ຍານສໍາຫຼວດ ອິນໄຊ ຂອງນາຊາ ສໍາເລັດການລົງຈອດຢູ່ດາວອັງຄານ

0
867

ຍານອາວະກາດ ອິນໄຊ (InSight) ຂອງນາຊາ ໄດ້ລົງຈອດຢູ່ດາວອັງຄານໄດ້ຢ່າງປອດໄພໃນວັນທີ 26 ພະຈິກນີ້  ຫຼັງຈາກທີ່ຜ່ານຜ່າອຸປະສັກການລົງຈອດກວ່າ 7 ນາທີ ທີ່ຄາດວ່າຈະສາມາດລົງຈອດໄດ້ສໍາເລັດ ຫຼື ບໍ່ ແລະ ກຽມພ້ອມກວດສອບໂຄງສ້າງພາຍໃນຂອງດາວອັງຄານເປັນເທື່ອທໍາອິດ.

ສໍານັກຂ່າວຕ່າງປະເທດລາຍງານຈາກນະຄອນຫຼວງ ວໍຊີງຕັນ ສະຫະລັດອາເມລິກາວ່າ: ອົງການບໍລິຫານການບິນ ແລະ ອາວະກາດແຫ່ງຊາດ (ນາຊາ) ອອກຖະແຫຼງການໃນວັນທີ 26 ພະຈິກ 2018 ວ່າ:ພາຍຫຼັງ 7 ນາທີ ທີ່ອັນຕະລາຍໃນການໂຄຈອນຂອງຍານອິນໄຊ ເຂົ້າໃກ້ດາວອັງຄານຫຼາຍທີ່ສຸດເພື່ອຫາທາງລົງຈອດໄດ້ສໍາເລັດຢ່າງປອດໄພ; ແຕ່ກ່ອນຈະຈອດນັ້ນ, ໄດ້ມີການສົ່ງສັນຍານຜ່ານຄື້ນວິທະຍຸພ້ອມຮູບພາບມາທີ່ສູນປະຕິບັດການຂອງນາຊາທີ່ ລອສແອນເຈີລິສ ເວລາ 19:53 ຕາມເວລາສາກົນ (ກົງກັບເວລາ 2:53 ເວລາທ້ອງຖິ່ນຂອງວັນອັງຄານທີ 27 ພະຈິກນີ້).

Have you ever seen a spacecraft spread its solar wings? NASA InSight will need to perform the critical task of deploying its solar arrays to power the mission. We expect to get data confirmation this evening. About the #MarsLanding milestones: https://go.nasa.gov/2FFP8Wf

Posted by NASA – National Aeronautics and Space Administration on ວັນຈັນ ທີ 26 ພະຈິກ 2018

ຍານ ອິນໄຊ ຈະສໍາຫຼວດໂຄງສ້າງພາຍໃນຂອງດາວອັງຄານ ລວມທັງສະພາບຂອງຊັ້ນຫິນ ແລະ ໂຄງສ້າງທາງທໍລະນິວິທະຍາ ເພື່ອຮວບຮວມຂໍ້ມູນຕ່າງໆ ທີ່ເປັນປະໂຫຍດໃນການສຶກສາວິວັດທະນາການຂອງດາວເຄາະໃນລະບົບສຸລິຍະຈັກກະວານ ເຊິ່ງຍານອິນໄຊ ໄດ້ອອກເດີນທາງຈາກໂລກໃນວັນທີ 5 ພຶດສະພາ 2018 ໂດຍມີກໍານົດປະຕິບັດງານ 24 ເດືອນ (1 ປີໃນດາວອັງຄານ) ໃນການຝັງໄຊໂມມິເຕີ ໃຫ້ເລີກລົງເຖິງພື້ນປະມານ 3-5 ແມັດ ເລີກລົງໄປຫຼາຍກວ່າໃນຄັ້ງກ່ອນ 15 ເທົ່າ ເພື່ອສໍາຫຼວດຊັ້ນຫີນ ແລະ ວັດອຸຫະພູມໃນດາວອັງຄານ.

ການສໍາເລັດໃນຄັ້ງນີ້, ເປັນການຢໍ້າເຕືອນຄວາມກ້າວໜ້າຂອງນາຊາ ທີ່ຍັງເປັນອົງການອາວະກາດພຽງແຫ່ງດຽວຂອງໂລກທີ່ສາມາດສົ່ງຍານສໍາຫຼວດໄປຈອດລົງຢູ່ດາວອັງຄານໄດ້ສໍາເລັດ ໂດຍຕະຫຼອດໄລຍະ 4 ທົດສະວັດຜ່ານມາ ມີຫຼາຍປະເທດພະຍາຍາມຫຼາຍກວ່າ 43 ຄັ້ງໃນການສົ່ງຍານໄປສໍາຫຼວດດາວອັງຄານ ເຊິ່ງສາມາດເຂົ້າສູ່ວົງໂຄຈອນພຽງເຄິ່ງເທົ່ານັ້ນ.

 

 

ຮຽບຮຽງໂດຍ: ໃບບົວ ຈັນທະລັງສີ

ແຫຼ່ງຂໍ້ມູນຈາກ: thairath.co.th, dailynews.co.th, tnamcot.com

ອອກ​ຈາກ REPLY ເປັນ

Please enter your comment!
Please enter your name here