ເຈົ້າຂອງໂຄງການເຂື່ອນຢູ່ອັດຕະປື ເລັ່ງສ້າງເຮືອນພັກຊົ່ວຄາວໃຫ້ຜູ້ປະສົບໄພ ຄາດ 2 ເດືອນສ້າງສຳເລັດ

0
1310

ບໍລິສັດ ເອສເຄ ເອນຈິເນຍຣິງ ແອນ ຄອນສະຕຣັກຊັນ ຈຳກັດ ຈາກ ສ. ເກົາຫລີ ເຊິ່ງເປັນບໍລິສັດຖືຮຸ້ນ ເຈົ້າຂອງໂຄງການກໍ່ສ້າງເຂື່ອນ ໄຟຟ້າເຊປຽນ-​ເຊ​ນໍ້າ​ນ້ອຍ ກຳລັງເລັ່ງມືໃນການກໍ່ສ້າງເຮືອນພັກຊົ່ວຄາວ ໃຫ້ປະຊາຊົນທີ່ໄດ້ຮັບຜົນກະທົບ ຢູ່ເມືອງສະໜາມໄຊ ແຂວງອັດຕະປື ເນື່ອງຈາກສູນພັກຊົ່ວຄາວຫລາຍແຫ່ງ ໃນປັດຈຸບັນ​ເປັນ​ໂຮງຮຽນ ​ເຊິ່ງ​ໃນ​ຂະນະ​ນີ້ ​ແມ່ນຮອດ​ໄລຍະ​ກະກຽມ ​ແລະ ເປີດສົກຮຽນ​ໃໝ່ແລ້ວ. ສຳລັບການກໍ່ສ້າງ​ເຮືອນ​ພັກ​ຊົ່ວຄາວ ເປັນອາຄານຊັ້ນດຽວ ມີ 12 ຫລັງ, ມີ 10 ຫ້ອງ ຕໍ່ຫລັງ ຄາດວ່າ ຈະໃຊ້ເວລາ 2 ເດືອນ ​ເຊິ່ງຈະຍ້າຍປະຊາຊົນເຂົ້າໄປພັກຜ່ອນຊົ່ວຄາວໄດ້ຄົບຕາມຈຳນວນ ​ເຮືອນ​ພັກ​ຊົ່ວຄາວ​ດັ່ງກ່າວ​ຕັ້ງຢູ່ບ້ານຫາດຍາວ ແລະ ອີກແຫ່ງໜຶ່ງ ເເມ່ນຢູ່ບ້ານດອນບົກ. ນອກຈາກ​ນັ້ນ, ຍັງສືບຕໍ່ໃນຂັ້ນຕອນລົງສຳຫລວດພື້ນທີ່ການກໍ່ສ້າງ​ເຮືອນ​ພັກ​ຊົ່ວຄາວຕື່ມ​ອີກ ​ເຊິ່ງຈະໃຫ້ສຳເລັດພາຍໃນ 2 ເດືອນຂ້າງໜ້ານີ້.

​ໂອກາດ​ດັ່ງກ່າວ, ທ່ານ ບຸນໂຮມ ພົມມະສານ ເຈົ້າເມືອງສະໜາມໄຊ ກ່າວວ່າ: ນອກຈາກການລົງມືການກໍ່ສ້າງ ທີ່ຢູ່ອາໄສຊົ່ວຄາວ ໃຫ້ຊາຊົນຜູກຖືກຜົນກະທົບ ໄດ້ຢູ່ຊົ່ວຄາວໂດຍໄວແລ້ວ ຍັງມີການວາງແຜນການຈັດສັນ ທີ່ຢູ່ໄລຍະຍາວ. ສະເພາະໃນແຕ່ລະວັນຜ່ານມາ ແລະ ໃນຕໍ່ໜ້າ ໄດ້ຊຸກຍູ້ທຸກພາກສ່ວນໃຫ້ເອົາໃຈໃສ່ ເບິ່ງແຍງຮັກສາສຸຂະພາບ ແລະ ຫລັກການສຸຂະອະນາໄມ ດ້ວຍຄວາມຮັບຜິດຊອບ ເພື່ອຊ່ວຍ ເຫລືອເບິ່ງແຍງຊີວິດການເປັນຢູ່ຂອງປະຊາຊົໃຫ້ດີຂຶ້ນກວ່າ​ເກົ່າ.

ແຫລ່ງຂ່າວ : ຂ່າວສານປະເທດລາວ.

ອອກ​ຈາກ REPLY ເປັນ

Please enter your comment!
Please enter your name here