ໝີດຳຟໍຣໂມຊາໃນໄຕ້ຫວັນຢູ່ໃນພາວະສຽງສູນພັນ

0
17

ສຳນັກຂ່າວຕ່າງປະເທດລາຍງານເມື່ອບໍ່ດົນມານີ້ວ່າ ໝີດຳທີ່ມີກາສັນຍະລັກຄ້າຍຄືໂຕອັກສອນໃນພາສາອັງກິດຄື ໂຕວີ (V) ສີຂາວ ໂດຍຖືກຕັ້ງຊື່ວ່າ “ບຣາໂວ” ເປັນສັດສັນຍະລັກຂອງປະເທດໄຕ້ຫວັນ ແລະ ຖືກແຕ່ງຕັ້ງໃຫ້ເປັນສັດສັນຍະລັກຂອງການແຕ່ງດອງຂອງຊາວຮັກຮ່ວມເພດ ນອກຈາກນີ້ ຮູບໂຕວີສີຂາວຢູ່ບໍລິເວນຄໍຂອງມັນຍັງກາຍເປັນແຮງບັນດານໃຈໃນການຕັ້ງຊື່ຂອງສາຍການບິນ “ວີ ແອຣລາຍ” ອີກດ້ວຍ.

ຂະນະທີ່ປາກົດເຫັນໝີດຳຟໍຣໂມຊາຢູ່ທົ່ວທຸກຂົງເຂດຂອງໄຕ້ຫວັນ ແຕ່ວ່າຈຳນວນປະຊາກອນຂອງມັນຜັດຫຼຸດລົງເລື້ອຍໆຈົນໜ້າເປັນຫ່ວງ ດັ່ງນັ້ນ ລັດຖະບານໄຕ້ຫວັນຈຶ່ງໄດ້ປະກາດໃຫ້ໝີດຳຟໍຣໂມຊາເປັນສັດທີ່ໃກ້ສູນພັນ ທັງນີ້ ຜູ້ຊ່ຽວຊານຍັງລະບຸວ່າ ຈຳນວນຂອງໝີດຳຫຼຸດລົງຢ່າງໄວວາຈົນເກືອບສູນພັນເພາະຖືກລ່າຢ່າງຜິດກົດໝາຍ ແລະ ການບຸກລຸກເຂດທີ່ຢູ່ອາໄສຂອງພວກມັນ ປັດ ຈຸບັນຄາດວ່າອາດຈະມີໝີດຳຢູ່ໃນໄຕ້ຫວັນປະມານ 200-600 ໂຕເທົ່ານັ້ນ.

ທັງນີ້ ນິດໄສຂອງໝີດຳຊະນິດນີ້ແມ່ນເປັນສັດທີ່ກິນໄດ້ທຸກຢ່າງ ແຕ່ທີ່ມັກກິນທີ່ສຸດກໍຄື ໝາກໄມ້ ຖົ່ວ ແລະ ໝາກໄມ້ຕະກູນເບີຣີ ແລະ ຈະບໍ່ຈຳສິນຄືກັບໝີຊະນິດອື່ນໆ ໝີດຳຟໍຣໂມຊາເປັນສາຍພັນຍ່ອຍຂອງໝີດຳອາຊີຊຶ່ງພົບໄດ້ທົ່ວພູມີພາກອາຊີຕາເວັນອອກ ແລະ ອາຊີຕາເວັນຕົກສຽງໃຕ້ ລວມທັງໃນປະເທດຍີ່ປຸ່ນ ສ.ເກົາຫຼີ ແລະ ປະເທດໄທ.

ເຖິງແມ່ນວ່າສະຫະພາບສາກົນວ່າດ້ວຍການອະນຸຮັກຊັບພະຍາກອນທຳມະຊາດ ແລະ ສິ່ງແວດລ້ອມ ຫຼື IUCN ໄດ້ຈັດອັນດັບໃຫ້ໝີດຳຟໍຣໂມຊາຢູ່ໃນກຸ່ມສິ່ງມີຊີວິດທີ່ເກືອບຢູ່ໃນພາວະສູນພັນເນື່ອງຈາກຖືກຄຸກຄາມ ແລະ ຖືກລ່າຢ່າງຜິດກົດໝາຍ ເຮັດໃຫ້ຈຳ ນວນປະຊາກອນຂອງໝີດຳຟໍຣໂມຊາຫຍັບໃກ້ເຂົ້າສູ່ພາວະສ່ຽງສູນພັນ.

 

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: khaosod

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.