ອາຊຽນອາດຈະມີສະມາຊິກເພີ່ມຂຶ້ນ 2 ປະເທດ

0
2426

ໃນກອງປະຊຸມສຸດຍອດໂຄງການເສັ້ນທາງສາຍໄໝໃໝ່ ທີ່ນະຄອນຫຼວງ ປັກກິ່ງ ເມື່ອລະຫວ່າງວັນທີ 14-15 ພຶດສະພາ 2017 ທີ່ຜ່ານມາ ປະທານາທິບໍດີ ດູແຕເຕ ໄດ້ກ່າວວ່າ ປະທານາທິບໍດີ ຂອງປະເທດຕັວກກີ ແລະ ນາຍົກລັດຖະມົນຕີ ມົງໂກລີ ໄດ້ສະເໜີໃນລະຫວ່າງແຍກສາຍຫາລືນອກຮອບ ຜູ້ນຳທັງສອງປະເທດໄດ້ສະເໜີເຂົ້າເປັນສະມາຊິກອາຊຽນ ແລະ ໃນຖານະທີ່ຟີລິບປິນເປັນປະທານອາຊຽນໃນວາລະປັດຈຸບັນ ທ່ານຈຶ່ງໄດ້ຕອບຮັບວ່າ ພ້ອມໃຫ້ການສະໜັບສະໜູນສອງປະເທດເຂົ້າເປັນສະມາຊິກໃນອະນາຄົດ.

ປັດຈຸບັນນີ້ ສະມາຊິກອາຊຽນ ມີທັງໝົດ 10 ປະເທດ ການເປັນສະມາຊິກ ນອກຈາກຄໍານຶງເຖິງເລື່ອງທີ່ຕັ້ງທາງພູມສາດ ຍັງຕ້ອງໄດ້ຄໍານຶງເຖິງການຮັບຮອງຈາກປະເທດສະມາຊິກອີກດ້ວຍ ເຊິ່ງຕີມໍເຣສເຕ ແລະ ປາປົວນິວກີນີ ຂໍເປັນສະມາຊິກອາຊຽນມາຫຼາຍປີແລ້ວ ແຕ່ໄດ້ເປັນພຽງສະຖານະພາບປະເທດຜູ້ສັງເກດການເທົ່ານັ້ນ ຂະນະທີ່ ຕັວກກີ ເຊຶ່ງຢູ່ລະຫວ່າງອາຊີ ແລະ ເອີຣົບ ຂໍເປັນສະມາຊິກປະຊາຄົມເສດຖະກິດເອີຣົບ ເຊຶ່ງເປັນອົງກອນກ່ອນ ສະຫະພາບເອີຣົບມາຕັ້ງແຕ່ປີ 1987 ແຕ່ມາເຖິງປັດຈຸບັນນີ້ຍັງບໍ່ສໍາເລັດ.

ອອກ​ຈາກ REPLY ເປັນ

Please enter your comment!
Please enter your name here