spot_img
Homeຂ່າວພາຍ​ໃນເໝາະສົມບໍ ທີ່ຈະໃຫ້ມີຮ້ານປິ້ງໝາ? ແລ້ວຮ້ານປິ້ງໝູເດ?

ເໝາະສົມບໍ ທີ່ຈະໃຫ້ມີຮ້ານປິ້ງໝາ? ແລ້ວຮ້ານປິ້ງໝູເດ?

Published on

ມື້ກ່ອນໄດ້ເຫັນຂ່າວທາງອອນລາຍ ເຊິ່ງມີການວິພາກວິຈານເຖິງຄວາມບໍ່ເໝາະສົມ ຂອງການຕັ້ງຮ້ານປິ້ງໝາຢ່າງເປີດເຜີຍ ໃນເຂດຕົວເມືອງຫຼວງພະບາງ ເມືອງມໍລະດົກໂລກ. ຜູ້ຄົນຈຳນວນຫຼາຍທີ່ຮັກສັດລ້ຽງ ໄດ້ກ່າວປະນາມຜູ້ທີ່ຕັ້ງຮ້ານຂາຍປິ້ງໝາ ແລະຜູູ້ທີ່ບໍລິໂພກຊີ້ນໝາ ພ້ອມທັງຮຽກຮ້ອງໃຫ້ສະພາແຫ່ງຊາດ ຮີບຮ້ອນອອກກົດໝາຍປົກປ້ອງສັດລ້ຽງ.

ຄັນຊິວ່າແລ້ວການຮັບປະທານອາຫານທີ່ປູງຈາກຊີ້ນໝາຫຼືແມວນັ້ນເປັນວັດທະນະທຳການກິນຂອງຄົນບາງປະເທດ ໂດຍສະເພາະທີ່ຢູ່ໃກ້ລາວທີ່ສຸດກໍຄືປະເທດຫວຽດນາມ ແລະບາງຊົນເຜົ່າໃນລາວ ທີ່ເຫັນວ່າການກິນອາຫານທີ່ປຸງຈາກຊີ້ນໝາຫຼືຊີ້ນແມວ ກໍເປັນເລື່ອງປົກກະຕິ ຄືກັນກັບຊີ້ນສັດປະເພດອື່ນ.

ບັນຫາການຂ້າໝາຂ້າແມວເປັນອາຫານກັບການປົກປ້ອງສັດລ້ຽງ ຖືກຖົກຖຽງກັນໃນສັງຄົມມາດົນນານ ລະຫວ່າງຜູ້ທີ່ນິຍົມຮັບປະທານ ກັບຜູ້ທີ່ຄະລຳຫຼືຮັກສັດລ້ຽງ.

ກຸ່ມຜູ້ນິຍົມການຮັບປະທານອາຫານທີ່ປຸງຈາກຊີ້ນໝາ-ແມວ ເວົ້າວ່າ ຂຶ້ນວ່າສັດບໍ່ວ່າຈະເປັນໝາ, ແມວ, ໝູ, ງົວ, ຄວາຍ, ເປັດ, ໄກ່… ລ້ວນແຕ່ສາມາດຂ້າເອົາມາເຮັດອາຫານໄດ້ຄືກັນ ແຕ່ເປັນຫຍັງຈຶ່ງມີແຕ່ປຸກລະດົມຕໍ່ຕ້ານການຮັບປະທານຊີ້ນໝາ-ແມວ ຄືບໍ່ພາກັນປຸກລະດົມຕໍ່ຕ້ານການກິນຊີ້ນໝູ, ຊີ້ງົວ, ຊີ້ນຄວາຍ, ເປັດ, ໄກ່… ແດ່? ເພາະຂຶ້ນຊື່ວ່າຊີວິດແລ້ວ ຈະເປັນໝາ, ເປັນແມວ, ເປັນງົວ, ຄວາຍ, ເປັດ, ໄກ່… ກໍລ້ວນແຕ່ຮັກຊີວິດຂອງຕົນເອງ ບໍ່ມີສັດໃດຢາກຕາຍ ເຫັນໄດ້ຈາກການຈັບມາຂ້າ ພວກສັດຕ່າງກໍດິ້ນຮົນສຸດຊີວິດ ເພື່ອໃຫ້ລອດຈາກການຂ້າເຊັ່ນດຽວກັນ ແຕ່ເປັນຫຍັງຕ້ອງມາສ້າງມາຕະຖານໃຫ້ໝາກັບແມວເປັນພິເສດກວ່າສັດອື່ນໆ?.

ໃນຂະນະທີ່ກຸ່ມຜູ້ຕໍ່ຕ້ານການກິນຊີ້ນໝາ-ແມວ ພັດກ່າວວ່າ: ເຮົາຈະຕີລວາດກວາດພຽງລະຫວ່າງໝາ-ແມວ ກັບອື່ນບໍ່ໄດ້ ເນື່ອງຈາກຄວາມໃກ້ຊິດຕິດແທດຕ່າງກັນ ໝາ-ແມວ ມີການກິ້ງເກືອກລີເລືອຢູ່ກັບຄົນເກືອບຕະຫຼອດເວລາ ໄດ້ອຸ້ມໄດ້ກອດ ພ້ອມທັງໝາກໍຍັງສາມາດປົກປ້ອງເຈົ້າຂອງຂອງມັນ, ປົກປ້ອງເຄື່ອງຂອງຂອງເຈົ້າຂອງ ດ້ວຍການເຫົ່າຫຼືໄລ່ກັດຄົນຮ້າຍກໍໄດ້. ແຕ່ສ່ວນສັດອື່ນໆ ບໍ່ວ່າຈະເປັນງົວ, ຄວາຍ, ໝູ, ເປັດ, ໄກ່, ປາ… ບໍ່ໄດ້ໃກ້ຊິດຕິດແທດກັບຄົນຄືກັບໝາແລະແມວ. ໝາແລະແມວ ປຽບດັ່ງສະມາຊິກໃນຄອບຄົວ ເປັນເພື່ອນທີ່ໃກ້ຊິດທີ່ສຸດຂອງຄົນເຮົາ ມັນຈຶ່ງຄວນໄດ້ຮັບການປົກປ້ອງ ເຊັ່ນກັນກັບເຮົາປົກປ້ອງເພື່ອນຂອງເຮົາ ເຊິ່ງເຮົາຈະບໍ່ກິນເພື່ອນຂອງເຮົາ. ການຖືວ່າສັດທຸກໂຕເກີດມາເພື່ອເປັນອາຫານແກ່ມະນຸດນັ້ນເປັນຄວາມເຂົ້າໃຈທີ່ຜິດ ຈົ່ງຮູ້ເອົາໄວ້ວ່າສັດທຸກໂຕບໍ່ໄດ້ຍອມເປັນອາຫານຂອງມະນຸດ ເບິ່ງຈາກເວລາຈັບມາຂ້າ ເຂົາເຈົ້າຈະແລ່ນໜີສຸດຊີວິດ ແລະຢ່າຄິດວ່າເປັນສັດແລ້ວສາມາດກິນເປັນອາຫານໄດ້ສະເໝີໄປ ເພາະຄົນເຮົາກໍສັດເຊັ່ນກັນ ແຕ່ຄົນກໍຍັງບໍ່ກິນຄົນ.

ຜູ້ຂຽນຈະບໍ່ສາມາດເຂົ້າຂ້າງຝ່າຍໃດ ແຕ່ຂໍໃຫ້ຢູ່ໃນຄວາມຖືກຕ້ອງ ເໝາະສົມກັບວັດທະນະທຳ, ສັງຄົມລາວ ແລະສັງຄົມໂລກ ເຫັນວ່າອັນໃດຄວນອັນໃດບໍ່ຄວນ ຊັ່ງຊາກັນເອົາເອງ. ຄວາມຮັກ, ຄວາມເຊື່ອ ແລະວັດທະນະທຳ ເປັນສິ່ງທີ່ຕິດມາກັບທຸກຄົນ ໂດຍບັງເອີນຫຼືຕັ້ງໃຈ ຜູ້ຂຽນຈຶ່ງບໍ່ຂໍແຕະຕ້ອງ. ເລື່ອງນີ້ເອົາໄວ້ໃຫ້ຜູ້ອ່ານຕັດສິນໃຈເອົາເອງກໍແລ້ວກັນ !

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...