ໜ້າເສົ້າ… ໂລກກຳລັງຫຍັບໃກ້ສູ່ການສູນພັນລະດັບມະຫຶມາຄັ້ງທີ 6

0
1675

ນັກວິທະຍາສາດຄາດຄະເນວ່າ: ເຫດໄຟປ່າຮຸນແຮງໃນອົດສະຕາລີທີ່ເກີດຂຶ້ນໃນຄັ້ງນີ້ອາດເປັນການສົ່ງສັນຍານເຕືອນຫຼ້າສຸດວ່າ: ສິ່ງມີຊີວິດທົ່ວໂລກກຳລັງກ້າວເຂົ້າສູ່ພາວະການສູນພັນລະດັບມະຫຶມາຄັ້ງທີ 6 ຫຼື the sixth mass extinction ໂດຍບໍ່ສາມາດຫຼີກລ່ຽງໄດ້.

ຂະນະທີ່ ດຣ ເຟຣເດຣິກ ຊັລເທ ແລະ ດຣ ຄໍຣີ ເຈ.ເອ ແບຣດຊໍ ນັກນິເວດວິທະຍາຈາກສູນເພື່ອຄວາມເປັນເລີດດ້ານຄວາມຫຼາກຫຼາຍທາງຊີວະ ແລະ ມໍລະດົກຂອງອົດສະຕາລີ (CABAH) ໄດ້ອະທິບາຍເຖິງເກນພື້ນຖານທີ່ໃຊ້ຕັດສິນວ່າ: ໂລກປັດຈຸບັນນີ້ເລີ່ມເຂົ້າສູ່ພາວະການສູນພັນຄັ້ງໃຫຍ່ ຫຼື ບໍ່? ເມື່ອປຽບທຽບກັບເຫດການ 5 ຄັ້ງທີ່ເກີດຂຶ້ນຜ່ານມາ, ໂດຍຊີ້ວ່າ: ຈະຕ້ອງເກີດການສູນພັນຂອງສິ່ງມີຊີວິດປະມານ 3 ໃນ 4 ຂອງຊະນິດພັນ ຫຼື ສະປີຊີທີ່ມີຢູ່ທັງໝົດ “ໃນໄລຍະເວລາອັນໃກ້ນີ້” ຫຼື ທີ່ຄາດຄະເນໄວ້ຢູ່ທີ່ບໍ່ເກີນ 2,8 ລ້ານປີ.

ໂຕເລກດັ່ງກ່າວຊີ້ວ່າ: ໂລກໄດ້ກ້າວເຂົ້າສູ່ຍຸກການສູນພັນລະດັບມະຫຶມາຄັ້ງທີ 6 ຢ່າງເປັນທາງການແລ້ວ, ຊຶ່ງເຫັນໄດ້ຈາກກໍລະນີເຫດໄຟປ່າຢູ່ອົດສະຕາລີຖືວ່າເປັນການສູນເສຍຄັ້ງສຳຄັນທີ່ເປັນສ່ວນໜຶ່ງ ຫຼື ມີສ່ວນກ່ຽວຂ້ອງກັບການສູນພັນລະດັບມະຫຶມາທີ່ກຳລັງເກີດຂຶ້ນນີ້ເຊັ່ນກັນ.

ຢ່າງໃດກໍຕາມ ອົດສະຕາລີເປັນ 1 ໃນ 17 ປະເທດທີ່ຈັດວ່າມີຄວາມຫຼາກຫຼາຍທາງຊີວະພາບໃນລະດັບສູງຢ່າງຍິ່ງ (megadiverse) ແຕ່ຖິ່ນທີ່ຢູ່ອາໄສຂອງສິ່ງມີຊີວິດເຫຼົ່ານີ້ສ່ວນໃຫຍ່ຢູ່ໃນພື້ນທີ່ແຖບທີ່ເກີດໄຟປ່າຄັ້ງຫຼ້າສຸດ, ອົດສະຕາລີຍັງມີປະຫວັດການສູນພັນທີ່ໂຫດຮ້າຍກວ່າຫຼາຍໆທະວີບ ໂດຍສັດມີກະດູກສັນຫຼັງກວ່າ 100 ສາຍພັນຕ້ອງສູນຫາຍໄປຫຼັງຈາກການເກີດມີມະນຸດເມື່ອປະມານ 50.000 ປີກ່ອນ ແລະ ປັດຈຸບັນມີສັດປະມານ 300 ຊະນິດ ແລະ ພືດອີກກວ່າ 1.000 ຊະນິດທີ່ສ່ຽງໃກ້ຈະສູນພັນ.

ຂະນະທີ່ສິ່ງມີຊີວິດເຖິງ 75% ລວມທັງໄດໂນເສົາເກືອບທຸກສາຍພັນຖືກລຶບອອກໄປຈາກໜ້າບັນທຶກປະຫວັດສາດທຳມະຊາດ ໂດຍໃນເບື້ອງຕົ້ນແມ່ນຕາຍຍ້ອນຖືກໄຟປ່າກ່ອນທີ່ສະພາບອາກາດແບບລະດູໜາວນິວເຄລຍຈະມາຊໍ້າເຕີມໃຫ້ສັດເຫຼົ່ານັ້ນລົ້ມຕາຍເປັນຈຳນວນມະຫາສານໃນໄລຍະຍາວ “ສັດບົກທີ່ເອົາໂຕລອດໄດ້ຈາກໄຟປ່າຄັ້ງນີ້ຈະຕ້ອງມີຄວາມສາມາດພິເສດເຊັ່ນ: ອາດຈະລົງໄປອາໄສຢູ່ພື້ນນໍ້າໄດ້ຊົ່ວຄາວແບບສັດເລືອຄານບາງຊະນິດ ຫຼື ສາມາດຝັງຕົນເອງໄວ້ໃຕ້ດິນ ລວມທັງລີ້ຊ້ອນໃນຊອກຫຼືບທີ່ເລິກ ແລະ ແຄບໂດຍທີ່ໄຟປ່າບໍ່ສາມາດເຂົ້າເຖິງມັນໄດ້.

ພ້ອມນີ້ ສະຖານທູດອົດສະຕາລີກໍໄດ້ເລັ່ງລະດົມຄວາມຊ່ວຍເຫຼືອຢ່າງຮີບດ່ວຍ, ໂດຍໄດ້ເປີດຊ່ອງທາງບໍລິຈາກຊ່ວຍເຫຼືອວິກິດໄຟປ່າຫຼາກຫຼາຍຊ່ອງທາງຈົນເກີດເປັນກະແສ #PrayForAustralia ເພື່ອເປັນການສົ່ງກຳລັງໃຈໄປຊ່ວຍທັງຄົນທັງສັດໃນອົດສະຕາລີໃຫ້ສາມາດຜ່ານພົ້ນວິກິດຄັ້ງຮຸນແຮງນີ້ໄປໄດ້.

ສ່ວນຊ່ອງທາງໃນການບໍລິຈາກແມ່ນມີດັ່ງລຸ່ມນີ້:

https://www.redcross.org.au/…/disaster-relief-and-recovery-…

https://www.salvationarmy.org.au/donate/

https://www.rfs.nsw.gov.au/volun…/support-your-local-brigade

https://www.cfa.vic.gov.au/about/supporting-cfa

https://cfsfoundation.org.au/donate

https://www.wires.org.au/donate/now

ຮຽບຮຽງ: ເພັງສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.