ນັກທ່ອງທ່ຽວແຫ່ຊົມຜາກະຕ່າຍ ເທິງຜາສູງທີ່ແຂວງຄຳມ່ວນ

0
1201
ຈຸດຊົມວິວຜາກະຕ່າຍ ແຂວງຄຳມ່ວນ ຮູບ: ຄຳມ່ວນຊວນຊົມ

ນັກທ່ອງທ່ຽວທ່ານໜຶ່ງທີ່ເຄີຍໄປທ່ຽວ ຜາກະຕ່າຍ ໄດ້ເລົ່າຄວາມປະທັບໃຈຂອງຕົນ ຕໍ່ການໄປທ່ຽວຊົມຜາກະຕ່າຍວ່າ: ຖ້າຈະໄປທ່ຽວທຳມະຊາດ ຂ້ອຍຂໍແນະນຳໃຫ້ເຈົ້າໄດ້ໄປທ່ຽວຊົມຜາກະຕ່າຍຈັກເທື່ອໜຶ່ງ ຮັບຮອງວ່າເຈົ້າຈະຈົດຈຳໄປຈົນຕາຍ.

ຜາກະຕ່າຍຈຸດຊົມວິວ 360 ອົງສາ ຕັ້ງຢູ່ເມືອງຍົມມະລາດ ແຂວງຄຳມ່ວນ(ເສັ້ນທາງໄປເຂື່ນນ້ຳເທີນ2) ເຊີ່ງຕິດກັບທາງເລກທີ 12 ມີຄວາມສູງຈາກລະດັບນ້ຳທະເລ 260m ແລະເສັ້ນທາງຢ່າງຂຶ້ນໄປຮອດຈຸດຊົມວິວຍາວ 750m ເປັນຈຸດຊົມວິວທິວທັດເທິງຈອມຜາທີ່ສູງທີ່ສຸດ ແລະສວຍງາມທີ່ສຸດແຫ່ງໜຶ່ງຂອງປະເທດລາວ.

ການໄຕ່ຂັ້ນໄດເທິງຈອມຜາ ນັກທ່ອງທ່ຽວຈະຮູ້ສຶກວ່າຕົນເອງກຳລັງບິນເຫາະເຫີນຢູ່ເທິງຈອມຜາ ເຊິ່ງສາມາດເບິ່ງເຫັນທັງວິວຫາງເຂື່ອນໄຟຟ້ານໍ້າເທີນສອງທີ່ສວຍງາມ, ທຳມະຊາດ, ຈອມຜາທີ່ເປັນຊໍ່ແຊງສະຫຼັບຊັບຊ້ອນ, ຕົ້ນໄມ້ທີ່ຂຽວງາມ ແລະທົ່ງກວ້າງ ທີ່ຈະເຮັດໃຫ້ນັກທ່ອງທ່ຽວໄດ້ປ່ອຍສາຍຕາໄປໄກ ເພີດເພີນກັບຈິນຕະນາການອັນຫາທີ່ປຽບໄດ້ຍາກ.

ໃນຂະນະດຽວກັນ, ນັກທ່ອງທ່ຽວຫຼາຍທ່ານໄດ້ໃຫ້ທັດສະນະວ່າ ນອກຈາກຄວາມສວຍສົດງົດງາມແລະສຽວສະບັ້ນຈົນຢາກເຕືອນຜູ້ເປັນໂລກຫົວໃຈບໍ່ຄວນຂຶ້ນໄປຊົມ ກໍຢາກໃຫ້ພາກສ່ວນສຳປະທານຫຼືພາກລັດທີ່ກ່ຽວຂ້ອງ ເບິ່ງຄືນເລື່ອງຄວາມປອດໄພ ທັງຄວາມແຂງແຮງຂອງເສັ້ນທາງໄຕ່ເທິງຈອມຜາ ແລະຢາກໃຫ້ມີຕານ່າງກັນຕົກໄວ້ນໍຳ ເພື່ອວ່າຖ້ານັກທ່ອງທ່ຽວຫາກເຕະສະດຸດລົ້ມ ຫຼືເປັນລົມຍ້ອນຄວາມສູງແລ້ວ ກໍຂໍໃຫ້ມີບ່ອນຄ້າງ.

ຈຸດຊົມວິວຜາກະຕ່າຍ ແຂວງຄຳມ່ວນ ຮູບ: ຄຳມ່ວນຊວນຊົມ
ຈຸດຊົມວິວຜາກະຕ່າຍ ແຂວງຄຳມ່ວນ ຮູບ: ຄຳມ່ວນຊວນຊົມ
ຈຸດຊົມວິວຜາກະຕ່າຍ ແຂວງຄຳມ່ວນ ຮູບ: ຄຳມ່ວນຊວນຊົມ
ຈຸດຊົມວິວຜາກະຕ່າຍ ແຂວງຄຳມ່ວນ ຮູບ: ຄຳມ່ວນຊວນຊົມ
ຈຸດຊົມວິວຜາກະຕ່າຍ ແຂວງຄຳມ່ວນ ຮູບ: ຄຳມ່ວນຊວນຊົມ
ຈຸດຊົມວິວຜາກະຕ່າຍ ແຂວງຄຳມ່ວນ ຮູບ: ຄຳມ່ວນຊວນຊົມ
ຈຸດຊົມວິວຜາກະຕ່າຍ ແຂວງຄຳມ່ວນ ຮູບ: ຄຳມ່ວນຊວນຊົມ
ຈຸດຊົມວິວຜາກະຕ່າຍ ແຂວງຄຳມ່ວນ ຮູບ: ຄຳມ່ວນຊວນຊົມ
ຈຸດຊົມວິວຜາກະຕ່າຍ ແຂວງຄຳມ່ວນ ຮູບ: ຄຳມ່ວນຊວນຊົມ

ອອກ​ຈາກ REPLY ເປັນ

Please enter your comment!
Please enter your name here