ໄຂ້ຫວັດຫມູສາຍພັນອາຟຣິກາ ຫລື ໂຮກອະຫິວາໃນຈີນ ສາມາດຄວບຄຸມໄດ້ແລ້ວ

0
126

ຈາກການລາຍງານສະພາບການລະບາດຂອງໂຣກໄຂ້ຫວັດຫມູສາຍພັນອາຟຣິກາ African Swine Fever Virus (ASF) ຫລື ໂຣກອະຫິວາ ໃນວັນທີ 30 ສິງຫາ 2018 ໂດຍ ອົງການອາຫານ ແລະ ການກະສິກຳແຫ່ງຊາດ (Food and Agriculture Orgazinsation: FAO). ລ່າສຸດ ກະຊວງກະສິກຳ ແລະ ແກ້ໄຂບັນຫາຊົນນະບົດຂອງຈີນ ປະກາດເມື່ອວັນທີ 2 ກັນຍາ ວ່າ ສາມາດຄວບຄຸມການລະບາດຂອງພະຍາດໄຂ້ຫວັດຫມູສາຍພັນອາຟຣິກາ (ASF) ໄດ້ແລ້ວຫລັງຈາກທີ່ພະຍາດດັ່ງກ່າວເກີດລະບາດຢູ່ໃນ 5 ແຂວງຂອງຈີນ ມາເປັນເວລາຫລາຍວັນ.

ຈີນແມ່ນເປັນປະເທດທີ່ມີທ່າແຮງກ່ຽວກັບການລ້ຽງ ແລະ ບໍລິໂພກຊີ້ນຫມູຫລາຍເກືອບເຄີ່ງຫນື່ງຂອງຈຳນວນຫມູທີ່ລ້ຽງຢູ່ໃນທົ່ວໂລກ ແມ່ນເຕົ້າໂຮມຢູ່ໃນຈີນ. ໄລ່ມາຮອດວັນທີ 23 ສິງຫາ ທີ່ຜ່ານມາ ມີ 3.235 ກໍລະນີທີ່ຕິດໄຂ້ຫວັດສາຍພັນຫມູອາຟຣິກາໄດ້ຮັບການບັນທຶກຢູ່ໃນອີກ 11 ປະເທດ.

ເມື່ອເດືອນທີ່ຜ່ານມາວຽກງານການຂ້າທຳລາຍ ແລະ ຂ້າເຊື້ອພະຍາດໄດ້ສຳເລັດຢູ່ໃນແຂວງຫລຽວນິງ, ຈຽງຊູ, ເຈີ້ຈຽງ ແລະ ອານຮຸຍ ໄລ່ມາຮອດວັນທີ 1 ກັນຍາ ນີ້ ທົ່ວປະເທດຈີນໄດ້ຂ້າທຳລາຍຫມູໄປແລ້ວ 38.000 ກວ່າໂຕ ນັບແຕ່ຄົ້ນພົບລາຍທຳອິດທີ່ຕິດພະຍາດດັ່ງກ່າວຢູ່ໃນແຂວງຫລຽວນິງ.

ຢ່າງໃດກໍຕາມ ພະຍາດດັ່ງກ່າວແມ່ນສາມາດຄວບຄຸມໄດ້ເປັນທີ່ຮຽບຮ້ອຍແລ້ວ.

ແຫລ່ງຂ່າວ: ວຽງຈັນໃຫມ່

ອອກ​ຈາກ REPLY ເປັນ

Please enter your comment!
Please enter your name here