ຟ້ອນມວຍລາຍລາວ! ຍາດໄດ້ທີ 3 ຈາກການແຂ່ງຂັນໃນງານບຸນມະໂຫລານ 2018 ທີ່ເກົາຫຼີໃຕ້

0
305

ສະຫະພັນມວຍລາວແຫ່ງຊາດ ໄດ້ສົ່ງ 2 ນັກກີລາເຂົ້າຮ່ວມການແຂ່ງຂັນ ສິລະປະການຕໍ່ສູ້ປ້ອງກັນຕົວ ທີ່ເປັນເອກະລັກຂອງຊາດລາວ ໃນງານບຸນມະໂຫລານ 2018 ຫຼື “2018 International Martial Arts Contest” ທີ່ເມືອງຊູງຈູ ສາທາລະນະລັດເກົາຫລີ (ເກົາຫລີໃຕ້) ເຊິ່ງຈັດແຂ່ງຂັນໃນລະຫວ່າງວັນທີ 26-28 ຕຸລາ 2018 ໂດຍມີນັກກິລາທີ່ເຂົ້າຮ່ວມແຂ່ງຂັນ 111 ຄົນ ຈາກ 29 ປະເທດ.

ການ​ເດີນ­ທາງ​ເຂົ້າ​ຮ່ວມ​ແຂ່ງ­ຂັນ​ໃນ​ຄັ້ງ​ນີ້ ນຳ­ພາ​ໂດຍ​ທ່ານ ສາຍ­ສະ­ໝອນ ໄຊ​ຍະ​ສອນ, ປະ­ທານ​ສະ­ຫະ­ພັນ​ກີ­ລາ​ມວຍ​ລາວ​ແຫ່ງ​ຊາດ, ປະ­ທານ​ສະ­ຫະ­ພັນ​ມວຍ​ອາ­ຊີ​ຕາ­ເວັນ​ອອກ­ສຽງ​ໃຕ້ ຫຼື ອາ​ຊຽນ, ຄະ­ນະ​ກຳ­ມະ​ການ​ສະ­ຫະ­ພັນ​ມວຍ​ໂອ​ແລມ​ປີກ ແລະ ປະ­ທານ​ສະ­ຫະ­ພັນ​ມວຍ​ໂລກ ພ້ອມດ້ວຍຄະນະ ແລະ ນັກກິລາ 2 ຄົນຄື: ທ້າວ ທິລາວັນ ຈັນທະກາລີ ແລະ ທ້າວ ວິທະຍາ ໂພທິສານ ທັງ 2 ລົງແຂ່ງຂັນໃນປະເພດຟ້ອນມວຍລາຍລາວ ແບບປະຍຸກບໍ່ມີອຸປະກອນ.

ຜ່ານ​ການ​ແຂ່ງ­ຂັນ​ຜົນ​ປາ­ກົດ​ວ່າ ທ້າວ ທິ​ລາ​ວັນ ຈັນ­ທະ​ກາ­ລີ ສາ­ມາດ​ຍາດ​ໄດ້​ອັນ​ດັບ 3 ໃນ​ປະ­ເພດ​ສະ­ແດງ​ຟ້ອນ​ດ່ຽວ​ຊາຍ ມວຍ​ລາຍ​ລາວ​ແບບ​ປະ­ຍຸກ​ມາ​ຄອງ​ໄດ້​ຮັບເງິນລາງວັນ 400.000ວອນ, ສ່ວນປະເພດຟ້ອນຄູ່ ແມ່ນໄດ້ຮັບລາງວັນຊົມເຊີຍ Popularity Award ຈາກ 70 ສະໂມສອນທີ່ສົ່ງເຂົ້າແຂ່ງຂັນ.

ຢ່າງ­ໃດ​ກໍ່​ຕາມ ເຖິງ​ຈະ​ບໍ່​ໄດ້​ຕາມ​ເປົ້າ​ໝາຍ​ໃນ​ການ​ເຂົ້າ​ຮ່ວມ​ແຂ່ງ­ຂັນ​ໃນ​ຄັ້ງ​ນີ້ ແຕ່​ມັນ​ກໍ່​ເປັນ​ອີກ​ທ່າ­ແຮງ​ໜຶ່ງ​ໃນ​ການ​ນຳ​ເອົາ​ສິ­ນລະ​ປະ​ວັດ­ທະ­ນະ­ທຳ​ຂອງ​ຊາດ​ລາວ ໄປ​ສະ­ແດງ​ໃຫ້​ນາໆຊາດ​ໄດ້​ຮັບ​ຮູ້​ເຖິງ​ປະ­ຫວັດ​ຄວາມ​ເປັນ​ມາ ຄຳ​ວ່າ “ມວຍ​ລາຍ​ລາວ” ໃນ​ເມື່ອ​ກ່ອນ​ມີ​ຄວາມ​ແຂງ​ແກ່ນ​ແນວ­ໃດ ແລະ ຖ້າ​ມາ​ສົມ​ທຽບ­ໃສ່​ມວຍ​ລາວ​ໃນ​ປັດ­ຈຸ­ບັນ ເພາະ​ມວຍ​ລາວ ກໍ່​ບໍ່​ຍອມ​ໃຜ​ໃນ​ເວ­ທີ​ສາ­ກົນ ແລະ ແມ່ນ​ການ​ຕໍ່­ສູ້​ທີ່​ໃຊ້​ຄວາມ​ສາ­ມາດ​ທີ່­ແທ້​ຈິງ.

ມາເບິງວິດິໂອການສະແດງ ຟ້ອນມວຍລາຍລາວ ແບບປະຍຸກ ຂອງທ້າວ ພິລາວັນ ຈັນທະກາລີ ຜ່ານການແຂ່ງຂັນ3ຮອວ ຍາດໄດ້ອັບດັບ3 ຈາກ29ປະເທດ 111 ຄົນໃນການແຂ່ງຂັນ.

Posted by ສະຫະພັນມວຍລາວແຫ່ງຊາດ on ວັນອາທິດ ທີ 28 ຕຸລາ 2018

 

ຮຽບຮຽງຂ່າວ: ບຸດສະດີ ສາຍນ້ຳມັດ
ແຫຼ່ງຂໍ້ມູນ, ຮູບປະກອບ ແລະ ວິດີໂອຈາກ: ສະຫະພັນມວຍລາວແຫ່ງຊາດ

ອອກ​ຈາກ REPLY ເປັນ

Please enter your comment!
Please enter your name here