ຜູ້ນຳເກົາຫຼີເໜືອ ຮຽກຮ້ອງໃຫ້ ທົດລອງລູກສອນໄຟ ແລະ ຫົວລະເບີດນິວເຄລຍ ເພີ່ມຕື່ມ

ຜູ້ນຳເກົາຫຼີເໜືອ ຮຽກຮ້ອງໃຫ້ ທົດລອງລູກສອນໄຟ ແລະ ຫົວລະເບີດນິວເຄລຍ ເພີ່ມຕື່ມ

ສື່​ມວນ​ຊົນ​ຂອງ​ທາງ​ການ​ເກົາຫລີ​ເໜືອ ກ່າວ​ວ່າ ທ່ານ KimJong Un ຜູ້ນຳ​ເກົາຫລີ​ເໜືອ​ໄດ້​ອອກ​ຄຳ​ສັ່ງ​ໃຫ້​ທົດ​ລອງ​ຫົວລະເບີດນິວ​ເຄລຍ ​ແລະ​ລູກສອນ​ໄຟ​ຂີ​ປະ​ນາ​ວຸດ ທີ່​ມີ​ຄວາມ​ສາມາດບັນທຸກຫົວ​ນິວ​ເຄລຍ “​ໃນ​ເວ​ລາ​ອັນ​ສັ້ນໄດ້.”

ອົງການ​ຂ່າວສູ​ນກາງຂອງເກົາຫລີ​ເໜືອ ຫຼື KCNA ກ່າວ​ວ່າທ່ານ Kim ​ໄດ້​ສັ່ງ​ໃຫ້​ທົດ​ລອງ​ ໃນ​ວັນ​ອັງຄານ​ມື້​ນີ້ ຫຼັງ​ຈາກໄດ້​ກຳກັບ​ນຳ​ການ​ທົດ​ລອງ​ໂຕ​ຢ່າງ ທີ່​ປະສົບຄວາມ​ສຳ​ເລັດໃນການ​ກັບ​ຄືນ​ເຂົ້າສູ່​ບັນຍາກາດ​ຂອງ​ລູກ​ສອນ​ໄຟ​ຂີ​
”ປະ​ນາ​ວຸດ​. ອົງການ​ຂ່າວ KCNA ກ່າວ​ວ່າ ທ່ານ Kim ​ໄດ້​ອອກຄຳ​ສັ່ງ “ໃຫ້​ເສີມຂະຫຍາຍ​ຄວາມ​ໄວ້​ວາງ​ໃຈ” ຕໍ່​ຄວາມ​ສາມາດ​ ໃນການໂຈມ​ຕີດ້ວຍ​ອາວຸດນິວ​ເຄລຍຂອງ​ເກົາຫລີ​ເໜືອ.

568F5151-CA60-45CE-AA05-48BDBF8EF55A_w640_s

ການ​ທົດ​ລອງ​ດັ່ງກ່າວ ຖ້າ​ຫາກໄດ້​ມີ​ການ​ປະຕິບັດ ຈະ​ເປັນ​ການ​ສືບ​ຕໍ່ທ້າ​ທາຍ​ຕໍ່ ການ​ລົງ​ໂທດ​ຂອງສະຫະ​ປະຊາ​ຊາດ ຫລາຍໆ​ຄັ້ງ ຮວມທັງ​ການ​ລົງ​ໂທດ​ຄັ້ງ​ໃໝ່ ທີ່​ໜັກ​ຂຶ້ນກວ່າ​ເກົ່າ ທີ່​ໄດ້​ກຳນົດ​ຂໍ້ຫ້າມຕ່າງໆໂດຍສະພາ​ຄວາມ​ໝັ້ນຄົງ ສະຫະ​ປະຊາ​ຊາດ ​ໃນ​ຕົ້ນ​ເ​ດືອນນີ້. ພຽງ​ຢາງ​ຍັງ​ໄດ້​ເພີ້​ມ​ການ​ໂຈມ​ຕີ​ຕໍ່ເກົາຫລີ​ໃຕ້ແລະ ​ສະຫະລັດ ຫວ່າງ​ບໍ່​ເທົ່າ​ໃດ​ມື້​ທີ່​ຜ່າ​ນມາ​ນີ້​ໃນ​ຂະນະ​ທີ່​ສອງ​ປະ​ເທດ​ເຂົ້າ​ຮ່ວມການ ​ຊ້ອມ​ລົບ​ທາງ​ທະຫານ​ປະຈຳ​ປີ.

ປະທານາທິບໍດີ ​ເກົາຫລີ​ໃຕ້ ທ່ານນາງ Park Geun-hye ​ໄດ້​ເຕືອນ​ລະຫວ່າງ​ກອງປະຊຸມ​ຄະນະ​ລັດຖະບານ ​ໃນ​ວັນ​ອັງຄານ​ມື້​ນີ້​ທີ່​ວ່າ ​ເກົາຫລີ​ເໜືອ “​ພວມ​ຢູ່ ​ໃນ​ເສັ້ນທາງໄປ​ສູ່ການ​ທຳລາຍ​ຕົນ​ເອງ ຖ້າ​ປະ​ເທດ​ດັ່ງກ່າວຫາກ​ບໍ່​ເຄື່ອນ​ຍ້າຍ​ໄປ​ ​ສູ່​ຫົນທາງ​ຂອງການ​ປ່ຽນ​ແປງ.

6EC24C15-E92C-48BC-B72A-8F41C1EE97C9_w640_s

ບັນດາ​ຜູ້​ຊ່ຽວຊານໃນປ້ອງ​ກັນປະ​ເທດຫລາຍທ່ານ ຢູ່​ເກົາຫລີ​ໃຕ້ ​ແລະ​ນອກ​ປະ​ເທ​ດ​ໄດ້​ສະ​ແດງ​ຄວາມ​ສົງ​ໄສ​ວ່າ ​ເກົາຫລີ​ເໜືອ​ໄດ້​ພັດທະນາ​ເຄື່ອງ​ສົ່ງທີ່ສາມາດ ​ທົນທານ​ຕໍ່​ຄວາມ​ຮ້ອນ​ໄດ້ ​ໃນ​ເວລາ​ກັບ​ຄືນ​ເຂົ້າ​ມາສູ່​ບັນຍາກ​ກາດຂອງ​ໂລກ ອັນ​ເປັນ​ພາກ​ສ່ວນ​ສຳຄັນ ​ຂອງການ​ສ້າງ​ລູກສອນ​ໄຟ​ໄລຍະ​ໄກທີ່ສາມາດບັນຫາ​ຫົວ ລະ​ເບີດ​ນິວ​ເຄລຍ ທີ່​ໜ້າ​ເຊື່ອ​ຖື​ໄດ້​ນັ້ນ.

ແຫລ່ງຂ່າວຈາກ: ຂ່າວວີໂອເອລາວ.