ສປປລາວ ຕ້ອນຮັບ ສະຫາຍ ສີ ຈິ້ນຜິງ ຢ່າງສົມກຽດ

0
1084

ໃນຕອນບ່າຍຂອງວັນທີ 13 ພະຈິກ 2017 ສະຫາຍ ສີ ຈິ້ນຜິ ​ເລຂາທິການໃຫຍ່ ຄະນະກຳມະການ ສູນກາງພັກກອມມູນິດຈີນປະທານປະເທດ ​ແຫ່ງ ສປ ຈີນ ພ້ອມດ້ວຍຄະນະ ​ເດີນທາງມາ​​ເຖິງ ສະໜາມບິນສາກົນວັດໄຕ ນະຄອນຫລວງວຽງຈັນ, ​​ໂດຍເຮືອບິນພິເສດຂອງ ສປ ຈີນ (Boeing 747-800) ເພື່ອດຳເນີນການຢ້ຽມຢາມ ທາງລັດຖະກິດ ສປປ ລາວ ​ໃນລະຫວ່າງ ວັນທີ 13-14 ພະຈິກ 2017 ນີ້.

​​ໃຫ້ກຽດອອກຕ້ອນຮັບ ໂດຍສະຫາຍ ພັນຄຳ ວິພາວັນ ກຳມະການກົມການເມືອງ ສູນກາງພັກ ຮອງປະທານປະເທດ, ​ພ້ອມດ້ວຍການນຳຂັ້ນສູງ ພັກ-​ລັດຖະບານ ແຫ່ງ ສປປລາວ ​ໃຫ້ການຕ້ອນຮັບ ຢ່າງສົມກຽດ.

ພິທີຕ້ອນຮັບ ສະຫາຍ ສີ ຈິ້ນຜິ ພ້ອມດ້ວຍຄະນະ ​ໄດ້ຈັດຂຶ້ນຢ່າງສົມກຽດ ຂອງວັນດຽວກັນ ທີ່ທຳນຽບ ປະທານປະເທດ, ໂດຍ​ ສະຫາຍບຸນຍັງ ວໍລະຈິດ ​ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະ​ເທດແຫ່ງ ສປປ  ລາວ ພ້ອມດ້ວຍຄະນະນຳຂັ້ນສູງ ຂອງພັກ-​ລັດຖະບານ ສປປ ລາວ. ​ພາຍຫລັງສຳເລັດ ພິທີຕ້ອນຮັບ ​ຢ່າງເປັນທາງການແລ້ວ ​​ຈະມີພິທີພົບປະສອງຝ່າຍ ເພື່ອປຶກສາຫາລື ​​ແລະ ​ເສີມຂະຫຍາຍ ການຮ່ວມມືຮອບດ້ານໃນຕໍ່ໜ້າ.

ການເດີນທາງມາຢ້ຽມຢາມ ທາງລັດຖະກິດ ສປປ ລາວ ຂອງສະຫາຍ ສີ ຈິ້ນຜິ ຈະເປັນນິມິດໝາຍອັນດີ ໃຫ້ແກ່ການເສີມຂະຫຍາຍ ສາຍພົວພັນມິດຕະພາບ ​ແລະ ການຮ່ວມມື ຮອບດ້ານຂອງທັງສອງປະເທດ

LIVE: Chinese President Xi Jinping arrives in Vientiane for a state visit to Laos. #XiJinping #XiVisit (Courtesy: CGTN)

Posted by China Xinhua News on 13 ພະຈິກ 2017

 

 ແຫລ່ງຂ່າວ: ສຳນັກຂ່າວສານປະເທດລາວ
ວິດີໂອຂ່າວຈາກ: China Xinhua News

 

ອອກ​ຈາກ REPLY ເປັນ

Please enter your comment!
Please enter your name here