ຄົນມັກຊື້ເລກຖືກໃຈ “ຫວຍຫວຽດ” ຈັດເຕັມ! ອອກທຸກວັນຈັນເຖິງອາທິດ

1
1222

ໃນຄໍລຳປະກົດການຫຍໍ້ທໍ້ໃນສັງຄົມລາວມື້ນີ້ ຜູ້ຂຽນຈະມານຳສະເໜີກ່ຽວກັບ ໜຶ່ງບັນຫາທີ່ມີສ່ວນກ່ຽວຂ້ອງທາງດ້ານການພະນັນ ເຊິ່ງຕອນນີ້ກຳລັງແຜ່ລາມໄປທົ່ວສັງຄົມຢ່າງວ່ອງໄວ ນັ້ນກໍ່ຄື “ຫວຍຫວຽດ”.

ຫຼັງຈາກທີ່ທາງຫວຍລັດຖະບານ (ຫວຍພັດທະນາລາວ) ໄດ້ປະກາດອອກລາງວັນພຽງອາທິດລະ 1 ມື້ ຄືຂາຍຫວຍທຸກໆວັນພຸດເທົ່ານັ້ນ ເນື່ອງຈາກວ່າບໍ່ຕ້ອງການໃຫ້ປະຊາຊົນລາວມົວເມົາໄປກັບການຊື້ເລກ-ຊື້ຫວຍຫຼາຍຈົນເກີນໄປ ເພາະສິ່ງນີ້ມັນແມ່ນການພະນັນຊະນິດໜຶ່ງ.

ເຖິງແມ່ນວ່າທາງລັດຖະບານໄດ້ຈຳກັດຈຳນວນຄັ້ງໃນການອອກຫວຍໃຫ້ໜ້ອຍລົງ ແລະ ຍົກເລີກບໍ່ໃຫ້ມີຫວຍຂູດແລ້ວກໍ່ຕາມ ແຕ່ກໍ່ຍັງມີປະກົດການ “ຫວຍຫວຽດ” ຫວຍໃຕ້ດິນທີ່ສະໜອງຄວາມຕ້ອງການໃຫ້ກັບຄົນທີ່ມັກສ່ຽງໂຊກ ດ້ວຍການຫຼິ້ນໃຫຍ່ຈັດເຕັມອອກທຸກວັນ ນັບແຕ່ວັນຈັນຮອດວັນອາທິດ ແລະ ປັດຈຸບັນເຫັນໄດ້ວ່າ “ຫວຍຫວຽດ” ໄດ້ເປີດກວ້າງຫຼາຍຂຶ້ນບໍ່ໄດ້ປີດບັງ ແລະ ສັງຄົມຄົນລາວກໍ່ໃຫ້ການຕອບຮັບເປັນຢ່າງດີ ໂດຍເຫັນໄດ້ວ່າທາງ “ຫວຍຫວຽດ” ມີເຟສບຸກເພຈກຸ່ມ ທີ່ເຮັດໜ້າທີ່ໂຄສະນາຊວນເຊື່ອ, ປະກາດຜົນຫວຍອອກແຕ່ລະມື້ ແລະ ຍັງມີໜ້າທີ່ປະກາດຮັບສະໝັກຄົນຂາຍຢ່າງເປີດເຜີຍໂດຍບໍ່ເກງກົວລະບຽບກົດໝາຍໃດໆທັງນັ້ນ.

ມີແມ່ຫວຍຜູ້ໜຶ່ງ (ສະຫງວນບໍ່ອອກຊື່) ເລົ່າໃຫ້ນັກຂ່າວເຮົາຟັງວ່າ ຫວຍຫວຽດແມ່ນມີມາແຕ່ດົນແລ້ວ ແຕ່ເມື່ອກ່ອນແມ່ນໄດ້ຮັບຄວາມນິຍົມຫຼາຍຢູ່ທາງພາກໃຕ້ ໂດຍສະເພາະແມ່ນເຂດແຂວງຈຳປາສັກ ລົງໄປ ແຕ່ເມື່ອທາງຫວຍພັດທະນາລາວ ໄດ້ມີແຈ້ງການໃຫ້ຂາຍຫວຍລາວພຽງອາທິດລະ 1 ຄັ້ງ (ຂາຍສະເພາະວັນພຸດ) ຫວຍຫວຽດກໍ່ໄດ້ແຜ່ລາມຂຶ້ນມາຈົນຮອດນະຄອນຫຼວງວຽງຈັນ ແລະ ຕອນນີ້ກໍ່ບໍ່ຮູ້ວ່າ ຫວຍຫວຽດຈະມີຂາຍຢູ່ແຂວງໃດແນ່ແລ້ວ ລາວຍັງເວົ້າຕື່ມອີກວ່າ ສຳລັບເງິນລາງວັນທີ່ຖືກຫວຍນັ້ນ ແຕ່ລະແມ່ຫວຍຈະໃຫ້ບໍ່ຄືກັນ ບາງແມ່ກໍ່ໃຫ້ 70,000 ກີບ/ 1,000 ກີບ ສຳລັບຄົນທີ່ຖືກເລກທ້າຍ 2 ໂຕ ແລະ ບາງແມ່ຫວຍກໍ່ໃຫ້ 60,000 ກີບ ເພາະມັນຂຶ້ນກັບບາງແມ່ໄປຮັບເອົາຈາກແມ່ໃຫຍ່ໂດຍກົງ ບາງແມ່ກໍ່ຮັບຕໍ່ມືມາຂາຍ ແລະ ການຊື້-ຂາຍຫວຍຫວຽດແມ່ນ ເລກ 3 ໂຕ ຂາຍ 2,000 ກີບຂຶ້ນໄປ ແລະ ແລະ 2 ໂຕແມ່ນຂາຍ 3,000 ກີບຂຶ້ນໄປ.

ເລກຫວຽດຈະອອກທຸກມື້ ປິດງວດຕອນ 18:00 ໂມງ ແລະ ຈະປະກາດຜົນຫວຍຜ່ານທາງກຸ່ມຫວຍຫວຽດໃນເວລາ 18:30 ໂມງ ແລະ ເງິນລາງວັນທີ່ໄດ້ຈາກການຊື້ຫວຍຫວຽດຈະມີລາຍລະອຽດດັ່ງນີ້:

ນີ້ເປັນປະກົດການໜຶ່ງໃນສັງຄົມທີ່ຕ້ອງໄດ້ລົງຕິດຕາມກວດກາຕື່ມກ່ຽວກັບບັນຫານີ້ ເພື່ອຫາວິທີແກ້ໄຂໃຫ້ທ່ວງທັນເວລາ.

 

1 ຄວາມ​ຄິດ​ເຫັນ

  1. ຄວນປາບປາມເລື່ອງຂາຍເລກຫວຽດ ເພາະເບື່ອເມົາສັງຄົມຫຼາຍ ອອກທຸກມື້,ຂາຍທຸກມື້ ຊື້ທຸກມື້ ແຕ່ຫວຍຂູດຍັງລົບລ້າງໄດ້ ວອນພາກສ່ວນກ່ຽວຂ້ອງ ພິຈາລະນາແກ້ໄຂຕື່ມ.ທີ່ຜ່ານກະຊົມເຊີຍ ທີ່ສາມາດຢຸດເຊົາການອອກເລກລາວ ຈາກສອງຄັ້ງ ເປັນນຶ່ງຄັ້ງຕໍ່ອາທິດ ແຕຖ້າເຮັດໄດ້ ເອົາທຸກວັນທີ 1 ແລະທີ 15 ເປັນສອງຄັ້ງຕໍ່ເດືອນ(ຫວຍລາວ) ຍິ່ງເປັນການດີ…

ອອກ​ຈາກ REPLY ເປັນ

Please enter your comment!
Please enter your name here