Homeຂ່າວພາຍ​ໃນດ່ານສາກົນຂົວມິດຕະພາບ 3 ເລັ່ງປັບປຸງພື້ນຖານໂຄງລ່າງຮອງຮັບ ປີທ່ອງທ່ຽວ 2024

ດ່ານສາກົນຂົວມິດຕະພາບ 3 ເລັ່ງປັບປຸງພື້ນຖານໂຄງລ່າງຮອງຮັບ ປີທ່ອງທ່ຽວ 2024

Published on

ດ່ານສາກົນ ຂົວມິດຕະພາບ ແຫ່ງທີ 3 ແຂວງຄໍາມ່ວນ ເລັ່ງປັບປຸງພື້ນຖານໂຄງລ່າງພາຍໃນດ່ານ ແນໃສ່ອຳນວຍຄວາມສະດວກໃນການບໍລິການ ການເດີນທາງ ເຂົ້າ-ອອກ ລາວ-ໄທ ຂອງພົນລະເມືອງ, ພາຫະນະ ແລະ ອື່ນໆ ໃຫ້ດີຂຶ້ນ ເພື່ອຮອງຮັບໃຫ້ແກ່ປີທ່ອງທ່ຽວລາວ 2024.

ທ່ານ ພັນເອກ ພົມມາ ເດດຂຸມຟອງ ຫົວໜ້າດ່ານຂົວມິດຕະພາບ 3 ແຂວງຄໍາມ່ວນ ໄດ້ກ່າວວ່າ: ເພື່ອເປັນການຮອງຮັບໃຫ້ແກ່ການເປີດປີທ່ອງທ່ຽວປີ 2024 ນີ້, ດ່ານສາກົນຂົວມິດຕະພາບ 3 ໄດ້ເອົາໃຈ ໃສ່ຢ່າງຕັ້ງໜ້າ ໃນການປັບປຸງ ພື້ນຖານໂຄງລ່າງຂອງດ່ານ ແນໃສ່ສ້າງສະພາບແວດລ້ອມຂອງດ່ານສາກົນ ກໍຄື ຂອງແຂວງຄໍາມ່ວນ ໃຫ້ດີຂຶ້ນ ໂດຍໄດ້ຮັບການຊີ້ນໍາຢ່າງໃກ້ຊິດຈາກການນໍາພັກ-ລັດ ກໍຄື ການນໍາຂັ້ນແຂວງ. ໃນນີ້, ໄດ້ສຸມໃສ່ປັບປຸງ, ສ້ອມແປງທາງເບຕົງໃນດ່ານ ຂາອອກ ໃຫ້ສໍາເລັດ, ປັບປຸງຂອດການບໍລິການຜ່ານດ່ານ ແລະ ການເກັບຄ່າບໍລິການ ຈາກທີ່ເຄີຍນໍາໃຊ້ຄົນ ປັດຈຸບັນແມ່ນໄດ້ຫັນມານໍາໃຊ້ເຄື່ອງທັນສະໄໝ( Ec parst) ເຮັດໃຫ້ການບໍລີການວ່ອງໄວ, ໂປ່ງໄສ ແລະ ສະດວກສະບາຍຂຶ້ນກວ່າເກົ່າ, ປັບປຸງລະບົບໄຟຟ້ານັບແຕ່ທາງເລກທີ 13 ໃຕ້ ເຂົ້າຫາດ່ານ ຮອດກາງຂົວ. ນອກນັ້ນ, ກໍປັບປຸງໄຟເຍືອງປ້າຍແຕ່ລະຈຸດ, ໄຟໃນອາຄານດ່ານ, ປັບປຸງສ້ອງແປງ ແລະ ທາສີໃໝ່ໃນຕຶກອາຄານດ່ານ, ປັບປຸງຟື້ນຟູສວນຂຽວ ແລະ ປັບປຸງລະບົບນໍ້າປະປາຄືນໃໝ່.

ທ່ານ ພັນເອກ ພົມມາ ເດດຂຸມຟອງ ຍັງໃຫ້ຮູ້ອີກວ່າ: ນັບແຕ່ປີ 2023 ມາຮອດປັດຈຸບັນ ມີຄົນເຂົ້າ-ອອກ ດ່ານສາກົນ ຂົວມິດຕະພາບ ແຫ່ງທີ 3 ແຂວງຄໍາມ່ວນ ທັງໝົດ 39.100 ກວ່າຄົນ, ຍິງ 13.600 ກວ່າຄົນ. ໃນນີ້, ຂາເຂົ້າມີ 17.600 ຄົນ, ຍິງ 6 ພັນກວ່າຄົນ ແລະ ຂາອອກ 20 ພັນກວ່າຄົນ, ຍິງ 7 ພັນກວ່າຄົນ; ພາຫະນະ ຂາເຂົ້າ 11 ພັນກວ່າຄັນ ແລະ ຂາອອກ 8 ພັນກວ່າຄັນ.

ທີ່ມາ: ປະເທດລາວ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...