U-12 ລາວ ຖືກຕ້ອນຮັບຢ່າງອົບອຸ່ນ! ຫຼັງຄວ້າແຊັ້ມ ຊຸຊິງລິງ ຄັບ 2018 ມາຄອງ

0
146

ສະຫະພັນບານເຕະແຫ່ງຊາດລາວ ລາຍງານວ່າ ໃນຕອນຄໍ່າຂອງວັນທີ 18 ສິງຫາ​ 2018​ ຢູ່ທີ່ສະຫນາມບິນສາກົນວັດໄຕ ຄະນະນຳ,​ຄະນະຄູຝືກ, ທີມບານເຕະເຍົາວະຊົນລາວ ຮຸ່ນອາຍຸບໍ່ເກີນ 12 ປີ ຂອງໂຮງຮຽນກຽດຕິສັກນາໆຊາດ ແລະ ລັອບສະເຕດ້ຽມ ຕົວແທນຈາກປະເທດລາວ ເຂົ້າຮ່ວມການແຂ່ງຂັນບານເຕະເຍົາວະຊົນມິດຕະພາບ ຈີນ-ອາຊຽນ ລາຍການ Soong Ching Ling Cup ປະຈຳປີ 2018 ໃນລະຫວ່າງວັນທີ 11-16 ສິງຫາ 2018 ທີ່ນະຄອນຫລວງປັກກິ່ງ ສປ ຈີນ​.

ການແຂ່ງຂັນຄັ້ງນີ້ ມີ 8 ທີມເຂົ້າຮ່ວມຄື: ທີມບານເຕະເຍົາວະຊົນຈາກ ສປ ຈີນ (ປະເທດເຈົ້າພາບ), ໄທ, ກຳປູເຈຍ, ຟີລິບປິນ, ອິນໂດເນເຊຍ, ມຽນມາ, ຫວຽດນາມ ແລະ ສປປ ລາວ.

ຜົນການແຂ່ງຂັນຂອງນັກເຕະເຍົາວະຊົນລາວ ນັດທີ 1 ຊະນະ ໄທ 1-0, ນັດທີ 2 ຊະນະ ຫວຽດນາມ 20-0 ແລະ ນັດທີ 3 ສະເໝີ ມຽນມາ 1-1; ຈົບຮອບທີ 1 ລາວເຂົ້າຮອບເປັນທີ 1 ຂອງກຸ່ມ, ມີ 7 ຄະແນນ, ໄທ ເປັນທີ 2 ມີ 6 ຄະແນນ ທັງສອງທີມຜ່ານເຂົ້າຮອບທີ 2 ຫລື ຮອບຮອງຊະນະເລີດ ໂດຍລາວ ພົບກັບ ຈີນເຈົ້າພາບ ແລະ ໄທ ພົບກັບ ຟີລິບປິນ ແລະ ຜົນການແຂ່ງຂັນປະກົດວ່າ: ລາວ ຊະນະຈີນເຈົ້າພາບ 3-1 ໄປຊິງກັບໄທທີ່ຊະນະຟິລິບປິນ 2-1.

ແລະ ໃນຮອບຊິງຊະນະເລີດ ເປັນການພົບກັນລະຫວ່າງ ນັກເຕະເຍົາວະຊົນລາວ ພົບກັບ ນັກເຕະເຍົາວະຊົນໄທ ເຊິ່ງເກມການແຂ່ງຂັນ ທີມລາວຄອງເກມໄດ້ເໜືອກວ່າຈິ່ງເອົາຊະນະໄທໄປ 2-1 ປະຕູ ເຮັດໃຫ້ນັກເຕະເຍົາວະຊົນລາວຄວ້າແຊັ້ມລາຍການ Soong Ching Ling Cup 2018 ມາຄອງເປັນຄັ້ງທີ 2 ຕໍ່ຈາກປີ 2016 ແລະ ທີມເຍົາວະຊົນລາວຍັງໄດ້ຮັບອີກ 2 ລາງວັນຄື: ນັກເຕະດີເດັ່ນ ແລະ ຜູ້ຮັກສາປະຕູດີເດັ່ນ.

ອາຄາເດມີ ລ໋ອບ ສະເຕດ້ຽມ ຢູ12​ (KIETTISACK INTERNATIONAL BY LOB STADIUM​ U12)​ ຄວ້າແຊ້ມຢູ່ ສປ ຈີນ​ ເດີນທາງເຖິງສະຫນາມບິນສາກົນວັດໄຕ

Posted by ສະຫະພັນບານເຕະແຫ່ງຊາດລາວ Lao Football Federation on ວັນເສົາ ທີ 18 ສິງຫາ 2018

 

ແຫລ່ງຂ່າວ: ສະຫະພັນບານເຕະແຫ່ງຊາດລາວ Lao Football Federation

ອອກ​ຈາກ REPLY ເປັນ

Please enter your comment!
Please enter your name here