ໜ້າເສົ້າ… ເກົາອີ້ສຽງ ນັກສະແດງໜຸ່ມຊື່ດັງເສຍຊີວິດກະທັນຫັນລະຫວ່າງຖ່າຍທຳລາຍການ

0
2006

ເວັບໄຊສະຕຣີດທາມລາຍງານໃນວັນທີ 27 ພະຈິກ 2019 ວ່າ: ກອດຟຣີ ເກົາ ຫຼື ເກົາອີ້ສຽງ ດາລານັກສະແດງຊື່ດັງເຊື້ອສາຍໄຕ້ຫວັນໄດ້ເສຍຊີວິດແບບກະທັນຫັນຂະນະທີ່ກຳລັງຖ່າຍທຳລາຍການວາໄລຕີ້ໂຊ.

ລາຍງານຂ່າວດຽວກັນລະບຸອີກວ່າ: ກອດຟຣີ ເກົາ ດາລາໜຸ່ມຊາວກາດານາ ເຊື້ອສາຍໄຕ້ຫວັນໃນໄວ 35 ປີໄດ້ໝົດສະຕິລະຫວ່າງການຖ່າຍທຳລາຍການ “ເຊສມີ” ວາໄລຕີ້ໂຊຊື່ດັງຂອງ ສປ ຈີນ, ເຫດການດັ່ງກ່າວເກີດຂຶ້ນເມື່ອເວລາປະມານ 2:00 ໂມງ (ຕາມເວລາທ້ອງຖິ່ນ), ໂດຍທີມງານໄດ້ນຳຕົວ ເກົາ ສົ່ງໂຮງໝໍຢ່າງຮີບດ່ວນ ແລະ ອີກເກືອບ 3 ຊົ່ວໂມງຕໍ່ມາທີມແພດກໍໄດ້ຢືນຢັນວ່າ ດາລາໜຸ່ມໄດ້ເສຍຊີວິດແລ້ວ.

ຂະນະທີ່ຊາວເນັດບາງຄົນໄດ້ອອກມາໂພສວ່າ: ພະຍານທີ່ຢູ່ໃນເຫດການເປີດເຜີຍວ່າ ເກົາ ຫົວໃຈຢຸດເຕັ້ນຫຼາຍນາທີແລ້ວກ່ອນທີ່ຈະກັບມາເຕັ້ນອີກຄັ້ງ ແລະ ຖືກນຳສົ່ງໂຮງໝໍທັນທີ. ສ່ວນບໍລິສັດຕົ້ນສັງກັດຂອງດາລາໜຸ່ມກໍໄດ້ອອກຖະແຫຼງການຜ່ານທາງເວປໍ໋ວ່າ: ກອດຟຣີ ເກົາ ໄດ້ໝົດສະຕິກ່ອນທີ່ຈະເສຍຊີວິດລັງຈາກທີ່ຖືກນຳຕົວສົ່ງໂຮງໝໍ, ໂດຍບໍລິສັດຂໍຂອບໃຈແຟນຄລັບທຸກຄົນທີ່ມອບຄວາມຮັກ ແລະ ຕິດຕາມ ເກົາ ມາໂດຍຕະຫຼອດ ແລະ ການເສຍຊີວິດຂອງ ເກົາ ກໍເປັນເລື່ອງທີ່ທຸກຄົນຕ່າງກໍຮູ້ສຶກເຈັບ ປວດ ແລະ ເສຍດາຍ.

ກອດຟຣີ ເກົາ ເລີ່ມເຂົ້າສູ່ວົງການດ້ວຍການເປັນນາຍແບບ ແລະ ຖືເປັນນາຍແບບອາຊີຄົນທຳອິດທີ່ປາກົດຢູ່ໃນໂຄສະນາຂອງ “ຫຼຸຍ ວິກຕອງ” ເມື່ອປີ 2011 ແລະ ຍັງໄດ້ສະແດງຮູບເງົາຮໍລີວູດຫຼາຍເລື່ອງເຊັ່ນ: The Mortal Instruments: City of Bones (ເມື່ອປີ 2013) ແລະ ກາຍເປັນດາລາດັງໃນປະເທດຈີນຫຼັງຈາກສະແດງຮູບເງົາເລື່ອງ Remembering Lichuan (ເມື່ອປີ 2016).

ຂະນະທີ່ຢູ່ໃນໂລກອອນລາຍໂດຍສະເພາະທະວິດເຕີ້ ແຮັຊແທັກ (#GodfreyGao) ເພີ່ມສູງຂຶ້ນມາຢູ່ອັນດັບ 3 ຢ່າງໄວວາ, ໂດຍບັນດາແຟນຄລັບຂອງ ກອດຟຣີ ເກົາ ຕ່າງກໍເຂົ້າມາສະແດງຄວາມເສຍໃຈ ແລະ ໄວ້ອາໄລຕໍ່ການຈາກໄປແບບກະທັນຫັນຂອງດາ ລາໜຸ່ມ.

 

ຮຽບຮຽງ: ເພັງສະຫວັນ

ຮູບພາບ: matichon

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.