ຝົນຕົກໜັກຕິດຕໍ່ກັນ! ນ້ຳອູຜົ້ງສາລີໄຫລຖ້ວມເຮືອນປະຊາຊົນ

0
875

ເວັບໄຊຂ່າວ ເສດຖະກິດ-ການຄ້າ ລາຍງານເມື່ອວັນທີ 26 ມິຖຸນາ 2018ວ່າ ປະລິມານນ້ຳອູທີ່ແຂວງ ຜົ້ງສາລີ ເພີ່ມຂຶ້ນສູງຖ້ວມເຮືອນປະຊາຊົນທີ່ອາໃສຢູ່ຕາມແຄມຝັ່ງ ເນື່ອງຈາກເກີດມີຝົນຕົກໜັກນັບແຕ່ວັນທີ 24-26 ມິຖຸນາ 2018. ຕາມການສຳພາດປະຊາຊົນ ບ້ານ ເມືອງຂວາ ທ່ານໜຶ່ງໃຫ້ຮູ້ວ່າ ປັດຈຸບັນນ້ຳໄດ້ຖ້ວມເຮືອນປະຊາຊົນຈຳນວນໜຶ່ງແລ້ວ ແລະ ມື້ນີ້ (26 ມິຖຸນາ) ເວລາປະມານ 14:00 ໂມງ ປະລິມານນ້ຳຍັງເພີ່ມຂຶ້ນ ແລະ ຝົນກໍ່ຍັງຕົກຕໍ່ເນື່ອງ ເຊີ່ງມີປະຊາຊົນຈຳນວນໜຶ່ງໄດ້ຂົນເຄື່ອງໜີນ້ຳໄປໄວ້ໃນທີ່ສູງແລ້ວ

ທ່ານ ພອນພະຈັນ ໂຄດສີດາ ວິຊາການຂອງຂະແໜງອຸຕຸນິຍົມ ແລະ ອຸທົກກະສາດ ແຂວງ ຜົ້ງສາລີ ກ່າວວ່າ “ທີ່ແຂວງຜົ້ງສາລີ ຝົນໄດ້ເລີ່ມຕົກແຕ່ວັນທີ 24 ຈົນຮອດ ວັນທີ 26 ມິຖຸນາ 2018(ມື້ນີ້) ເຊິ່ງຝົນໄດ້ຕົກຕະຫຼອດມື້ ແລະ ຕົກໜັກໃນວັນທີ 25-26 ມິຖຸນາ ຈົນເຮັດໃຫ້ເກີດມີນ້ຳຖ້ວມເທດສະບານເມືອງໃນປະລິມານສູງພໍສົມຄວນ ແລະ ສາມາດວັດປະລິມານນ້ຳຝົນໃນວັນທີ 25 ມິຖຸນາ 2018 ໄດ້ທີ່ 73,4 ມິນລິແມັດ ຕໍ່ 24 ຊົ່ວໂມງ ແລະ ວັນທີ 26 ມິຖຸນາ 2018 ໄດ້ທີ່ 30,0 ມິນລິແມັດ ຕໍ່ 24 ຊົ່ວໂມງ. ສ່ວນດ້ານປະລິມານນ້ຳອູທີ່ເພີ່ມສູງຂຶ້ນນັ້ນ ພວກເຮົາກໍ່ຍັງໄດ້ລົງໄປເບິ່ງ ແລະ ເກັບກຳຕົວຈິງ ເຊິ່ງສາຍນ້ຳອູໄດ້ໄຫລຜ່ານ 5 ເມືອງໃນແຂວງຜົ້ງສາລີ ແລະ ຜ່ານຫຼາຍໝູ່ບ້ານ” .

ใผที่อยุ่ทางสายน้ำอู ละมัดละหวังกันแด่เดี

ເປັນຕາຢ້ານຫຼາຍ!ສະພາບການຫຼັງເຂື່ອນນ້ຳອູ 7 ລະວັງຕິດຕາມກັນຕໍ່ໄປ!!cr.Txijnkawm Kevlwjsiab

Posted by ລາວ 360 ອົງສາ' on ວັນອັງຄານ ທີ 26 ມິຖຸນາ 2018

 

ຂ່າວຈາກ: ເສດຖະກິດ-ການຄ້າ
ຮູບພາບຈາກ: ລາວ 360 ອົງສາ’
ວິດີໂອຈາກ: Txijnkawm Kevlwjsiab

 

ອອກ​ຈາກ REPLY ເປັນ

Please enter your comment!
Please enter your name here