6 ເດືອນຕົ້ນປີ 2019 ຫຼວງນໍ້າທາກວດພົບໄຂ້ຍຸງລາຍ 13 ກໍລະນີ

0
34

 ຕາມການໃຫ້ສຳພາດຂອງ ທ່ານ ດຣ ຫຍຸ້ງ ຫົວໜ້າຂະແໜງຄອບຄຸມພະຍາດຕິດຕໍ່ພະແນກສາທາລະນະສຸກແຂວງຫຼວງນໍ້າທາໃຫ້ຮູ້ເມື່ອທ້າຍອາທິດຜ່ານມາວ່າ ໃນໄລຍະ 6 ເດືອນຕົ້ນປີ 2019 ແຂວງຫຼວງນ້ຳທາກວດພົບຜູ້ເປັນພະຍາດໄຂ້ຍຸງລາຍ 13 ກໍ ລະນີ ໃນນີ້ ເມືອງຫຼວງນໍ້າທາ 10 ກໍລະນີ ເມືອງລອງ 2 ກໍລະນີ ແລະ ເມືອງນາແລ 1 ກໍລະນີ.

ພະຍາດດັ່ງກ່າວເກີດມາຈາກຍຸງລາຍຕົວທີ່ມີເຊື້ອພະຍາດແລ້ວມາກັດຄົນເຮົາກໍຈະພາໃຫ້ມີອາການໄຂ້ ເຈັບຫົວ ໜ້າແດງ ເຈັບກ້າມຊີ້ນ ເຈັບບໍລິເວນດວງຕາ ພາຍຫຼັງທີ່ເປັນໄຂ້ໄດ້ປະມານ 3-4 ວັນ ບາງຄົນກໍເກີດຜືນແດງຕາມຕົນຕົວ ອາການໄຂ້ຫຼຸດລົງ ໂຕເຢັນ ເຫື່ອໄຄຄາວຊື່ມ ກະວົນກະວາຍ ບາງຄົນກໍມີເລືອດເປັນປາມຊໍ້າຕາມຜິວໜັງ ບາງຄົນກໍມີເລືອດຊຶມອອກທາງແຂ້ວ ແລະ ອື່ນໆ ຊຶ່ງຖ້າປ່ອຍໃຫ້ອາການຮຸນແຮງກໍອາດເຖິງຂັ້ນເສຍຊິວິດ.

ດຣ ຫຍຸ້ງ ໃຫ້ຮູ້ຕື່ມອີກວ່າ ຖ້າຫາກທ່ານໃດເປັນໄຂ້ ຫຼື ຮູ້ສຶກປົກກະຕິ ຫ້າມເດັດຂາດບໍ່ໃຫ້ຊື້ຢາມາກິນເອງ ເພາະໄລຍະນີ້ເປັນໄລຍະທີ່ໄຂ້ຍຸງລາຍກຳລັງລະບາດ ແລະ ຖ້າຫາກຮູ້ສຶກວ່າຕົນເອງອາດຈະເປັນພະຍາດດັ່ງກ່າວໃຫ້ຟ້າວໄປໂຮງໝໍໂດຍດ່ວນ ເພື່ອກວດຫາສາເຫດ ແລະ ປີ່ນປົວໃຫ້ທັນເວລາ.

 

 

ໂດຍ: ສະຫະລັດ ວອນທິວົງໄຊ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.