ຈີນຍົກເລີກການຫາລືກັບຫວຽດນາມນອກຮອບການປະຊຸມອາຊຽນທີ່ມະນິລາ

0
749

ສຳນັກຂ່າວຕ່າງປະເທດລາຍງານຈາກນະຄອນຫຼວງມະນີລາ ປະເທດ ຟິລິບປິນ ເມື່ອວັນທີ 8 ສິງຫາ ນີ້ວ່າ ສະຖານ ທູດຈີນປະຈຳນະຄອນຫຼວງມະນິລາລາຍງານວ່າ ກຳນົດການພົບປະຫາລືໃນວັນອັງຄານ (ມື້ນີ້) ລະຫວ່າງ ທ່ານ ອິ້ງ ລັດຖະມົນຕີກະຊວງການຕ່າງປະເທດຈີນ ກັບ ທ່ານ ຝ່າມ ບິນ ມິນ ລັດຖະມົນຕີກະຊວງການຕ່າງປະເທດຫວຽດ ນາມ ນອກຮອບການປະຊຸມອາຊຽນວ່າດ້ວຍການຮ່ວມມືດ້ານການເມືອງ ແລະ ຄວາມໝັ້ນຄົງໃນພາກພື້ນອາຊີປາຊີຟິກ (ເອອາຣເອຟ) ທີ່ນະຄອນຫຼວງມະນິລາ “ຈະບໍ່ເກີດຂຶ້ນ” ໂດຍບໍ່ມີການລະບຸຫເດຜົນທີ່ຊັດເຈນ

ຄວາມຂັດແຍ້ງເລື່ອງທະເລຈີນໃຕ້ລະຫວ່າງຫວຽດນາມກັບຈີນເພີ່ມທະວີຄວາມຮຸນແຮງຫຼາຍຂຶ້ນຕັ້ງແຕ່ເດືອນ ມິຖຸນາ ທີ່ຜ່ານມາ ເມື່ອລັດຖະບານຮາໂນຍເຮັດການຂຸດເຈາະນ້ຳມັນ ແລະ ກ໊າຊທຳມະຊາດໃນທະເລນອກຊາຍຝັ່ງທາງຕະເວັນອອກສຽງໃຕ້ຂອງປະເທດ ກ່ອນຈຳເປັນຕ້ອງລະງັບໃນເວລາຕໍ່ມາ ຫຼັງໄດ້ຮັບ “ແຮງກົດດັນຢ່າງໜັກ” ຈາກລັດຖະບານປັກກິ່ງ ປັດຈຸບັນຈີນໄດ້ສ້າງເກາະທຽມໄວ້ຢ່າງໜ້ອຍ 7 ແຫ່ງໃນທະເລຈີນໃຕ້ ສ່ວນຫວຽດນາມມີຢ່າງໜ້ອຍ 2 ແຫ່ງ

ອອກ​ຈາກ REPLY ເປັນ

Please enter your comment!
Please enter your name here