ລາວ-ໄທ ແລກປ່ຽນບົດຮຽນດ້ານວິຊາການ ຜ່າຕັດຫົວໃຈເສັ້ນເລືອດ

ລາວ-ໄທ ແລກປ່ຽນບົດຮຽນດ້ານວິຊາການ ຜ່າຕັດຫົວໃຈເສັ້ນເລືອດ

ລະຫວ່າງ​ວັນ​ທີ 28-29 ພະຈິກ 2013 ນີ້ ໄດ້​ມີ​ການ​ຈັດ​ກອງ​ປະຊຸມ​ວິທະຍາສາດ​ການ​ແພດ ກ່ຽວ​ກັບ​ການຜ່າຕັດ​ຫົວໃຈ-ເສັ້ນເລືອດ​ຂຶ້ນ ທີ່​ໂຮງແຮມ​ດອນ​ຈັນ​ພາ​ເລດ ພາຍ​ໃຕ້​ການ​ຮ່ວມ​ມື​ດ້ານ​ວິຊາ​ການ ລະຫວ່າງ​ຂະແໜງ​ຊ່ຽວຊານ​ຜ່າຕັດ​ຫົວໃຈ ຈາກ​ມະຫາວິທະຍາໄລ​ຂອນ​ແກ່ນ​ຂອງ​ປະເທດ​ໄທ ແລະ ສູນ​ຫົວໃຈ​ລາວ-ລຸກ​ຊຳ​ບວກ​ຂອງ ​ສປປ ລາວ ໂດຍ​ມີ​ທ່ານ ​ດຣ. ພູທອນ ມັງກອນ​ວິໄລ ຮອງ​ອະທິການ​ບໍດີ ມະຫາວິທະຍາໄລ​ວິທະຍາສາດ​ສຸຂະພາບ ແລະ ທ່ານ​ຜູ້​ຊ່ວຍ ​ສຈ.​ດຣ. ຈູ​ສາດ ຫົວໜ້າ​ພະ​ແນກ​ຜ່າຕັດ​ຫົວໃຈ ຂອງ​ມະຫາວິທະຍາໄລ​ຂອນ​ແກ່ນ ພ້ອມ​ດ້ວຍ​ແພດ​ຊ່ຽວຊານ​ຜ່າຕັດ​ຫົວໃຈ​ຈາກ ລາວ-ໄທ ຈຳນວນ 80 ທ່ານ​ເຂົ້າ​ຮ່ວມ.

ກອງ​ປະຊຸມ​ນີ້ ໄດ້​ມີ​ການ​ສະເໜີ​ບົດຮຽນ​ກ່ຽວ​ກັບ​ພະຍາດຫົວໃຈ-ເສັ້ນເລືອດ ແລະ ວິທີ​ການຜ່າຕັດ​ຫົວໃຈ​ເສັ້ນເລືອດ​ທັງ​ໝົດ​ຈຳນວນ 20 ຫົວຂໍ້ ພ້ອມ​ນັ້ນ ນັກວິຊາການ​ທັງ​ສອງ​ຝ່າຍ ກໍ​ໄດ້​ແລກປ່ຽນ​ຖອດ​ຖອນ​ບົດຮຽນ​ເຊິ່ງ​ກັນ ແລະ ກັນ ເພື່ອ​ຮ່ວມ​ກັນ​ພັດທະນາ​ດ້ານ​ວິຊາ​ການ​ໃນ​ການ​ປິ່ນປົວ​ຕື່ມ​ອີກ.

ທີ່ມາhttp://www.vientianemai.net