ມື້ສຸດທ້າຍແລ້ວ! ໃນການເສຍຄ່າທຳນຽມທາງ ຖ້າເກີນກຳນົດແມ່ນຖືກໃໝມື້ລະ 0.1% ຂອງມູນຄ່າ

0
513

ການຈ່າຍຄ່າທຳນຽມທາງປະຈຳປີ 2018 ແມ່ນເປີດໃຫ້ຈ່າຍມາຕັ້ງແຕ່ຕົ້ນປີແລ້ວ ຖ້າຈ່າຍບໍ່ທັນຕາມກຳນົດເວລາກໍຈະຖືກປັບໃໝຕາມທີ່ກະຊວງການເງິນວາງອອກ. ກຳນົດເວລາທີ່ສາມາດຈ່າຍຊ້າສຸດແມ່ນກ່ອນວັນທີ 1 ກໍລະກົດ 2018 ນີ້ ເຊີ່ງນັບຕັ້ງແຕ່ມື້ນີ້ໄປຈົນຮອດຕົ້ນເດືອນ ກໍລະກົດ ທ່ານຍັງເຫລືອເວລາໃນການຈ່າຍພຽງແຕ່ 1 ມື້ເທົ່ານັ້ນ.

ອີງຕາມລັດຖະບັນຍັດເລກທີ 001/ປປທ ວ່າດ້ວຍຄ່າທຳນຽມທາງ, ລົງວັນທີ 20 ກັນຍາ 2017 ລະບຸກ່ຽວກັບປະເພດລົດທີ່ຕ້ອງເສຍຄ່າທຳນຽມທາງດັ່ງນີ້:

+ ສຳລັບປະເພດລົດທີ່ໄດ້ຮັບການຍົກເວັ້ນໂດຍການບໍ່ໄດ້ເສຍຄ່າທຳນຽມທາງແມ່ນປະເພດ:
• ລົດທີ່ຮັບໃຊ້ວຽກງານວິຊາສະເພາະຂອງອົງການຈັດຕັ້ງບໍລິຫານລັດ-ວິຊາການ (ປ້າຍຟ້າ).
• ລົດຮັບໃຊ້ສະມາຄົມ, ມູນນິທິ ທີ່ເຄື່ອນໄຫວຮັບໃຊ້ວຽກງານຊ່ວຍເຫຼືອສັງຄົມ ເຊິ່ງໄດ້ຮັບອະນຸຍາດຈາກຂະແໜງການທີ່ກ່ຽວຂ້ອງ
ເຊັ່ນ: ລົດກູ້ໄພ.
• ລົດຮັບ-ສົ່ງຄົນເຈັບຂອງໂຮງໝໍ, ລົດດັບເພີງ, ລົດຖ່າຍທອດວິທະຍຸ, ໂທລະພາບ ແລະ ລົດຮັບໃຊ້ລວມຂອງສູນເສຍອົງຄະ.
• ລົດຮັບໃຊ້ວຽກງານປ້ອງກັນຊາດ-ປ້ອງກັນຄວາມສະຫງົບ (ປ້າຍແດງ).
• ລົດກົນຈັກໜັກເຊັ່ນ: ລົດຕັກ, ລົດດຸດ, ລົດກວາດ, ລົດຍົກ, ລົດໂລ ແລະ ລົດຂົນສົ່ງພາກສະະໜາມໃນໂຄງການກໍ່ສ້າງ.
• ລົດຂອງສະຖານທູດ, ສະຖານກົງສຸນ, ອົງການຈັດຕັ້ງຕ່າງປະເທດ ທີ່ປະຈຳຢູ່ ສປປ ລາວ.
• ຍານພາຫະນະຮັບໃຊ້ຜູ້ເສຍອົງຄະ ແລະ ຄົນພິການໂດຍສະເພາະ.

ຖ້າຫາກທ່ານແມ່ນຫນື່ງໃນຜູ້ທີ່ຍັງບໍ່ທັນໄປຊໍາລະພັນທະ ທາງເຮົາຂໍແນະນຳໃຫ້ຮີບຮ້ອນໄປຈ່າຍໃຫ້ທັນຕາມເວລາ ເພາະທ່ານຈະຖືກປັບໃໝຕາມມາຕະການ 0.1% ຂອງມູນຄ່າຕໍ່ມື້.

ຕົວຢ່າງ: ຖ້າທ່ານເປັນເຈົ້າຂອງລົດກະບະທີ່ມີຄວາມແຮງ 5,001 cc ຂຶ້ນໄປ ຕ້ອງໄດ້ຊໍາລະຄ່າທຳນຽມທາງ 500.000 ກີບ/ປີ ຕາມມູນຄ່າທ່ານຈະຖືກປັບໃໝ ມື້ລະ 500 ກີບ, ຖ້າເກີນກຳນົດ 30 ວັນ ຫລື 1 ເດືອ ແມ່ນຈະຖືກປັບໃໝ 15.000 ກີບ/ເດືອນ ແລະ ປີໜຶ່ງ ຫລື 365 ວັນ ກໍຈະຕົກເປັນມູນຄ່າ 182.500 ກີບ/ປີ ຖືວ່າເປັນຈຳນວນທີ່ຫຼາຍພໍສົມຄວນ. ສະນັ້ນ, ຈຶ່ງຮຽກຮ້ອງມາຍັງທຸກທ່ານໃຫ້ຮີບຮ້ອນຊໍາລະໃຫ້ແລ້ວກ່ອນຈະຖຶກທາງເຈົ້າຫນ້າທີ່ປັບໃໝ.

 

 

 

 

 

ແຫລ່ງຂ່າວ: Lao Youth Radio FM 90.0 Mhz

ອອກ​ຈາກ REPLY ເປັນ

Please enter your comment!
Please enter your name here