ແຂວງຫຼວງນໍ້າທາ ສປປ ລາວ ຕິດອັນດັບ 1 ໃນ 10 ສະຖານທີ່ທ່ອງທ່ຽວແບບອະນຸລັກທີ່ດີທີ່ສຸດໃນອາຊີ

0
985

ເມື່ອວັນທີ 5 ກັນຍາ 2018 ທີ່ຜ່ານມາ ເວັບໄຊທ໌ Tripstodiscover ໄດ້ລາຍງານຜົນການຈັດອັນດັບ 10 ຈຸດໝາຍປາຍທາງການທ່ອງທ່ຽວແບບອະນຸລັກທີ່ດີທີ່ສຸດໃນອາຊີ.

ໂດຍເວັບໄຊທ໌ດັ່ງກ່າວໄດ້ທໍາການເກັບກໍາຂໍ້ມູນຕົວຈິງຈາກນັກທ່ອງທ່ຽວ ທີ່ເວົ້າເຖິງຫຼາຍທີ່ສຸດໃນເຄືອຄ່າຍອິນເຕີເນັດ, ຈາກການຂຽນປະສົບການຂອງນັກທ່ອງທ່ຽວຜ່ານເວັບໄຊທ໌ຕ່າງໆ, ຈາກນັກທ່ອງທ່ຽວທີ່ໄດ້ມາທ່ອງທ່ຽວ ແລະ ສໍາພັດດ້ວຍຕົນເອງ. ເວັບໄຊທ໌ Tripstodiscover ໄດ້ຈັດອັນດັບ 10 ຈຸດໝາຍປາຍທາງການທ່ອງທ່ຽວແບບອະນຸລັກທີ່ດີທີ່ສຸດໃນອາຊີ ຊຶ່ງປະກອບມີສະຖານທີ່ທ່ຽວດັ່ງຕໍ່ໄປນີ້:

  • ເກາະກົງ ປະເທດ ກຳປູເຈຍ
  • ລາດັກ (Ladakh) ປະເທດ ອິນເດຍ
  • ຫຼວງນ້ຳທາ ສປປ ລາວ
  • ພູຕານ ຕັ້ງຢູ່ລະຫວ່າງ ຈີນ ແລະ ອິນເດຍ ໃນເທືອກເຂົາ ຫິມາໄລ
  • ອຸທະຍານແຫ່ງຊາດ Taman Negara ປະເທດ ມາເລເຊຍ
  • ອຸທະຍານແຫ່ງຊາດ Sagarmatha ປະເທດ ເນປານ
  • Savaii, Samoa ເກາະທີ່ມີຂະໜາດໃຫຍ່ໃນແປຊີຟິກໃຕ້
  • Donsol ແລະ Peleliu ປະເທດ ຟິລິບປິນ
  • Sariska Tiger Reserve – ຣາຊາຖານ ອິນເດຍ
  • ອຸທະຍານແຫ່ງຊາດ Way Kambas ປະເທດ ອິນໂດເນເຊຍ

 

ຢູ່ແຂວງຫຼວງນໍ້າທາ ໂດຍສະເພາະແມ່ນການທ່ອງທ່ຽວໃນປ່າສະຫງວນແຫ່ງຊາດນໍ້າຫ້າມໍລະດົກອາຊຽນ ແລະ ຄວາມຫຼາກຫຼາຍທາງດ້ານສີສັນວັດທະນະທໍາຂອງບັນດາເຜົ່າ ດ້ວຍການເຂົ້າຮ່ວມກິດຈະກໍາທ່ອງທ່ຽວແບບອະນຸລັກ ເຊັ່ນ: ການຍ່າງປ່າ, ນອນແຄ້ມ, ລ່ອງເຮືອຢາງ, ນອນເຮືອນປະຊາຊົນ ແລະ ອື່ນໆ ໂດຍຜ່ານການບໍລິການທຸລະກິດທ່ອງທ່ຽວໃນທ້ອງຖິ່ນຢູ່ແຂວງຫຼວງນໍ້າທາ.

 

ຮຽບຮຽງຂ່າວ: ບຸດສະດີ ສາຍນ້ຳມັດ
ແຫຼ່ງຂ່າວ: www.tripstodiscover.com
ຮູບປະກອບ: www.rfa.org

ອອກ​ຈາກ REPLY ເປັນ

Please enter your comment!
Please enter your name here