spot_img
Homeຂ່າວພາຍ​ໃນສານຕັດສິນທັງຈຳທັງປັບອະດີດແມ່ບ້ານຄະດີລັກຊັບ ແລະ ສໍ້ໂກງເຈົ້ານາຍ

ສານຕັດສິນທັງຈຳທັງປັບອະດີດແມ່ບ້ານຄະດີລັກຊັບ ແລະ ສໍ້ໂກງເຈົ້ານາຍ

Published on

ສານຂັ້ນຕົ້ນນະຄອນຫຼວງ ໄດ້ພິຈາລະນາຄະດີ ໃນວັນທີ 12 ກຸມພາ 2020, ພາຍຫຼັງໄອຍະການໄດ້ຖະແຫຼງ ໄຈ້ແຍກການກະທຳຜິດຂອງຈຳເລີຍ ໂດຍອີງຕາມກົດໝາຍອາຍາ ແລະ ກົດໝາຍວ່າດ້ວຍການດຳເນີນຄະດີອາຍາ ສະບັບປັບປຸງປີ 2012 ແລະ ອີງຕາມສຳນວນຄະດີອາຍາຂັ້ນຕົ້ນ ເລກທີ 1095/ອຍກ.ນວ ໂດຍມີເນື້ອຄະດີດັ່ງນີ້: ເດືອນຕຸລາ 2018 ນາງ ບີ້ (ຈຳເລີຍ) ໄດ້ໄປສະໝັກເຮັດວຽກເປັນແມ່ບ້ານຢູ່ເຮືອນຂອງໂຈດທາງແພ່ງຊື່ນາງ ຢູ່ມີ ອາຍຸ 30 ປີ ຢູ່ບ້ານ ໜອງພະຍາ ເມືອງ ໄຊທານີ ນະຄອນ ຫຼວງວຽງຈັນ ໂດຍມີເງື່ອນໄຂໃຫ້ຈຳເລີຍຢູ່ກິນນຳ ແລະ ຮັບຄ່າຈ້າງເດືອນລະ 500.000 ກີບ, ພາຍຫຼັງເຮັດວຽກໄດ້ປະມານ 2 ເດືອນ ຈຳເລີຍ ໄດ້ເລີ່ມເຄື່ອນໄຫວລັກຊັບຂອງນາຍຈ້າງ, ເຊິ່ງກໍ່ເຫດມາແລ້ວຈຳນວນ 5 ຄັ້ງ.

ຄັ້ງທີ 1 ໃນເດືອນທັນວາ 2018, ຈຳເລີຍ ໄດ້ລັກເອົາເງິນຢູ່ໃນກະເປົ໋າຂອງນາຍຈ້າງ 100 ໂດລາ, 1.000 ບາດ ແລະ 100 ຢວນ ແລ້ວນຳໄປໃຊ້ຈ່າຍສ່ວນຕົວໝົດ. 5 ວັນຕໍ່ມາ, ໂຈດທາງແພ່ງຮູ້ເລື່ອງ ຈຶ່ງຖາມເອົາເງິນນຳຈຳເລີຍ ແຕ່ຈຳເລີຍສົ່ງຄືນພຽງ 350.000 ເພາະອີກ 500.000 ແມ່ນເປັນຄ່າເງິນເດືອນເລີຍ;  ຄັ້ງທີ 2 ໃນເດືອນມັງກອນ ແລະ ຄັ້ງທີ 3 ໃນເດືອນກຸມພາ 2019 ທັງ 2 ຄັ້ງນີ້ ຈຳເລີຍໄດ້ລັກເອົາເງິນຄັ້ງລະ 1.000 ບາດ ເມື່ອໂຈດທາງແພ່ງຮູ້ວ່າ ຈຳເລີຍລັກເອົາເງິນ ຈຶ່ງຫັກເອົາເປັນຄ່າເງິນເດືອນທັງ 2 ເດືອນເລີຍ; ຄັ້ງທີ 4 ໃນວັນທີ 27 ກຸມພາ ໄດ້ລັກເອົາໂທລະສັບຍີ່ຫໍ້ຊຳຊຸງຂອງຜົວໂຈດທາງແພ່ງ ແລ້ວເອົາໄປເຊື່ອງໄວ້ໃນຫ້ອງນອນຂອງຜູ້ກ່ຽວ. ມື້ຕໍ່ມາວັນທີ 28 ກຸມພາ, ເວລາປະມານ 12:00 ໂມງ ຈຳເລີຍ ໄດ້ເອົາໂທລະສັບໄປໃຫ້ທ້າວ ຈ່ອຍ (ແຟນ) ນຳໃຊ້, ແຕ່ຈຳເລີຍບໍ່ໄດ້ບອກ ທ້າວ ຈ່ອຍ ວ່າໂທລະສັບແມ່ນລັກມາ. ຈາກນັ້ນ, ທ້າວ ຈ່ອຍໄດ້ເອົາໄປຂາຍໃຫ້ໄວລຸ້ນບໍ່ຮູ້ຊື່ຢູ່ຮ້ານເກມໄດ້ເງິນຈຳນວນ 500.000 ກີບ ແລະ ນຳເງິນໄປໃຊ້ຈ່າຍຈົນໝົດ; ຄັ້ງສຸດທ້າຍ, ຈຳເລີຍລັກເງິນຈຳນວນ 1.000 ບາດ ເມື່ອໂຈດທາງແພ່ງຮູ້ກໍຫັກເປັນຄ່າເດືອນເດືອນອີກ.

ຈາກການລັກຊັບຈຳນວນ 5 ຄັ້ງນັ້ນ ຈຳເລີຍຍັງໄດ້ສໍ້ໂກງຊັບຂອງນາຍຈ້າງຄື: ວັນທີ 16 ເມສາ 2019, ເວລາປະມານ 11:00 ໂມງ ຈຳເລີຍໄດ້ຢືມລົດຈັກຍີ່ຫໍ້ຮອນດ້າເວບ 100 ຂອງນາຍຈ້າງ ພ້ອມທັງຂໍເບີກເງິນຈຳນວນ 200.000 ກີບ, ນາຍຈ້າງໄດ້ໃຫ້ເວລາ 24 ຊົ່ວໂມງ ແມ່ນໃຫ້ກັບຮ້ານ, ເມື່ອໄດ້ລົດກັບເງິນແລ້ວ ຈຳເລີຍກໍໄປຫາ ທ້າວ ຈ່ອຍ ເມື່ອຮອດເວລາໂຈດທາງແພ່ງໄດ້ໂທນຳຈຳເລີຍ. ແຕ່ຈຳເລີຍບໍ່ກັບ ຜ່ານໄປ 8 ວັນ ຈຳເລີຍຍັງບໍ່ກັບມາຮ້ານ ໂຈດທາງແພ່ງ ຈຶ່ງຕິດຕາມຈົນຮູ້ວ່າ: ຈຳເລີຍໄປຢູ່ນຳ ທ້າວ ຈ່ອຍ. ຈາກນັ້ນ, ຈຶ່ງແຈ້ງຕໍ່ອຳນາດການປົກຄອງບ້ານ ນາສ້ຽວ ເມືອງ ນາຊາຍທອງ ເຂົ້າກັກຕົວ ແລະ ມອບໃຫ້ເຈົ້າໜ້າທີ່ດຳເນີນຄະດີຕາມກົດໝາຍ.

ຜ່ານການຄົ້ນຄວ້າບັນດາຂໍ້ມູນຫຼັກຖານ ແລະ ເອກະສານຕ່າງໆທີ່ມີຢູ່ໃນສຳນວນຄະດີອາຍາຢ່າງລະອຽດຖີ່ຖ້ວນ, ຮອບດ້ານ ແລະ ພາວະວິໄສແລ້ວ ເຫັນວ່າ: ມີຫຼັກຖານໜັກແໜ້ນ ແລະ ພຽງພໍ ໃນການຢັ້ງຢືນການກະທຳຜິດຂອງຈຳເລີຍຕາມປະມວນກົດໝາຍອາຍາມາດຕາ 231 ແລະ 233 ທີ່ແຕະຕ້ອງເຖິງກຳມະສິດຂອງບຸກຄົນອື່ນ ເຮັດໃຫ້ສັງຄົມບໍ່ມີຄວາມສະຫງົບ ແລະ ຂາດຄວາມເປັນລະບຽບຮຽບຮ້ອຍ.

ຈຳເລີຍ ມີເຈດຕະນາລັກຊັບຂອງໂຈດທາງແພ່ງແທ້ ແລະ ໃຊ້ເລ່ລຽມຕົວະຍົວະຫຼອກລວງໂຈດທາງແພ່ງ ດ້ວຍວິທີການຢືມລົດຈັກ ແລ້ວບໍ່ເອົາມາສົ່ງຕາມທີ່ກຳນົດໄວ້ນັ້ນ ເປັນການກະທຳທີ່ເປັນອາຈີນໃນສະຖານການລັກຊັບຂອງພົນລະເມືອງ ແລະ ສ້າງຄວາມເສຍຫາຍໃຫ້ແກ່ໂຈດທາງແພ່ງ, ການຕັດສິນຂອງສານໃນຄັ້ງນີ້ ແມ່ນອີງຕາມປະມວນ ກົດໝາຍອາຍາມາດຕາ 231 ວັກ 3 ແລະ ມາດຕາ 233 ວັກ 1.

 

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...