ເວົ້າແບບນີ້ຜິດບໍ?

1
2660

ຜູ້ອ່ານຫຼາຍທ່ານຄົງຈະໄດ້ເຫັນກັນທົ່ວໜ້າແລ້ວ ກ່ຽວກັບກໍລະນີທີ່ມີຜູ້ໃຊ້ເຟສບຸກຜູ້ໜຶ່ງ ໄດ້ເຜີຍແພ່ຄລິບວິດີໂອ ທີ່ເລົ່າເຖິງເຫດການທີ່ໂຕເອງຖືກຕົວະຕົ້ມໃຫ້ເສຍເງິນ ໃນການຈ້າງໃຫ້ນ້ອງຊາຍເຂົ້າເຮັດວຽກນຳອົງການຈັດຕັ້ງລັດ ພ້ອມກັນນັ້ນກໍຍັງກ່າວວ່າ ເຫດການແບບນີ້ມີຢູ່ທົ່ວໄປໃນປະເທດລາວ ຄືຜູ້ທີ່ຈະໄດ້ເຂົ້າເຮັດວຽກສ່ວນຫຼາຍຕ້ອງມີເສັ້ນມີສາຍ ຫຼືບໍ່ກໍຕ້ອງໃຊ້ເງິນຈຳນວນຫຼາຍຊື້ຈ້າງເຂົ້າເຮັດວຽກ ເຊິ່ງເປັນຊ່ອງວ່າງໃຫ້ຜູ້ມີອຳນາດສວຍໂອກາດຫາກິນໃນລັກສະນະນີ້.

ໂດຍປົກກະຕິແລ້ວເຫດການຄ້າຍຄືທີ່ຖືກເຜີຍແພ່ແລະເປັນຂ່າວດັງໃນປັດຈຸບັນນີ້ແມ່ນມີຫາງສຽງທົ່ວໄປໃນສັງຄົມແທ້ ເຊິ່ງຜູ້ອ່ານເອງກໍເຄີຍໄດ້ຍິນ ຫຼືໄດ້ພົບພໍ້ເຫດການຊື້ຈ້າງເຂົ້າຮຽນ-ເຂົ້າເຮັດວຽກດ້ວຍໂຕເອງມາແລ້ວ.

ຖາມວ່າ ຖ້າມີຜູ້ໃດຜູ້ໜຶ່ງກ້າເອົາເລື່ອງຈິງທີ່ຕົນເອງບໍ່ໄດ້ຮັບຄວາມເປັນທຳນັ້ນມາເປີດເຜີຍຕໍ່ສາທາລະນະ ຈະຖືວ່່າເປັນການກະທຳທີ່ຜິດບໍ? ຄຳຕອບກໍຄືວ່າ ທຸກເລື່ອງລາວຖ້າຫາກເປັນຄວາມຈິງແລະກະທຳເພື່ອຮຽກຮ້ອງຄວາມເປັັນທຳແກ່ຕົນເອງແລ້ວ ກໍຖືວ່າຜູ້ກ່ຽວໄດ້ນຳໃຊ້ສິດຂັ້ນພື້ນຖານຂອງຕົນໃນການທວງຄວາມເປັນທຳໃຫ້ກັບຕົນເອງ ແລະຖືວ່າບໍ່ແມ່ນເລື່ອງທີ່ຜິດ. ແຕ່ຖ້າຫາກວ່າການກະທຳດັ່ງກ່າວນັ້ນ ເປັນເລື່ອງທີ່ເສກສັນປັ້ນແຕ່ງຂຶ້ນມາ ເພື່ອໃສ່ຮ້າຍປ້າຍສີໃຫ້ເກີດຄວາມເສຍຫາຍແກ່ຜູ້ອື່ນຫຼືອົງການຈັດຕັ້ງໃດໜຶ່ງ ກໍຖືວ່າຜູ້ກ່ຽວໄດ້ກະທຳຜິດ.

ແລ້ວຖາມຕໍ່ວ່າ ຖ້າຫາກການເປີດເຜີຍຄວາມຈິງແບບນັ້ນເປັນເລື່ອງທີ່ຖືກຕ້ອງ ຄືບໍ່ເຄີຍມີໃຜອອກມາເວົ້າຫຼືເຮັດແບບນັ້ນ?. ການທີ່ບໍ່ເຄີຍມີໃຜອອກມາເປີດເຜີຍ ກໍຍ້ອນວ່າສ່ວນຫຼາຍແມ່ນມີຄວາມຢ້ານກົວ ຍ້ອນບໍ່ຮູ້ກົດໝາຍ ຫຼື ຢ້ານບໍ່ມີໃຜດຳເນີນການຕໍ່ສູ້ຊ່ອຍ ໃນກໍລະນີຫາກຕ້ອງຕໍ່ສູ້ຕາມຂັ້ນຕອນຂອງກົດໝາຍ.

ເພື່ອຜູ້ທີ່ຍັງບໍ່ທັນໄດ້ເບິ່ງຄລິບທີ່ເປັນຂ່າວ ເຮົາໄດ້ເອົາລີ້ງວິດີໂອມາໃຫ້ເບິ່ງ ຄລິກລີ້ງຕໍ່ໄປນີ້: https://www.facebook.com/muay.littlepig.3/videos/171422340369287/?t=2

1 ຄວາມ​ຄິດ​ເຫັນ

  1. ມັນແມ່ນຄວາມຈິງທັງໝົດແລ້ວ ທ່ານເອີຍ. ເຂົາເວົ້າມາແໃ່ນຖືກຕ້ອງກັບສະພາບການປະຈຸບັນໃນ ສປປລາວ. ການສອບເສັງເຂົ້າເຮັດການນຳລັດ ແມ່ນ ເຮັດເປັນຮູບການ ແຕ່ ເຂົາມີລູກມີຫລານເຂົາ ມານັ່ງ/ໍຖ້າແລ້ວ. ຈະຖືກວິຊາສະເພາະ ຫລື ບໍ່ນັ້ນ, ມັນບໍໄດ້ ມີບັນຫາ ເພາະ ເຂົາ ເອົາກັນໄວ້ໝົດທຸກຢ່າງ
    ຂ້າພະເຈົ້າເຫັນຕົວຈິງ ແລ້ວ. ທຸກສິ່ງຢ່າງ ແມ່ນມີລະບຽບແບແຜນໝົດ ໃນຫລັການ ຫລື ກົດໝາຍ. ແຕ່ ພາກປະິບັດຕົວຈີງ ແມ່ນ ກໍຍັງຄືເກົ່າ ແບບເກົ່າ ເຊື້ອສາຍຊິງຊາວຄືເກົ່າ. ປະຈຸບັນນີ້ ຈະ ຖືຄວາຍ ເປັນພະເຈົ້າກໍບໍ່ໄດ້ ຜິດຫຍັງດອກ ຈະພາກັນນົບກັນໄຫວ້ ກໍບໍ່ມີໃຜວ່າກັນ ເພາະ ມັນແມ່ນ ລະບົບ ນາຍເວົ້າຄົນດຽວແລ້ວ ກໍຖືວ່າ ຖືກໝົດ

ອອກ​ຈາກ REPLY ເປັນ

Please enter your comment!
Please enter your name here