຖືກບິດເບືອນຈາກລັດຖະບານ (ບາງປະເທດ)

0
151

ບີບີຊີ ນິວ (BBC News) ຊຶ່ງເປັນອົງກອນຂ່າວນາໆຊາດໄດ້ເປີດເຜີຍບັນດາເວັບໄຊໃຕ້ດິນ ຫຼື ທີ່ເອີ້ນວ່າ DarkWeb ຊຶ່ງເປັນເວັບໄຊທີ່ນຳສະເໜີຂ່າວສານ ແລະ ຂໍ້ມູນຄວາມຈິງທີ່ຖືກບິດເບືອນຈາກລັດຖະບານ (ບາງປະເທດ), ເນື່ອງຈາກລັດຖະບານໄດ້ປິດ ບັງບໍ່ໃຫ້ປະຊາຊົນເຂົ້າເຖິງຂ່າວສານທີ່ຍາກຕໍ່ການຄວບຄຸມ, ຊຶ່ງອາດຈະເຮັດໃຫ້ມີກຸ່ມຄົນທີ່ບໍ່ຫວັງດີໃຊ້ຂ່າວປອມປັ່ນປ່ວນ ແລະ ຍຸ ແຍ່ສົ່ງເສີມໃຫ້ເກີດຄວາມວຸ້ນວາຍ, ຄວາມບໍ່ສະຫງົບ ແລະ ອາດມີຜົນກະທົບຕໍ່ການເມືອງ, ການປົກຄອງ ແລະ ເສດຖະກິດ.

ໂດຍ BBC News ຕ້ອງການນຳສະເໜີຂໍ້ມູນຄວາມຈິງແບບເປັນກາງ, ບໍ່ເຂົ້າຂ້າງຝ່າຍໃດຝ່າຍໜຶ່ງ, ຕ້ອງການຕໍ່ສູ້ກັບການປິດກັ້ນດ້ວຍການສ້າງເວັບໄຊໃຕ້ດິນໃຫ້ຜູ້ໃຊ້ສາມາດເບິ່ງເນື້ອຫາຂ່າວໄດ້, ເຂົ້າເວັບໄຊໄດ້ທຸກແຫ່ງທຸກເວລາເຖິງແມ່ນວ່າຈະຖືກລັດຖະ ບານປະເທດນັ້ນໆບ໋ອກກໍຕາມ. ພາຍໃຕ້ເງື່ອນໄຂທີ່ຕ້ອງເຂົ້າໃຊ້ງານເວັບຜ່ານທາງເຄືອຂ່າຍ TOR ຫຼື The Onion Browser ເທົ່ານັ້ນເພື່ອປົກປິດຮ່ອງຮອຍ ແລະ ເຊື່ອງຕົນເອງຈາກການໃຊ້ງານອິນເຕີເນັດຊຶ່ງເຮັດໃຫ້ບຸກຄົນທົ່ວໄປເຂົ້າບໍ່ເຖິງ, ໂດຍຈະມີການເຂົ້າລະຫັດບໍ່ໃຫ້ມີການເປີດເຜີຍຕົວຕົນ ແລະ ຕຳແໜ່ງຂອງຜູ້ໃຊ້ງານໃນຂະນະເຂົ້າໃຊ້ເວັບໄຊ.

ສຳລັບຜູ້ໃຊ້ທີ່ສົນໃຈຫາກຕ້ອງເຂົ້າເວັບໄຊຂ່າວດ້ວຍ URL ປົກກະຕິເຊັ່ນ: bbc.com/news ກໍສາມາດເຂົ້າໄປທີ່ເວັບ bbcnewsv2vjtpsuy.onion ຜ່ານບຣາວເຊີ TOR ເພື່ອເຂົ້າເບິ່ງ ຫຼື ອ່ານຂ່າວຂອງ BBC ສະບັບຕ່າງປະເທດກໍໄດ້, ໂດຍມີ ການຮອບຮັບຫຼາຍພາສາບໍ່ວ່າຈະເປັນ Arabic, Persian ແລະ Russian. ໂດຍຜູ້ທີ່ໃຊ້ຈະສາມາດເປີດອ່ານເນື້ອຫາຂ່າວໄດ້ຢ່າງປອດໄພ, ບໍ່ຕ້ອງກັງວົນວ່າຈະຖືກລັດຖະບານຕິດຕາມ. ສຳລັບທ່ານໃດທີ່ບໍ່ຮູ້ຈັກວ່າ DarkWeb ແມ່ນຫຍັງ? ກໍສາມາດເຂົ້າໄປເປີດອ່ານໄດ້ທີ່ລິ້ງນີ້ເລີຍ http://www.atimedesign.com/webdesign/darkweb-is/

 

ຮຽບຮຽງ: ເພັງສະຫວັນ

ຮູບພາບ: postjung

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.