4 ບໍລິສັດມອບເງິນ 200 ກວ່າລ້ານກີບຊ່ວຍຜູ້ປະສົບໄພນ້ຳຖ້ວມ

0
10

ໃນວັນທີ 16 ກັນຍາຜ່ານມາທີ່ນະຄອນຫຼວງວຽງຈັນ ບັນດາບໍລິສັດຕ່າງໆໄດ້ມອບເງິນຈຳນວນ 210 ລ້ານກີບໃຫ້ອົງການກາແດງລາວເພື່ອນຳໄປຊ່ວຍເຫລືອຜູ້ປະສົບໄພນ້ຳຖ້ວມຢູ່ບັນດາແຂວງພາກກາງ ແລະ ພາກໃຕ້ຂອງປະເທດ.

ເງິນຈຳນວນດັ່ງກ່າວແມ່ນມອບໂດຍ ກຸ່ມບໍລິສັດກໍ່ສ້າງ-ລົງທຶນ ແລະ ຖືຫຸ້ນ ແຂວງຢຸນນານ ຈຳກັດ ຈຳນວນ 50 ລ້ານກີບ ບໍລິ ສັດກຸ່ມນະຄອນຊັບ ຈຳກັດຜູ້ດຽວ ຈຳນວນ 50 ລ້ານກີບ ບໍລິສັດ ຊາວອີສ ເອເຊຍ ທາວເວີ ຈຳກັດ ຈຳນວນ 50 ລ້ານກີບ ແລະ ບໍລິສັດ ລົງທຶນ ພັດທະນາລາວ ຈຳນວນ 60 ລ້ານກີບ ຊຶ່ງຕາງໜ້າກ່າວຮັບໂດຍ ທ່ານ ຄຳຮຸ່ງ ເຮືອງວົງສີ ປະທານອົງການກາແດງລາວ.

ໂອກາດນີ້ ບັນດາຕາງໜ້າບໍລິສັດດັ່ງກ່າວກໍໄດ້ສະແດງຄວາມເຫັນອົກເຫັນໃຈ ແລະ ສະແດງຄວາມເປັນຫ່ວງເປັນໃຍມາຍັງພໍ່ແມ່ປະຊາຊົນຢູ່ທາງພາກກາງ ແລະ ພາກໃຕ້ທີ່ໄດ້ຮັບຜົນກະທົບຈາກໄພພິບັດທາງທຳມະຊາດໃນຄັ້ງ ແລະ ຫວັງວ່າເງິນຈຳນວນນີ້ຈະເປັນສ່ວນໜຶ່ງໃນການຊ່ວຍເຫຼືອຜູ້ທີ່ໄດ້ຮັບຜົນກະທົບໃຫ້ສາມາດຟື້ນຟູ ແລະ ກັບມາດຳລົງຊີວິດເປັນປົກກະຕິໂດຍໄວ.

ທ່ານ ຄຳຮຸ່ງ ເຮືອງວົງສີ ໂດຍຕາງໜ້າໃຫ້ປະຊາຊົນຜູ້ທີ່ໄດ້ຮັບຜົນກະທົບກໍໄດ້ສະແດງຄວາມຂອບໃຈ ແລະ ຮູ້ບຸນຄຸນມາຍັງ 4 ບໍລິສັດດັ່ງກ່າວທີ່ໄດ້ປະກອບສ່ວນເພື່ອຊ່ວຍເຫຼືອ ແລະ ບັນເທົາທຸກໃຫ້ກັບປະຊາຊົນທີ່ກຳລັງໄດ້ຮັບຄວາມລຳບາກ ພ້ອມດຽວກັນນັ້ນ ກໍໄດ້ລາຍງານກ່ຽວກັບສະພາບນໍ້າຖ້ວມ ຄວາມຫຍຸ້ງຍາກຂອງປະຊາຊົນ ແລະ ການເຄື່ອນໄຫວຕ່າງໆຂອງອົງການກາແດງລາວ ໃນການຊ່ວຍເຫລືອຜູ້ທີ່ໄດ້ຮັບຜົນກະທົບໃນຄັ້ງນີ້.

 

 

 

ໂດຍ: ອິດສະຫຼະ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.