ຫົວຫນ້າການເມືອງກອງບັນຊາການທະຫານແຂວງອຸດົມໄຊ ຮັບການສ່ອງແສງວຽກງານຕ່າງໆ

thu26sep2

ໃນວັນທີ 16-17 ກັນຍາ ນີ້, ສະຫາຍພົນຈັດຕະວາ ຈັນທະວອນ ໄຊຍະຜົງ ກຳມະ ການປະຈຳພັກແຂວງ, ເລຂາ ຄະນະພັກ, ຫົວຫນ້າການ ເມືອງກອງບັນຊາການທະ ຫານແຂວງອຸດົມໄຊ ໄດ້ລົງ ຮັບການສ່ອງແສງການຈັດຕັ້ງປະຕິບັດ 4 ແຜນງານໃຫຍ່ 26 ໂຄງການທີ່ຄະນະພັກກະ ຊວງປ້ອງກັນປະເທດວາງ ອອກຢູ່ກອງຮ້ອຍ 141 ແລະ ກອງບັນຊາການທະຫານ ເມືອງນາຫມໍ້ ແຂວງອຸດົມໄຊ.
ໂອກາດດັ່ງກ່າວຄະນະພັກ ຄະນະບັນຊາແຕ່ລະກົມກອງ ກໍ່ໄດ້ລາຍງານສະພາບການ ເຄື່ອນໄຫວຈັດຕັ້ງປະຕິບັດ 4 ແຜນງານໃຫຍ່ 26 ໂຄງການ ຂອງກະຊວງປ້ອງກັນປະເທດ ໂດຍສະເພາະຂົງເຂດວຽກ ງານການເມືອງນຳພາແນວ ຄິດເປັນບັນຫາສຳຄັນໃນການປັບປຸງກໍ່ສ້າງກຳລັງວຽກ ງານເຮັດໃຫ້ສະພາບມີຄວາມ ສະຫງົບ ໄດ້ຖືເອົາການຫັນລົງ ກໍ່ສ້າງຮາກຖານການເມືອງ ຕິດພັນກັບວຽກງານອື່ນໆຈຳ ນວນຫນຶ່ງ.
ຂ່າວໃຫ້ຮູ້ຕື່ມອີກວ່າ: ໃນ ວັນທີ 18 ກັນຍາ ນີ້, ທີ່ກອງ ບັນຊາການທະຫານແຂວງອຸ ດົມໄຊ ກໍ່ໄດ້ຈັດກອງປະຊຸມ ສ່ອງແສງວຽກງານປ້ອງກັນ ພາຍໃນກອງທັບ ປະຈຳປີ 2013 ຂຶ້ນໂດຍການເປັນປະ ທານຂອງສະຫາຍພັນເອກ ບຸນລ້ຽງ ແສງພະຈັນ ຫົວຫນ້າ ກົມປ້ອງກັນພາຍໃນກົມໃຫຍ່ ການເມືອງກອງທັບ, ມີບັນ ດາສະຫາຍຫົວຫນ້າ, ພະ ແນກປ້ອງກັນພາຍໃນທົ່ວ ກອງບັນຊາການທະຫານ ແຂວງອຸດົມໄຊ, ທະຫານ ແຂວງບໍ່ແກ້ວ, ຜົ້ງສາລີ, ຫຼວງ ນ້ຳທາ, ກອງ “ກ 3”, ກອງ     “ຂ 301” ເຂົ້າຮ່ວມ.
ໃນການດຳເນີນກອງປະຊຸມ ຜູ້ແທນແຕ່ລະກົມກອງໄດ້ພັດ ປ່ຽນກັນສ່ອງແສງລາຍງານ ການເຄື່ອນໄຫວຈັດຕັ້ງປະຕິ ບັດວຽກງານປ້ອງກັນພາຍໃນ ໃນໄລຍະ 1 ປີຜ່ານມາ ໂດຍ ສະເພາະແມ່ນວຽກງານສືບ ສວນ-ສອບສວນຄະດີ, ວຽກ ງານຄຸ້ມຄອງປ້ອງກັນການ ເມືອງພາຍໃນພັກ, ພາຍໃນ ກົມກອງ, ວຽກງານປ້ອງກັນ ຄວາມປອດໄພ, ວຽກງານກໍ່ ສ້າງຮາກຖານການເມືອງ, ວຽກງານຄຸ້ມຄອງພາຫະນະ ອາວຸດກະສູນ, ວຽກງານກໍ່ ສ້າງກົມກອງປອດໃສ, ປອດ ໄພ, ປອດຄະດີ, ວຽກງານສືບ ຂ່າວ, ວຽກງານປ້ອງກັນການ ນຳພັກ-ລັດ, ວຽກງານຄຸ້ມ ຄອງຕ້ອງຫ້າມ, ວຽກງານ ກວດກາຊີຫວະປະຫວັດທະ ຫານໃຫມ່ ແລະ ວຽກງານປັບ ປຸງອົງການຈັດຕັ້ງພາຍໃນ, ຈາກນັ້ນກອງປະຊຸມກໍ່ໄດ້ຮັບ ຟັງຄຳສັ່ງແນະນຳຂອງກົມ ປ້ອງກັນພາຍໃນກົມໃຫຍ່ ການເມືອງກອງທັບກ່ຽວກັບ ການສະຫຼຸບວຽກງານປ້ອງ ກັນພາຍໃນກອງທັບໃນປີ 2011-2015 ຕື່ມອີກ.

ທີ່ມາhttp://www.kongthap.gov.la