ລາຍງານຜູ້ເສຍຊີວິດເພີ່ມຈາກແຜ່ນດິນໄຫວໂອຊາກ້າ

0
111
A station employee (L) announces an entry restriction into a railway Station in Osaka on June 18, 2018. A strong quake hit western Japan early June 18, but there were no immediate reports of major damage or risk of tsunami waves, officials said. / AFP PHOTO / JIJI PRESS / STR / Japan OUT

ຈໍານວນຜູ້ເສຍຊີວິດຈາກເຫດການແຜ່ນດິນໄຫວລະດັບ 6.1 ແມັກນິຈູດທີ່ພູມິພາກຄັນໄຊ ເຊິ່ງມີສູນກາງໃກ້ກັບແຂວງໂອຊາກາເພີ່ມຈາກ 3 ຄົນ ເປັນ 4 ຄົນ ແລະ ມີຜູ້ໄດ້ຮັບບາດເຈັບຫຼາຍກວ່າ 300 ຄົນ. ທາງດ້ານລັດຖະບານເຕືອນປະຊາຊົນໃນພື້ນທີ່ພ້ອມຮັບມືກັບປະກົດການດິນຖະລົ່ມ.

ໃນວັນທີ 19 ມິຖຸນາ, ສຳນັກຂ່າວຕ່າງປະເທດຈາກນະຄອນໂຕກຽວ, ປະເທດຍີ່ປຸ່ນ, ລາຍງານວ່າ ທ່ານ ໂຍຊິຮິເດະ ຊຶກະ, ເລຂາທິການຄະນະລັດຖະມົນຕີຍີ່ປຸ່ນກ່າວວ່າ ຈໍານວນຜູ້ເສຍຊີວິດຈາກເຫດການແຜ່ນດິນໄຫວທີ່ພູມິພາກຄັນໄຊເພິ່ມເປັນຢ່າງໜ້ອຍ 4 ຄົນ ເປັນຊາຍອາຍຸ 80 ປີ ປະມານ 2 ຄົນ ແລະ ຍິງ 2 ຄົນ ໜຶ່ງໃນນັ້ນແມ່ນເດັກນ້ອຍຍິງອາຍຸ 9 ປີ, ສ່ວນສະຖິຕິຜູ້ບາດເຈັບຕອນນີ້ຢູ່ທີ່ປະມານ 380 ຄົນ.

ທ່ານ ຊຶກະ ຍັງໄດ້ເຜີຍວ່າ ຍັງບໍ່ໄດ້ຮັບແຈ້ງຜູ້ເສຍຫາຍ ແຕ່ເຈົ້າໜ້າທີ່ກໍຍັງມີການເຂົ້າກວດສອບພື້ນທີ່ຢ່າງລະອຽດ. ທັງນີ້ ພະນັກງານຂອງການໄຟຟ້າ ແລະ ປະປາ ກໍາລັງເລັ່ງມືສ້ອມແປງລະບົບສາທາລານຸປະໂພກທີ່ໄດ້ຮັບຄວາມເສຍຫາຍຈາກໄພພິບັດຄັ້ງນີ້. ຢ່າງໃດກໍດີ ສຳນັກງານອຸຕຸນິຍົມວິທະຍາຍີ່ປຸ່ນ (ເຈເອັມເອ) ກໍໄດ້ອອກປະກາດເຕືອນໃຫ້ປະຊາຊົນເຊິ່ງອາໄສຢູ່ໃນພື້ນທີ່ປະສົບໄພເພີ່ມຄວາມລະມັດລະວັງການເກີດດິນຖະລົ່ມ ຫຼັງພະຍາກອນການເກີດພາຍຸຝົນໃນແຂວງໂອຊາກ້າ ແລພ ພື້ນທີ່ໃກ້ຄຽງໃນລະຫວ່າງວັນອັງຄານ ແລະ ວັນພຸດນີ້.

ອອກ​ຈາກ REPLY ເປັນ

Please enter your comment!
Please enter your name here