ນຸຖາບອກ ຮູບພາບທີ່ເຫັນ ເປັນເລື່ອງປົກກະຕິຂອງຄົນເຮັດວຽກ ໃນວົງການບັນເທິງ

0
5002

ພາຍຫຼັງທີ່ໂລກໂຊຊ່ຽວອອນລາຍ ຫຼາຍແຫ່ງໄດ້ກະໜໍ່ານຳສະເໜີຂ່າວເລື່ອງ ໂຄສົກ ນຸຖາ ຄົບຫາສະມາຄົມຖານຊູ້ສາວ ກັບຊາຍອື່ນທີ່ມີພັນລະຍາຢູ່ແລ້ວ ອອກສູ່ສັງຄົມ ກາຍເປັນຂ່າວດັງຂອງວົງການບັນເທິງລາວໄປພາຍໃນບໍ່ທໍ່ໃດຊົ່ວໂມງ.

ຫຼ້າສຸດມື້ນີ້, ກົມໃຫຍ່ສັນຕິບານ ກະຊວງປ້ອງກັນຄວາມສະຫງົບໄດ້ອອກແຈ້ງການ ໃຫ້ບັນດາສື່ສັງຄົມອອນລາຍ ໃຫ້ລຶບຮູບພາບແລະຂໍ້ຄວາມທີ່ລະບຸວ່າ ນຸຖາ ໄດ້ຄົບຫາຊາຍອື່ນທີ່ມີຄູ່ສົມລົດຢູ່ແລ້ວ ນັ້ນອອກພາຍໃນ 24 ຊົ່ວໂມງ.

ໃນແຈ້ງການບາງຕອນລະບຸວ່າ ໂຄສົກ ນຸຖາ ໄດ້ໃຫ້ຄວາມກະຈ່າງແຈ້ງວ່າ: ໃນນາມທີ່ເປັນບຸກຄົນໜຶ່ງທີ່ເຮັດວຽກຢູ່ໃນວົງການບັນເທິງຂອງລາວ ແລະໄດ້ຮັບໃຊ້ສັງຄົມ ແມ່ນເປັນເລື່ອງທຳມະດາທີ່ຈະໄດ້ມີການພົບປະກັບຫຼາຍຄົນໃນການສ້າງກິດຈະກຳ, ງານລ້ຽງຕ່າງໆ ເພາະສ່ວນຕົວຂ້າພະເຈົ້າເອງກໍໄດ້ມີໂອກາດຮ່ວມງານກັບຫຼາຍພາກສ່ວນ, ຫຼາຍບໍລິສັດ ເຊິ່ງວ່າເປັນເລື່ອງປົກກະຕິທີ່ຈະເຫັນຢູ່ຕາມສະຖານທີ່ງານຕ່າງໆ.

ດັ່ງຂໍ້ຄວາມທີ່ຕັດມາລຸ່ມນີ້:

ອອກ​ຈາກ REPLY ເປັນ

Please enter your comment!
Please enter your name here