28 ອາຊີບ “ຕ້ອງຫ້າມ” ຢູ່ໄທທີ່ຄົນລາວຕ້ອງຮູ້!!

0
4075

ເມື່ອບໍ່ດົນມານີ້ມີຫຼາຍສຳນັກຂ່າວລາຍງານກ່ຽວກັບ ທ້າວ ກາດຳ ເປັນຄົນລາວທີ່ຖືກຕຳຫຼວດໄທຈັບຂໍ້ຫາເປີດຮ້ານຕັດຜົມທີ່ປະ ເທດໄທ, ໂດຍຜູ້ກ່ຽວໄດ້ປະກອບອາຊີບທີ່ຖືກສະຫງວນໄວ້ໃຫ້ສະເພາະຄົນໄທເທົ່ານັ້ນ. ການທີ່ທ້າວ ກາດຳ ຖືກຈັບກຸ່ມໃນຄັ້ງນີ້ມັນເຮັດໃຫ້ຄົນລາວຫຼາຍຄົນມີຄວາມຕື່ນຕົວກ່ຽວກັບເລື່ອງນີ້ຫຼາຍຂຶ້ນ ແລະ ນີ້ຖືວ່າເປັນບົດຮຽນໜຶ່ງທີ່ພວກເຮົາຕ້ອງນຳມາຖອດ ຖອນ ແລະ ຕ້ອງໄດ້ສຶກສາຂໍ້ກົດໝາຍດ້ານແຮງງານ, ການປະກອບອາຊີບຕ່າງໆຢ່າງລະອຽດກ່ອນຫາກຄິດຈະໄປປະກອບອາຊີບທີ່ຕ່າງປະເທດບໍ່ສະເພາະແຕ່ປະເທດໄທເທົ່ານັ້ນ.

ປະເທດໄທມີກົດໝາຍທີ່ລະບຸໄວ້ຢ່າງຊັດເຈນກ່ຽວກັບອາຊີບທີ່ສະຫງວນໄວ້ໃຫ້ຄົນໄທເຮັດໂດຍສະເພາະ ຊຶ່ງຄົນຕ່າງຊາດບໍ່ສາມາດເຮັດໄດ້ລວມມີ 28 ອາຊີບຄື: 1. ແກະສະຫຼັໄມ້, 2. ຕໍ່າຫູກ, 3. ຕໍ່າສາດ, 4. ເຮັດເຈ້ຍສາ, 5. ຕີເຄື່ອງເງິນ, 6. ຜະລິດເຄື່ອງດົນຕີພື້ນເມືອງ, 7. ຕີຂັນ, 8. ຕີເງິນ-ຕີຄຳ ຫຼື ນາກ, 9.ເຄື່ອງປັ້ນດິນເຜົາ, 10. ເຮັດຕຸກກະຕາໄທ, 11. ເຮັດບາດພຣະ, 12. ເຮັດເຄື່ອງຫັດຖະກຳ, 13. ຫຼໍ່ພຣະພຸດທະຮູບ, 14. ເຮັດຄັນຮົ່ມເຈ້ຍສາ, 15. ພິມດີດ, 16. ສາວໄໝດ້ວຍມື, 17. ຂັບລົດ, 18. ຂາຍເຄື່ອງໜ້າຮ້ານ (ເຮັດໄດ້ພຽງຂາຍ ແລະ ເສີບແຕ່ບໍ່ມີສິດຮັບເງິນ ແລະ ເຝົ້າຮ້ານແທນນາຍຈ້າງໄດ້ຊົ່ວຄາວ), 19. ການເຂົ້າຮ່ວມປະມູນ, 20. ເຈຍລະໄນເພັດ, 21. ເປີດຮ້ານຕັດຜົມ-ເສີມສວຍ, 22. ງານນາຍໜ້າ ຫຼື ຕົວແທນ (ຍົກເວັ້ນທຸລະກິດການຄ້າລະຫວ່າງປະເທດ), 23. ຫໍ່ຢາສູຍຂາຍ, 24. ໃກ້ນຳທ່ຽວ, 25. ຍ່າງເລາະຂາຍເຄື່ອງ, 26. ສະມຽນ ຫຼື ເລຂານຸການ, 27. ໃຫ້ບໍລິການທາງດ້ານກົດໝາຍ ແລະ 28. ນວດແຜນບູຮານ.

ຄົນລາວຫາກຄິດຈະເດີນທາງໄປເປັນແຮງງານ ຫຼື ໄປປະກອບກິດຈະການຢູ່ປະເທດໄທຕ້ອງມີໃບອະນຸຍາດຢ່າງຖືກຕ້ອງ ແລະ ງານທີ່ຈະເຮັດນັ້ນຕ້ອງບໍ່ແມ່ນງານທີ່ຫ້າມຄົນຕ່າງຊາດເຮັດ ຫຼື ນອກເໜືອຈາກທີ່ມີສິດເຮັດໄດ້ຫາກຜູ້ໃດຝ່າຝືນຈະຖືກປັບໄໝ 5.000-50.000 ບາດ ຫຼື ປະມານ 1.500.000-15.000.000 ກີບ.

ບົດໂດຍ: ພຸດສະດີ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.