ຈັດອັນດັບປະເທດທີ່ເກັ່ງພາສາອັງກິດຫຼາຍທີ່ສຸດໃນອາຊຽນ

0
2695

ຕາມຂ່າວຕ່າງປະເທດລາຍງານວ່າພາສາອັງກິດຖືວ່າເປັນພາສາສາກົນທີ່ທົ່ວໂລກນຳໃຊ້ນອກຈາກນີ້ຍັງຖືກກຳນົດໃຫ້ເປັນພາສາກາງທີ່ໃຊ້ສຳລັບການສື່ສານລະຫວ່າງ 10 ປະເທດອາຊຽນນີ້ເປັນເຫດຜົນຫຼັກທີ່ເປີດປະຊາຄົມອາຊຽນແຕ່ລະປະເທດໃຫ້ຄວາມສຳຄັນ ແລະ ມີຄວາມຕື່ນຕົວດ້ານທັກສະຄວາມຮູ້ຄວາມສາມາດໃນເລື່ອງພາສາອັງກິດຂອງແຕ່ລະຄົນໃນແຕ່ລະປະເທດ. ຫຼ້າສຸດມີການສຳຫຼວດຫນຶ່ງທີ່ຫນ້າສົນໃຈຂອງອີເອັຟໃນປີ 2015 ໃນ 72 ປະເທດທົ່ວໂລກຈຳນວນກວ່າ 9 ແສນຄົນ ໃນເລື່ອງທັກສະຄວາມຮູ້ທາງດ້ານພາສາອັງກິດເຊິ່ງຂໍ້ມູນທີ່ອອກມາປະກົດວ່າປະເທດທີ່ມີຄວາມຮູ້ຄວາມສາມາດດ້ານພາສາອັງກິດທີ່ດີເດັ່ນທີ່ສຸດອັນດັບ 1 ເປັນຂອງປະເທດໂຮນລັງ, ອັນດັບ 2 ປະເທດເດນມາກ ແລະ ອັນດັບ 3 ປະເທດສະວິດເຊີແລນ.

ນອກຈາກນີ້ຜົນການສຳຫຼວດ 19 ປະເທດໃນອາຊີປະກົດວ່າປະເທດທີ່ເກັ່ງພາສາອັງກິດຫຼາຍທີ່ສຸດໃນອາຊຽນອັນດັບ 1 ແມ່ນປະເທດສິງກະໂປ, ອັນດັບ2 ມາເລເຊຍ, 3. ຟິລິບປິນ, 4. ສສ ຫວຽດນາມ, 5. ອິນໂດເນເຊຍ, 6. ໄທ, 7. ກຳປູເຈຍ ແລະ ອັນດັບທີ 8 ແມ່ນ ສປປ ລາວ.

ການສຳຫຼວດອີເອຟມີໄລຍະສຳຄັນຕົ້ນຕໍທີ່ສະທ້ອນໃຫ້ເຫັນຄືພາສາອັງກິດເປັນອົງປະກອບສຳຄັນທີ່ເຮັດໃຫ້ຊີວິດທີ່ດີຂຶ້ນການມີທັກສະພາສາອັງກິດທີ່ດີຈະເຮັດໃຫ້ມີລາຍໄດ້ເພີ່ມສູງຂຶ້ນ ແລະ ຄຸນນະພາບຊີວິດກໍ່ຈະດີຂຶ້ນ.

 

ທີ່ມາຈາກ: unader.com
ຕິດຕາມນານາສາລະ ກົດໄລຄ໌ເລີຍ!

ອອກ​ຈາກ REPLY ເປັນ

Please enter your comment!
Please enter your name here