ກອງໜ້າ ມຊ ຖືກຕັດສິດຫ້າມລົງການແຂ່ງບານເຕະ 2 ປີ ໂທດຖານທຳຮ້າຍກຳມະການ

8
28192
  • ອີງຕາມບົດລາຍງານຂອງຜູ້ຄວບຄຸມການແຂ່ງຂັນ, ຜູ່ປະເມີນກຳມະການຕັດສິນ ແລະ ກຳມະການຕັດສິນໃນການແຂ່ງຂັນ ລາວພຣີເມຍລີກ 2017 ນັດທີ 38 ຄັ້ງວັນທີ 17/06/2017
  • ອີງຕາມການຕົກລົງເຫັນດີຂອງຄະນະກຳມະການລະບຽບວິໄນ ສະຫະພັນບານເຕະແຫ່ງຊາດລາວ
  • ອີງຕາມກອງປະຊຸມ ຄັ້ງວັນທີ 20/06/2017 ກ່ຽວກັບການໃສ່ລະບຽບວິໄນ ທ້າວ ກີຕ້າ ສີສະຫວາດ ເບີ 31 ນັກກິລາຂອງ ສະໂມສອນ ມະຫາວິທະຍາໄລແຫ່ງຊາດ (ມຊ) ທີ່ເຮັດຜິດວິໄນຕໍ່ກຳມະການຕັດສິນ ໃນການແຂ່ງຂັນ ລາວພຣີເມຍລີກ 2017 ໃນວັນທີ 17/06/2017 ນັດທີ 38 ເປັນການພົບກັນລະຫວ່າງ ສະໂມສອນ ລາວໂຕໂຢຕ້າ ພົບກັບ ສະໂມສອນ ມະຫາວິທະຍາໄລແຫ່ງຊາດ

ຄະນະກຳມະການລະບຽບວິໄນ ສະຫະພັນບານເຕະແຫ່ງຊາດ ມີຂໍ້ຕົກລົງດັ່ງນີ້:

ລົງວິໄນທ້າວ ກີຕ້າ ສີສະຫວາດ (ເບີ 31) ນັກກິລາຂອງສະໂມສອນ ມະຫາວິທະຍາໄລແຫ່ງຊາດ ຈາກທີ່ໄດ້ບັດແດງບໍ່ສາມາດລົງຮ່ວມແຂ່ງຂັນ 3 ນັດຢູ່ແລ້ວ ທາງຄະນະກຳມະການລະບຽບວິໄນ ສະຫະພັນບານເຕະແຫ່ງຊາດລາວ ໄດ້ຄົ້ນຄວ້າກ່ຽວກັບພຶດຕິກຳທີ່ບໍ່ດີຂອງຜູ່ກ່ຽວ ທີ່ໄດ້ເຂົ້າທຳຮ້າຍຮ່າງກຳມະການຕັດສິນທີ່ໜ້າກຽດທີ່ສຸດດ້ວຍການຢັນເຂົ້າໄປທີ່ກົກແຂນຫຼັງເນື່ອງຈາກບໍ່ພໍໃຈຕໍ່ຄຳຕັດສິນ, ພ້ອມນັ້ນໄດ້ຕົກລົງເປັນເອກະພາບກັນຕັດສິນບໍ່ໃຫ້ຜູ່ກ່ຽວເຂົ້າຮ່ວມການແຂ່ງຂັນບານເຕະທຸກໆລາຍການຂອງການແຂ່ງຂັນໃນ ສປປ ລາວ ເປັນເວລາ 2 ປີ, ນັບແຕ່ປີ 2018-2019.

ດັ້ງນັ້ນເພື່ອບໍ່ໃຫ້ເປັນແບບຢ່າງທີ່ບໍ່ດີຕໍ່ນັກກິລາຄົນອີ່ນ, ຈຶ່ງຂໍສະເຫນີໃສ່ວິໄນຜູ້ກ່ຽວຕາມມະຕິຕົກລົງສະບັບນີ້.

ມະຕີຕົກລົງວ່າດ້ວຍການລົງວິໄນຕໍ່ນັກກິລາ ສະໂມສອນ ມະຫາວິທະຍາໄລແຫ່ງຊາດລາວ- ອີງຕາມ : ບົດລາຍງານຂອງຜູ້ຄວບຄຸມການແຂ່ງຂັນ , ຜູ້ປະເມີນກຳມະການຕັດສິນ ແລະ ກຳມະການຕັດສິນ ໃນການແຂ່ງຂັນ ລາວພຣີເມຍລີກ 2017 ນັດທີ 38 ຄັ້ງວັນທີ 17 / 06 / 2017- ອີງຕາມ : ການຕົກລົງເຫັນດີຂອງຄະນະກຳມະການລະບຽບວິໄນ ສະຫະພັນບານເຕະແຫ່ງຊາດລາງ- ອີງຕາມ : ກອງປະຊຸມ ຄັ້ງວັນທີ 20 / 06 /2017 ກ່ຽວກັບການໃສ່ລະບຽບວິໄນ ທ. ກີ່ຕ້າ ສີສະຫວາດ ( ເບີ 31 ) ນັກກິລາ ຂອງ ສະໂມສອນ ມະຫາວິທະຍາໄລແຫ່ງຊາດລາວ ທີ່ເຮັດຜິດລະບຽບວິໄນຕໍ່ກຳມະການຕັດສິນ ໃນການແຂ່ງຂັນ ລາວພຣີເມຍລີກ 2017 ວັນທີ 17 / 06 / 2017 ນັດທີ 38 ລະຫວ່າງ ສະໂມສອນ ລາວໂຕໂຢຕ້າ ພົບ ສະໂມສອນ ມະຫາວິທະຍາໄລແຫ່ງຊາດ.ຄະນະກຳມະການລະບຽບວິໄນ ສະຫະພັນບານເຕະແຫ່ງຊາດລາວ ຕົກລົງ: – ລົງວິໄນ ທ. ກີ່ຕ້າ ສີສະຫວາດ ( ເບີ 31 ) ນັກກິລາ ຂອງ ສະໂມສອນ ມະຫາວິທະຍາໄລແຫ່ງຊາດລາວ ຈາກທີ່ໄດ້ບັດແດງບໍ່ສາມາດລົງແຂ່ງຂັນເປັນຈໍານວນໄດ້ 3 ນັດຢູ່ແລ້ວ, ທາງຄະນະກຳມະການລະບຽບວິໄນ ສະຫະພັນບານເຕະແຫ່ງຊາດລາວ ໄດ້ຄົ້ນຄວ້າກ່ຽວກັບພຶດຕິກຳທີ່ບໍ່ດີຂອງຜູ້ກ່ຽວ ( ທ. ກີ່ຕ້າ ສີສະຫວາດ ) ທີ່ໄດ້ເຂົ້າໄປທຳຮ້າຍຮ່າງກາຍກຳມະການຕັດສິນທີ່ຫນ້າກຽດທີ່ສຸດດ້ວຍການຢັນໄປທີ່ກົກຂາຫລັງຈາກທີ່ບໍ່ພໍໃຈຕໍ່ຄຳຕັດສິນ, ພ້ອມນັ້ນ ໄດ້ຕົກລົງເປັນເອກະພາບກັນຕັດສິນບໍ່ໃຫ້ຜູ້ກ່ຽວເຂົ້າຮ່ວມການແຂ່ງຂັນບານເຕະທຸກໆລາຍການຂອງການແຂ່ງຂັນໃນ ສປປລາວ ເປັນເວລາ 2 ປີ, ນັບຕັ້ງແຕ່ປີ 2018-2019.ດັ້ງນັ້ນເພື່ອບໍ່ໃຫ້ເປັນແບບຢ່າງທີ່ບໍ່ດີຕໍ່ນັກກິລາຄົນອີ່ນ, ຈຶ່ງຂໍສະເຫນີໃສ່ວິໄນຜູ້ກ່ຽວຕາມມະຕິຕົກລົງສະບັບນີ້.#LPL2017

โพสต์โดย Lao Premier League บน 16 กรกฎาคม 2017

 

ແຫລ່ງຂ່າວ: Lao Premier League

8 COMMENTS

  1. ນັກກີລາທີ່ບໍ່ມີຄຸນສົມບັດ, ມີນິໄສນັກເລັງ ເສຍມາລະຍາດແບບນີ້ ເຖິງຈະເກັ່ງພຽງໃດກໍ່ບໍ່ມີໃຜຢາກໄດ້ ເພາະມັນຈະພາໃຫ້ທີມຕົນເອງເສຍພາບພົດລ້າໆ…….

  2. ບໍ່ຕ້ອງຫລີ້ນບານຕະຫລອດຊີວິດ ສຳລັບຄົນໆນີ້

  3. ບໍມີມາລະຍາດ ບໍ່ສົມຄວນເຕະບານຕະຫລອດຊີວິດ

  4. ຊົວເນະທ້າວອັນນິຈັ່ງແມ່ນທຳຕົວເປັນແບບຢ່າງທີ່ເສຍຫາຍໃຫ້ແກ່ສັງຄົມລາວ

ອອກ​ຈາກ REPLY ເປັນ

Please enter your comment!
Please enter your name here