ໄພໃກ້ໂຕ ນໍ້າມັນໝູ ດີກວ່າ ນໍ້າມັນພືດ ແນວໃດມາເບີ່ງກັນເລີຍ

0
359

ຈາກຜົນການສຳຫລວດຂອງນັກວິໄຈຕ່າງປະເທດທີ່ອອກມາຢັ້ງຢືນ, ແຕ່ກໍຍັງຄົງມີບາງສ່ວນທີ່ຍັງຄົງເຊື່ອວ່າ ນໍ້າມັນພືດ ກໍຕ້ອງດີກວ່າ ນໍ້າມັນໝູ ຢູ່ແລ້ວ ເພາະຕາມທີ່ເຮົາໄດ້ຮູ້. ຈຶ່ງເຮັດໃຫ້ມີຄໍາຖາມວ່າ ຕົກລົງແລ້ວຄວາມຈິງແມ່ນແນວໃດກັນແທ້? ພວກເຮົາເລີຍຫາຄໍາຕອບມາໃຫ້ອ່ານເພື່ອທໍາຄວາມເຂົ້າໃຈກັນອີກຄັ້ງ

ກ່ອນອື່ນໝົດ ເຮົາມາທໍາຄວາມຮູ້ຈັກກັບຊະນິດຂອງໄຂມັນກັນກ່ອນ ວ່າມີຫຍັງແດ່ ແລະ ແຕ່ລະຊະນິດຈັດຢູ່ໃນປະເພດໃດ

  1. Transfat ຫຼື ໄຂມັນຊະນິດທຣານ ແມ່ນໄຂມັນແປຮູບຊະນິດໜຶ່ງ ເກີດຈາກການນໍາເອົານໍ້າມັນພືດທີ່ເປັນໄຂມັນບໍ່ອີ່ມຕົວມາອັດໄຮໂດຣເຈັນເຂົ້າໄປ ເພື່ອເຮັດໃຫ້ນໍ້າມັນພືດເກັບໄດ້ດົນຂຶ້ນ, ຄົງຕົວໄດ້ດີ, ບໍ່ມີກິ່ນເໝັນ ແລະ ເຮັດໃຫ້ອາຫານແຊບຂຶ້ນ. ຖືເປັນໄຂມັນທີ່ “ ອັນຕະລາຍທີ່ສຸດ ” ເພາະໄຂມັນທຣານເປັນສາເຫດຂອງໂຣກໄພຕ່າງໆເຊັ່ນ: ໂຣກຫຼອດເລືອດຫົວໃຈຕີບ, ໄຂມັນອຸດຕັນເສັ້ນເລືອດ, ມະເຮັງ ແລະ ເບົາຫວານ.
  2. ໄຂມັນອີ່ມຕົວໄດ້ແກ່ ນໍ້າມັນຈາກສັດເຊັ່ນ: ນໍ້າມັນໝູ ແລະ ນໍ້າມັນຈາກພືດບາງຊະນິດເຊັ່ນ: ນໍ້າມັນປາມ, ນໍ້າມັນໝາກພ້າວ ເຊິ່ງເໝາະແກ່ການນໍາໄປທອດ ເພາະທົນຕໍ່ຄວາມຮ້ອນໄດ້ດີກວ່າ ແລະ ແຊບກວ່າ, ໄຂມັນອີ່ມຕົວມີທັງປະໂຫຍດ ແລະ ໃຫ້ໂທດຕໍ່ກັບຮ່າງກາຍ ຫາກບໍລິໂພກຫຼາຍຈົນເກີນໄປ. ແຕ່ຖ້າໃຊ້ຊໍ້າໆກັນ ດົນໆໄຂມັນອີ່ມຕົວກໍຈະປ່ຽນກາຍເປັນໄຂມັນທຣານ ໄດ້ເຊັ່ນດຽວກັນ.
  3. ໄຂມັນອີ່ມຕົວເຊີງຊ້ອນ ໄດ້ແກ່: ນໍ້າມັນດອກຕາເວັນ, ນໍ້າມັນຖົ່ວເຫຼືອງ ເຊິ່ງກໍແມ່ນນໍ້າມັນພືດທົ່ວໆໄປ ເໝາະສໍາລັບຂົ້ວ ຫຼື ເຮັດອາຫານທີ່ໃຊ້ຄວາມຮ້ອນບໍ່ດົນ ຖ້າດົນຈະເຮັດໃຫ້ກາຍເປັນໄຂມັນທຣານໄດ້ເຊັ່ນກັນ, ແຕ່ໄຂມັນອີ່ມຕົວມີປະໂຫຍດຕໍ່ຮ່າງກາຍຫຼາຍກວ່າ ແລະ ຈັດເປັນໄຂມັນທີ່ດີກວ່າ.
  4. ໄຂມັນທີ່ບໍ່ອິ່ມຕົວເຊີງດ່ຽວ ໄດ້ແກ່ ນໍ້າມັນໝາກກອກ ເຊິ່ງທົນຄວາມຮ້ອນໄດ້ບໍ່ດົນປານໃດ ເໝາະສໍາລັບກິນສົດ, ປະສົມນໍ້າສະຫຼັດ ຫຼື ປະກອບອາຫານພຽງເລັກໜ້ອຍ ແລະ ຈັດເປັນປະເພດໄຂມັນທີ່ດີ ແລະ ມີປະໂຫຍດຕໍ່ຮ່າງກາຍຫຼາຍທີ່ສຸດ.

ນໍ້າມັນພືດທີ່ພວກເຮົາໃຊ້ໃນປະຈຸບັນນີ້ແມ່ນໄດ້ຮັບການຜະລິດໃນຮູບແບບທີ່ບໍ່ມີໄຮໂດຣເຈັນມາຜະສົມແລ້ວ ຫຼັງຈາກ ທີ່ມີການອອກມາເຜີຍແຜ່ ໃຫ້ເຊົາໃຊ້ວິທີນີ້ໃນການຜະລິດນໍ້າມັນພືດ ເນື່ອງຈາກເປັນນໍ້າມັນທີ່ອັນຕະລາຍແກ່ຮ່າງກາຍມະນຸດ ແຕ່ກໍຍັງພົບເຫັນຢູ່ຕາມທ້ອງຕະຫລາດທົ່ວໄປ ສະນັ້ນ ຄວນເລືອກເຟັ້ນໃຫ້ດີ.

ນອກຈາກນໍ້າມັນພືດອັດໄຮໂດຣເຈັນ ອາຫານປະເພດໃດທີ່ມີໄຂມັນທຣານອີກ?

ເຮົາຈະພົບໄຂມັນທຣານໄດ້ຈາກອາຫານ ຫຼື ຂະໜົມທີ່ໃຊ້ເນຍຂາວ ຫຼື ເນີຍທຽມ (ມາກາຣີນ) ເຊັ່ນ: ເຂົ້າໜົມອົບທັງຫຼາຍ, ຄຸກກີ້, ຄຣີມທຽມ, ແປ້ງພິດຊ່າ, ເຟຣນຟຣາຍ, ໄກ່ນັກເກັດ, ປອບຄອນ, ເຂົ້າໜົ້ມປັງ ແລະ ອາຫານ ຫຼື ຂະໜົມຈາກໂຮງງານອຸດສາຫະກໍາຫຼາຍແຫ່ງ ເພາະໄຂມັນທຣານມີລາຄາຖືກ.

 

 

 

 

 

ວິທີກວດຫາໄຂມັນທຣານຈາກອາຫານທີ່ບໍລີໂພກ

ສາມາດກວດເບິ່ງຕາມສ່ວນປະກອບຂອງອາຫານນັ້ນໆໃນຊອງບັນຈຸໂດຍການຊອກຫາຄໍາວ່າ: transfat ຫຼື ຄໍາອື່ນໆທີ່ໃຊ້ແທນເຊັ່ນ: Hydrogenated vegetable oil, partially hydrogenated vegetable oil, vegetable oil shortening, Shortening, Hydrogenated margarine ຖ້າມີປະລິມານຫຼາຍຄວນຫຼີກຫຼ່ຽງ.

ສະຫຼຸບໂດຍລວມແລ້ວ ນໍ້າມັນພືດກໍຍັງຄົງປອດໄພ ແລະ ມີປະໂຫຍດຢູ່, ແຕ່ບໍ່ວ່າຈະເປັນນໍ້າມັນຊະນິດໃດກໍຕາມ ການຫລີກຫຼ່ຽງການໃຊ້ນໍ້າມັນເກົ່າ ແລະ ໝັ່ນອອກກໍາລັງກາຍເພື່ອສຸຂະພາບແມ່ນເປັນສີ່ງທີ່ດີທີ່ສຸດ.

 

 

ແຫລ່ງຂ່າວຕ່າງປະເທດ: Sanook

ອອກ​ຈາກ REPLY ເປັນ

Please enter your comment!
Please enter your name here