ສາວໃສ່ຂາທຽມຄວ້າຕຳແໜ່ງຮອງອັນດັບ 2 ໃນການປະກວດ ມິສອິຕາລີ 2018

0
1306

ໃນການປະກວດມິສອິຕາລີ ປະຈຳປີ 2018 ເມື່ອວັນທີ 18 ກັນຍາ 2018 ທີ່ຜ່ານມາ, ນາງ ເຊຍຣາ ບໍດີ ສາວງາມອາຍຸ 18 ປີ ຈາກແຂວງ ຕຼາກິເນຍ,​ ເຊຍຣາພິການຂາຂ້າງຊ້າຍ ຈໍາເປັນຕ້ອງໄດ້ໃສ່ຂາທຽມ ແຕ່ນັ້ນກໍບໍ່ເປັນອຸປະສັກຕໍ່ຄວາມຝັນຂອງນາງ ເພາະເຊຍຣາໄດ້ສະແດງຄວາມສາມາດຈົນຜ່ານເຂົ້າຮອບ 3 ຄົນສຸດທ້າຍຂອງການປະກວດ ມິສອິຕາລີ ແລະ ຍັງຄວ້າຕຳແໜ່ງຮອງອັນດັບ 2 ມາຄອງໄດ້. ເຖິງແມ່ນວ່າ ຕຳແໜ່ງ ມິສອິຕາລີ 2018 ຈະຕົກເປັນຂອງ ນາງ ຄາຣ໌ລ໊ອດຕາ ມັກຈໍຣານາ, ແຕ່ນາງກໍ່ສາມາດລົບຄຳສົບປະໝາດ ແລະ ຄຳດູໝິ່ນຈາກຊາວເນັດທີ່ວິຈານນາງໃນໂລກໂຊຊຽວກ່ອນການປະກວດຈະເລີ່ມຕົ້ນຂຶ້ນ.

ນາງ ເຊຍຣາ ບໍດີ ເສຍຂາຊ້າຍໃນລະດັບຫົວເຂົ່າລົງໄປຍ້ອນອຸບັດຕິເຫດລົດຕຳ ໃນຕອນທີ່ນາງອາຍຸ 13 ປີ ຈິ່ງຕ້ອງໄດ້ໃສ່ຂາທຽມ. ໃນໄລຍະການປະກວດນາງຖືກກະແສວິພາກວິຈານກ່າວຫາວ່າທີ່ນາງເຂົ້າຮອບມາປະກວດໄດ້ ພຽງເພາະນາງເປັນຄົນທີ່ຮ່າງກາຍບໍ່ສົມບູນ, ແຕ່ເຊຍຣາກໍ່ໄດ້ໂພສຂໍ້ຄວາມຕອບກັບເທິງເຟສບຸ໊ກຂອງນາງວ່າ “ຂ້ອຍເສຍຂາ ແຕ່ພວກເຈົ້າເສຍຫົວໃຈ ແລະ ສະໝອງ” ແລະ ເຊຍຣາບໍ່ໄດ້ສົນວ່າຈະສາມາດຊະນະການປະກວດຄັ້ງໃນໄດ້ຫຼືບໍ່ ແຕ່ນາງຕ້ອງການສະແດງໃຫ້ທັງໂລກເຫັນວ່າຊີວິດຍັງຄົງສວຍງາມເຖິງຈະພິການກໍ່ຕາມ

 

 

 

 

 

ຮຽງຮຽບບົດ: ບຸດສະດີ ສາຍນໍ້າມັດ
ແຫຼ່ງຂ່າວ: workpointnews.com
ວິດີໂອປະກອບ: El Rincón de la Belleza

ອອກ​ຈາກ REPLY ເປັນ

Please enter your comment!
Please enter your name here